JỌṢUA 23:16 - BIBLU WIWE LỌ 1923

¹⁶ Whenuena mì gbà alẹ̀nu OKLUNỌ Jiwheyẹwhe mìtọn tọn, ehe é degbèna mìj bo yì bo sẹ́n yẹwhe devo lẹ, bo dé mìde hlan yé; whenẹnu wẹ yè na hẹn adi OKLUNỌ tọn jimiyọn do mì ji, bọ mì na sọ và plaun sọn aigba dagbe lọ ji ehe é ko na hlan mì.

JỌṢUA 23:16 Iomraidhean Croise

1 AHỌLU LẸ 14:15

Na OKLUNỌ na hò Islaeli, dile yè nọ whàn ofán to osìn mẹ do; ewọ na sọ họ̀nadọna Islaeli sọn aigba dagbe he ji, he é na hlan otọ́ yetọn lọ, bo na vúnvún yé jẹ̀ Otò lọ gododọ̃n; na yé ko basi Aṣelimi yetọn, do to homẹhẹngble OKLUNỌ hlan adi wutu.

1 AHỌLU LẸ 9:6

Sigba eyín míwlẹ na lé sọn hihodo mi mẹ, mìwlẹ kavi ovi mìtọn lẹ, bo ma yìn gbèdide ṣie lẹ gba po osẹ́ndoai ṣie lẹ po he yẹn ko zé do mì nukọn, ṣigba bo na yì bo to yẹwhe devo lẹ sèn, bo to taliaina yé:

1 AHỌLU LẸ 9:7

whenẹnu wẹ yẹn na sán Islaeli sẹ́ sọn aigba lọ ji he yẹn ko na yé; podọ ohò he, he yẹn ko hiọ na oyín ṣie, wẹ yẹn na zédlan gbonu sọn nukọn ṣie; Islaeli na sọ yín hówhínwhẹ́n de po hódọnu de po to akọta lẹpo ṣẹnṣẹn:

2 AHỌLU LẸ 17:7

E sọ yín mọ, na ovi Islaeli tọn lẹ ko wàylando do OKLUNỌ Jiwheyẹwhe yetọn go wutu, he hẹn yé hẹji tón sọn aigba Egipti tọn ji sọn alọ Falo ahọlu Egipti tọn tọn glọ, bo sọ to budisi yẹwhe devo lẹ.

2 AHỌLU LẸ 24:20

Na gbọn adi OKLUNỌ tọn mẹ wẹ é do wá jọ to Jelusalẹm mẹ podọ to Juda, kaka é do zé yé dlan sọn nukọn etọn: Zẹdekia sọ ṣatẹ po ahọlu Babilọni tọn po.

ISAIA 24:5

Yè sọ hẹn aihọn gble to omẹ he to e mẹ lẹ glọ; na yé ko jẹ osẹ́n lẹ lọ mẹ, yé diọ alẹnuhó, yé hẹn alẹnu madopodo gble.

JẸLEMIA 32:23

yé sọ wá e mẹ, bo yí i na nutindo; ṣigba yé ma sètónuna ogbè towe gba, bo ma sọ zinzọnlin to osén towe mẹ gba; yé ma ko wà núde sọn ehe hiẹ degbèna yé lẹpo mẹ nado wà gba: enẹwutu wẹ hiẹ hẹn oylan he lẹpo nado wá yé ji:

JẸLEMIA 32:24

dayi osé lẹ go, yè hẹn yé wá jẹ tòdaho lọ mẹ nado yí i; yè sọ jó tòdaho lọ do alọ Kaldeanu he hoavùn hẹ ẹ lẹ tọn mẹ, na ohi lọ tọn wutu, po ohùvé lọ tọn po, po azònylankan lọ tọn po: podọ yè ko sọ hẹn núhe hie ko dọ jọ; bo, dayi e go, hiẹ mọ ẹn.

Osọha lẹ 33:56

E nasọ wá jọ, dọ le yẹn lẹn nado wà hlan yé do, mọwẹ yẹn na wà hlan mì.

Deutelonomi 17:3

bo ko yì bo sèn yẹwhe devo lẹ, bo litaìna yé, kavi owhè lọ, kavi osùn lọ, kavi depope Sọn awhànpa olọn tọn lọ mẹ, he yẹn ma degbèna;

Deutelonomi 28:15

Ṣigba é na wá jọ, eyín hiẹ ma na tùntóai hlan ogbè OKLUNỌ lọ Jiwheyẹwhe towe tọn gba, nado nọ payi nado basi gbèdide etọn lẹpo po asẹdai etọn lẹ po he yẹn degbèna we to egbé he; wẹ odẹ̀hodo helẹ pó na wá oji we, bo sọ pla we.

Deutelonomi 6:15

na OKLUNỌ lọ Jiwheyẹwhe towe to gblagbla towe mẹ wẹ Jiwheyẹwhe awuwhànnọ de; adi OKLUNỌ lọ Jiwheyẹwhe towe tọn nikã yín hinhẹnjimiyọn do oji we, ewọ bo nasọ và we sẹ̀ sọn nukunmẹ aigba lọ tọn.

WHẸ̀DATỌ 2:14

Yé sọ hẹn adi OKLUNỌ tọn jimiyọn do Islaeli ji, é sọ jó yé do alọ mẹhẹngbletọ lẹ tọn mẹ he hẹn ye gble, é sọ sà yé do alọ kẹ̀ntọ yetọn lẹ tọn lẹ mẹ lẹ́do, bọ yé ma do sọ sọgan nọte to kẹ̀ntọ yetọni lẹ nukọn ba.

WHẸ̀DATỌ 2:20

Yé sọ hẹn adi OKLUNỌ tọn jimiyọn do Islaeli ji; é sọ dọmọ, Na akọta he ko gbà alẹ̀nu ṣie wutu ehe yẹn degbèna otọ́ yetọn lẹ, bo ma ko tuntóai hlan ogbè ṣie gba;

1 SAMUẸLI 12:25

Ṣigba eyín mìwlẹ gbẹ́ sọ yí ylankan do to wiwà, yè na sú mì do, míwlẹ po ahọlu mìtọn po.