JỌṢUA 23:6 - BIBLU WIWE LỌ 1923

⁶ Enẹwutu mì ni yín tudotọ talala nado yìn podọ nado wà enẹ he yè wlan do owé osẹ́n Moṣe tọn tọn mẹ lẹpo, dọ mì lẹ do apadopo sọnfinẹ hlan adusilọ mẹ kavi hlan amiyọn blo;

JỌṢUA 23:6 Iomraidhean Croise

1 AHỌLU LẸ 2:3

bo yìn asẹ OKLUNỌ Jiwheyẹwhe towe tọn, nado nọ zinzọnlin to aliho etọn lẹ ji, nado nọ yìn osẹ́ndoai etọn lẹ, po gbèdide etọn lẹ po, po whẹ̀dida etọn lẹ po, po aṣedai etọn lẹ po, kẹdẹdi enẹ he yè kàn do osẹ́n Moṣe tọn mẹ, na hiẹ nido dota to ehe hiẹ to wiwà lẹpo mẹ, podọ to fidepope hiẹ lé dewe hlan:

PSALM 101:3

Yẹn ma na yí onú ylanylan de do nukọn nukun ṣie tọn Yẹn gbẹwanna azọ́n omẹ he klán lẹ tọn; É ma na tẹ́ do ogo e gba.

PSALM 119:102

Yẹn ma fẹ́ sọn whẹ̀dida towe lẹ ji gba; Na hiẹ wẹ ko plọ́n mi.

JẸLEMIA 9:3

Yé sọ dé odó yetọn di e yín ogá yetọn na lalodido; yè sọ hẹn yé whén huhlọnnọ to aigba lọ mẹ, aigba é ma yín na nugbowà gba; na yé to nukọnyì sọn oylan mẹ je oylan mẹ, podọ yé ma yẹ́n mi gba, wẹ OKLUNỌ dọ.

1 KỌLINTINU LẸ 16:13

Mì to alihó, mì nọte gli to yise mẹ, mì hẹn mìde di sunnu, mì ni yín huhlonnọ.

Deutelonomi 12:32

Onú depope he yẹn degbèna mì, enẹ wẹ mì na payido nado nọ wà: hiẹ ma na dè dogọ́ ẹ, kavid èpò sọn e mẹ gba.

Deutelonomi 17:20

na ayiha etọn ma na do yín zizé daga hugan mẹmẹsunnu etọn lẹ, podọ na ewọ lé jẹla sọn gbèdide lọ mẹ hlan alọ adusi kavi hlan amiọn blo: hlan opòdo lọ na é nido hẹn azán etọn dẹn to ahọludu etọn mẹ, ewọ po ovi etọn lọ po, to gblagbla Islaeli tọn lọ mẹ.

Deutelonomi 28:14

bo ma na lẹ́ jẹla sọn ohó he yẹn degbèna mí to egbé he lẹ lọ tọn depope mẹ, hlan alọ adusi mẹ, kavi hlan amiọn mẹ, nado hodo yẹwhe devo lẹ yì nado sẹ́n yé.

Deutelonomi 5:32

Enẹwutu mì na nọ payi nado basi dile OKLUNỌ lọ Jiwheyẹwhe mìtọn ko degbèna mì do: mì ma na lé jẹla hlán alọ adusi mẹ kavi hlan amiyọn mẹ gba.

HEBLU LẸ 12:4

Miwlẹ ma sà ko pànnukọn avùn jẹ ohùn to avùnhiho mìtọn mẹ hẹ ylando.

OSỌHIA 21:8

Ṣigba obutọnọ lẹ, po mayisenọ lẹ po, gbigbletọ lẹ, po hlọnhutọ lẹ po, po ayòdetọ lẹ po, owọntọ lẹ, bosiọsóntọ lẹ, po lalonọ lẹpo po na tindo tẹnmẹ yetọn to ofi hihla he to miyọn ji po whèmí po tọn mẹ, ehe wẹ okú awetọ.