JỌṢUA 6:5 - BIBLU WIWE LỌ 1923

⁵ E na sọ yín, dọ whenuena yé yí agbòzo lọ do basi zínhiho, podọ whenuena míwlẹ sọ sè ogbè opèn lọ tọn, gbẹtọ lẹpo na sọ zìn abóbó daho dogbè; adó Jẹliko tọn lẹpo na sọ họ́ jai mlẹnmlẹn, gbẹtọ lẹ dopodopo na sọ hẹji titegbe to nukọn etọn

JỌṢUA 6:5 Iomraidhean Croise

Eksọdusi 19:19

Whenuena ogbè opẹ̀n lọ tọn dọnu gángán gángán, Moṣe dọho, Jiwheyẹwhe sọ yígbè nẹ̃ gbọn ogbède dali.

ISAIA 25:12

Ofigángán atọ̀họ daho odòkọ towe tọn wẹ é hòliaiy é na zín in do odò, é na hẹn ẹn wá aigba, yèdọ do kógudu mẹ.

ISAIA 30:25

Podọ to osó he yì aga lẹpo ji, podọ to okọta he yì aga lẹpo ji wẹ otò po asisa osìn tọn po na te to azán hùhù daho tọn gbè, whenuena atọ̀họ nẹlẹ họ́ jai.

JẸLEMIA 50:15

Mì dabóbó do e ji lédo pé; ewọ ko jó alọ etọn, yè hẹn agbó etọn lẹ jai, yè sisó odòkọ etọn lẹ liai: na ahọsuyí OKLUNỌ tọn wẹ; mì yiahọsu to e go; le ewọ ko wà do, wà hlan ẹn.

HEBLU LẸ 11:30

Gbọn yise dali dòkọ Jẹliko tọn họ súai ehegodo yé lédo ye azán ṣinawe.

JỌṢUA 6:16

E sọ wá jọ to whlasinawetọ ji, whenuena yẹwhenọ lẹ kún opẹ̀n, Jọṣua dọ hlan gbẹtọ lẹ dọ, Dabóbó; na OKLUNỌ ko na tòdaho lọ mì.

JỌṢUA 6:20

Mọwẹ gbẹtọ lẹ dabóbó, bọ yẹwhenọ lẹ kún opẹ̀n lẹ̀: é sọ wá jọ, whenuena gbẹtọ lẹ sè ogbè opẹ̀n lọ tọn wẹ gbẹtọ lẹ zìn abóbó daho dogbè, bọ adó hò jai mlẹnmlẹn, mọwẹ gbẹtọ lẹ hẹji yì tòdaho lọ mẹ, omẹ dopodopo titegbe to nukọn etọn, yé sọ yi tòdaho lọ.

JỌṢUA 6:4

Yẹwhenọ ṣinawe na hẹn opèn ṣinawe agbòzo tọn lẹ to alki nukọn: to azán sinawetọ gbè mì na lédo tòdaho lọ whla ṣinawe, yẹwhenọ lẹ na sọ kún opèn lẹ lọ.

JỌṢUA 6:6

Jọṣua visunnu Nuni tọn sọ ylọ yẹwhenọ lẹ, bo dọ hlan yé dọ, Mì ze alki alènu tọn lọ, bo sọ gbọ yẹwhenọ ṣinawe ni hẹn opẹ̀n ṣinawe agbozo tọn lẹ to alki OKLUNỌ tọn lọ nukọn.

WHẸ̀DATỌ 20:37

Owutọtọ́ to owu mẹ lẹ sọ yawu, bo dli do Gibea ji; owutọtó to owu mẹ lẹ sọ dọ̀n yede yi bo yí onù ohí tọn do hò todaho lẹpo.

1 SAMUẸLI 17:20

Davidi sọ fọ́nṣite to afọnnufù, bo jó lẹngbọ lẹ do yìnyìntọ de de, bo yí, bo yi, dile Jẹsse ko degbè-nẹ do, ewọ sọ wá otẹn kẹkẹgbó lẹ tọn mẹ, le awhànpa he tọ́n jei nado hòavùn dabobo na awhàn lọ.

1 SAMUẸLI 17:52

Omẹ Islaeli tọn lẹ po Juda tọn lẹ po sọ tite, bo dabobo, bo domọna Filistini lẹ, kaka hiẹ do wá jẹ Gai, podọ jẹ họngbo Eklọni tọn lẹ ji. Alántọ Filistini tọn lẹ to aijẹ to aliho jẹ Saalaimi, yèdọ jẹ Gati, podọ jẹ Eklọni.

1 SAMUẸLI 4:5

Whenuena alki alẹ́nù OKLUNỌ tọn tọn wá biọ osla mẹ, Islaeli lẹpo yí ayajẹ daho de do dabobo, sọmọ bọ aigba whànjẹnjẹn.