JỌṢUA 24:18 - BIBLU WIWE LỌ 1923

¹⁸ OKLUNỌ sọ yàn gbẹtọ lẹpo jẹgbonu sọn mí nukọn, yèdọ Amọlinu lẹ he nọnọ̀ aigba lọ ji lẹ: enẹwutu míwlẹ ga na sẹ̀n OKLUNỌ; na ewọ wẹ Jiwheyẹwhe mìtọn.

JỌṢUA 24:18 Iomraidhean Croise

PSALM 116:16

OKLUNỌ È, devi towe wẹ yẹn nugbo: Devi towe wẹ yẹn, ovisunnu deviyọnnu towe tọn: Hiẹ ko tún ogàn ṣie lẹ.

Eksọdusi 10:2

podọ na hiẹ nido dọ to otọ́ visunnu towe tọn lẹ mẹ, podọ to visunnu visunnu towe tọn lẹ tọn mẹ, núhe yẹn wà do Egipti go lẹ , po ohia he yẹn basi to ṣẹnṣẹn yetọn lẹ po; na míwlẹ nido yónẹn dọ yẹn wẹ OKLUNỌ.

Eksọdusi 15:2

OKLUNỌ wẹ huhlọn poohàn ṣie po, Ewọ sọ lẹzùn whlẹngan ṣie: Ehe wẹ Jiwheyẹwhe ṣie, yẹn na sọ to pipa ẹ ; Jiwheyẹwhe otọ ṣie tọn, yẹn na nọ zé e daga.

Eksọdusi 23:31

Yẹn bo nasọ do agboji towe ai sọn Ohù Vó lọ kòn yèdọ jẹ ohù Filistini lẹ tọn kòn, podọ sọn zùngbo lọ mẹ jẹ Otọ́ lọ kón: na yẹn na jó tòmẹnu aigba lọ tọn lẹ do alọ mìtọn mẹ; hiẹ bo nasọ yàn yé jẹgbonu to nukọn towe.

MIKA 4:2

Akọta susu bo na sọ yì bo dọmọ, Mi wá, bo sọ gbọ mí ni jẹte yì jẹ osó OKLUNỌ tọn kọ̀n, podọ jẹ ohè Jiwheyẹwhe Jakob tọn tọn lọ kòn; ewọ bo na sọ plén mí sọn aliho etọn lẹ mẹ, míwlẹ bo na sọ nọ zinzọnlin to omé etọn lẹ mẹ: na Ziọni mẹ wẹ osén lọ na jẹgbonu sọn yì, podọ ohó OKLUNỌ tọn sọn Jelusalẹm mẹ.

ZEKALIA 8:23

Le wẹ OKLUNỌ awhànpa lẹ tọn dọ: To azán nẹlẹ mẹ é na wá jọ, dọ omẹ ao na tẹ́do e go, sọn akọgbè akọta lẹ tọn lẹpo mẹ, yèdọ na tẹ́dọ avọ̀tónu ewọ he yín Ju de tọn go, dọmọ, Míwlẹ na yì hẹ mì, na mí ko sè dọ Jiwheyẹwhe tin to mì de.

OWALỌ APỌSTELI LẸ TỌN 7:45

Ehe otọ́ mìtọn he wá to godo lẹ hẹn hodo Josua wá aigba Kosi lẹ ton ji, mẹhe Jiwheyẹwheyàn jẹgbonu sọn nukọn otọ mìtọn lẹ tọn, kaka jẹ Davidi whenu;

Deutelonomi 10:21

Ewọ wẹ pipa towe, podọ ewọ sọ wẹ Jiwheyẹwhe tòwe, he ko wà onú daho podọ he jiawu helẹ na we, he nukun towe lẹ ko mọ.

Deutelonomi 33:27

Jiwheyẹwhe madopodo lọ wẹ ofi ninó towe, Podọ to oglọ wẹ awà madopodo lẹ lọ te: E ko sọ tùn kèntọ lọ jẹgbonu sọn nukọn towe, Bo dọmọ, To vivà.

JỌṢUA 23:9

Na OKLUNỌ ko yàn jẹgbonu sọn mì nukọn akọta daho huhlonnọ lẹ: Ṣigba na mìwlẹ tọn, omẹ de ma ko nọte to mì nukọn je azán he gbè

JỌṢUA 24:17

na OKLUNỌ Jiwheyẹwhe mìtọn ewọ wẹ ewọ he hẹn mí po otò mìtọn lẹ po heji tòn sọn aigba Egipti tọn ji, sọn owhé mẹglọnọ tọn mẹ, podọ he wà ohia daho nẹlẹ to nukun mìtọn mẹ, bo sọ whla mí to aliho lẹpo ji fiemẹ mí gbọ̀n, podọ to gbẹtọ lẹpo ṣẹnṣẹn ogbla mẹhe tọn mẹ mí gbọn:

JỌṢUA 24:19

Jọṣua sọ dọ hlan gbẹtọ lẹ dọ, Míwlẹ ma sọgan sẹ̀n OKLUNỌ gba; na Jiwheyẹwhe wiwe de wẹ ewọ; Jiwheyẹwhe awuwhantọ de wẹ ewọ; é ma na jona nudakandakan mìtọn kavi ylando mìtọn lẹ gba.