JỌṢUA 3:7 - BIBLU WIWE LỌ 1923

⁷ OKLUNỌ sọ dọ hlan Jọṣua dọ, Egbé wẹ yẹn na ṣẹ nado hẹn we klo to nukun Islaeli lẹpo tọn mẹ, na yé nido yọnẹn dọ, le yẹn tin po Moṣe po do, mọwẹ yẹn na tin po hiẹ po do.

JỌṢUA 3:7 Iomraidhean Croise

1 OTÀNNUGBO LẸ 29:25

OKLUNỌ sọ hẹn Sọlọmọni klo talala to nukun Islaeli lẹpo tọn mẹ, bo sọ yí gigodaho ahọlu tọn nẹnkọ do e ji, he ma ko tin to ahọlu he jẹnukọn nẹ̀ to Islaeli mẹ depope ji gba.

2 OTÀNNUGBO LẸ 1:1

YÈ sọ nahuhlọn Sọlọmọni visunnu Davidi tọn to ahọludu etọn mẹ, OKLUNỌ Jiwheyẹwhe etọn sọ tin to e de, bo sọ hẹn ẹn klo talala

OWÈ JOB TỌN. 7:17

Etẹ́ gbẹtọ yín, bọ hiẹ na do nọ jlayínna ẹn, Podọ bọ hiẹ na do zé ayiha towe do e go,

PSALM 18:35

Hiẹ yí awòyinú whlẹngan towe tọn na mi ga: Adusilọ towe sọ zé mi dote; Jijọ dẹ̃dẹ towe sọ diọ mi zùn daho.

JOHANU 17:1

ONÚ helẹ wẹ Jesu dọ, zizé nukun etọn daga hlan olọn, é dọmọ, Otò, ojlẹ lọ wá; pagigona Ovi towe; na Ovi lọ nido pagigona we:

FILIPPINU LẸ 1:20

Kẹdẹdi nukundo po tódídó ṣie po dọ, winyan ma na hù mi to nudepope mẹ, ṣigba to tugbigbo popo mẹ, di whepoponu tọn, mọkẹdẹ wẹ dinvie ga yè nasọ pagigona Klisti to agbasa ṣie mẹ, yín eyin gbọn ogbẹ́ dali, kavi gbọn oku dali.

JỌṢUA 1:17

Kẹdẹle mí tuntóai hlan Moṣe to onú lẹpo mẹ do, mọwẹ mí na tuntóai hlan we do: OKLUNỌ Jiwheyẹwhe towe ni tin po hiẹ poṣokẹdẹ dile é ko tin po Moṣẹ po do.

JỌṢUA 1:5

Sunnu depope ma na tin sọgan nado nọte to nukọn towe to azán ogbẹ́ towe tọn lẹpo gbè: dile yẹn tin po Moṣe po do, mọwẹ yẹn na sọ tin po hiẹ po do: yẹn ma na hẹn we mọwinyan, kavi gbẹ́kọ́ ogo we gba.

JỌṢUA 1:9

Yẹn ma ko degbèna we? Yín huhlọnnọ po tudotọ dagbe de tọn po; a yín avosatọ blo, a sọ yín butọnọ blo: na OKLUNỌ Jiwheyẹwhe towe tin po hiẹ po to ofi hiẹ yìyì depope.

JỌṢUA 3:6

Jọṣua sọ dọhó hlan yẹwhenọ lẹ, dọmọ, Mì zé alki alẹnu tọn lọ, bo juyì to gbẹtọ lẹ nukọn. Yé sọ zé alki alènu tọn lọ, bo to yìyì to gbẹtọ lẹ nukọn.

JỌṢUA 3:8

Hiẹ na sọ degbèna yẹwhenọ he hẹn alki alẹ̀nu lọ tọn lẹ, dọmọ, Whenuena míwlẹ jẹ otópa osìn Jọdani tọn lẹ tọn, mìwlẹ na ṣite ṣúdudu to Jọdani mẹ.

JỌṢUA 4:14

To azán nẹ gbè OKLUNỌ hẹn Jọṣua klo to nukun Islaeli lẹpo tọn mẹ; yé sọ dibusi i, dile yé nọ dibusi Moṣe do, to azán ogbè etọn lẹpo tọn mẹ.