JỌṢUA 6:2 - BIBLU WIWE LỌ 1923

² OKLUNỌ sọ dọ hlan Jọṣua dọ, Pọ̀n, yẹn ko na Jẹliko do alọ towe mẹ, po ahọlu etọn po, po Sunnu huhlọnnọ tudido tọn lẹ po.

JỌṢUA 6:2 Iomraidhean Croise

2 SAMUẸLI 5:19

Davidi sọ kanbiọ sọn OKLUNỌ de, dọmọ, Yẹn ni hẹji yì pehẹ Filistini lẹ? hiẹ na jó yé do alọ ṣie me? OKLUNỌ sọ dọ hlan Davidi dọ, Hẹji yì: na yẹn na jó Filistini lẹ do alọ towe mẹ dodo.

NẸHEMIA 9:24

Mowẹ ovi lẹ yì emẹ bo tindo aigba lọ, hiẹ sọ hówhiwhẹ tòmẹnu aigba lọ tọn lẹ to yé nukọn, Kananinu lẹ lọ, bo sọ jó yé do alọ yetọn lẹ mẹ, po ahọlu yetọn lẹ po, po akọta aigba lọ tọn lẹ po, na yé nido wà do yé dile yé jlo do.

DANIẸLI 2:21

podọ e sọ nọ diọ ojlẹ le po osã lẹ po: e nọ dìotenna ahọlu lẹ sẹ̀, bo sọ nọ zé ahọlu lẹ daga: é no na nuyọnen hlan nuyọnentọ lẹ, po oyonẹn po hlan yé he yọ́n wuntùntùn.

DANIẸLI 2:44

Podọ to azán ahọlu nẹlẹ tọn lẹ mẹ wẹ Jiwheyẹwhe olọn tọn na zé ahọludu de daga, he ma na yín vivà gbède, mọ yè ma na jó ahọludu etọn dai hlan gbẹtọ devo lẹ gba; ṣigba é na gbà ahọludu do flinflin bo sú ahọludu he lẹpo do, ewọ bo na sọ nọte kakadoi.

DANIẸLI 4:17

Whẹ̀dahó lọ tin gbọn aṣẹ hihótọ lẹ lọ tọn dali, podọ owhóhó lọ gbọn ohó omẹ wiwe lẹ lọ tọn dali: hlan oyílẹn dọ ogbènọ lọ nido yọnẹn dọ Gigogán wẹ dùgán to ahọludu gbẹtọ lẹ tọn mẹ, bo sọ nọ yi i na hlan mẹdepope ewọ jlo, bo nọ zé omẹ he yìdòpatapata daga do e ji.

DANIẸLI 4:35

podọ tòmẹnu aigba tọn lẹpo wẹ yè hia di ovọ́: ewọ sọ nọ wà kẹdẹdi ojlo etọn to awhànfuntọ olọn tọn lẹ mẹ, podọ to tòmẹnu aigba tọn lẹ ṣẹnṣẹn: podọ mẹde ma sọgan hò alọ etọn só, kavi dọ hlan ẹn dọ, Eté hiẹ wiwà?

DANIẸLI 5:18

Hiẹ ahọlu È, Jiwheyẹwhe Gigogán na ahọludu, po kiklo po, po gigodaho po, Nẹbukadnẹzali otò towe:

Deutelonomi 7:24

E na jó ahọlu yetọn lọ do alọ towe mẹ, hiẹ nasọ hẹn oyín yetọn nado dòn son olọn glọ: omẹ de ma na tin sọgan nado site to nukọn towe finẹ, kaka hiẹ ko do và yé.

JỌṢUA 12:9

Ahọlu Jẹliko tọn, dopo; ahọlu Ai tọn, he tin to Bẹteli damẹ, dopo;

JỌṢUA 2:24

Yé sọ dọ hlan Jọsua, dọ Nugbonugbo OKLUNỌ ko yí aigba lọ lẹpo do alọ mìtọn lẹ mẹ; humọ otòmẹnu aigba lọ tọn lẹpo wẹ yọ́ kọnyìngbe to mi nukọn.

JỌṢUA 2:9

ewọ sọ dọ hlan omẹ ewlẹ dọ, Yẹn yọnẹn dọ OKLUNỌ ko na aigba he mì, podọ zingidi mìtọn ko jẹ mí ji, podọ tòmẹnu aigba lọ tọn lẹpo wẹ yé kònyìngbe to mì nukọn.

JỌṢUA 20:1

OKLUNỌ sọ dọhó hlan Jọsua, dọmọ,

JỌṢUA 6:1

(DINVIE yè glọn Jẹliko do e mẹ pẹ̀npèn na ovi Islaeli tọn lẹ tọn wutu: mẹde ma yì gbonu, mẹde ma sọ biọ whegbe.)

JỌṢUA 6:3

Míwlẹ na lèdo tòdaho lọ, sunnu awhàn tọn lẹpo, yìyì lédo tòdaho lọ whladopo. Le wẹ hiẹ na wà do hè azán ṣidopo.

JỌṢUA 8:1

OKLUNỌ sọ dọ hlan Jọsua dọ, A dibu blo, mọ a sọ yín avosatọ blo: yí sunnu awhàn tọn lẹ po hi pò, bo fọ́n, hẹji yì Ai: pọ́n, yẹn ko na do alọ towe mẹ ahọlu Ai tọn, po omẹ etọn lẹ po, po todaho etọn po, po aigba etọn po:

WHẸ̀DATỌ 11:21

OKLUNỌ, Jiwheyẹwhe Islaeli tọn, jó Sihọni po omẹ etọn lẹpo po do alọ Islaeli tọn mẹ, yé sọ hò yé: mọwẹ Islaeli tindo aigba Amọlinu lẹ tọn lẹpo, tòmẹnu otò nẹ tọn lẹ.

WHẸ̀DATỌ 11:24

Hiẹ ma na yí enẹ he yẹwhe towe Semọsi na we nado tindo? mọ mẹdepope OKLUNỌ Jiwheyẹwhe mìtọn ko yàn sọn mi nukọn, yé wẹ míwlẹ na yí.