JỌṢUA 23:12 - BIBLU WIWE LỌ 1923

¹² Ṣigba eyín mì ha to alọdepope mẹ gọ̀yì godo, bo sèbọ pipotọ akọta helẹ tọn do ogo, yèdọ ehelẹ he pò to mì ṣẹnṣẹn, bo basi alọwe po ye po, bo yì hòmẹ jẹ yé de, bọ yéwle jẹ mì de:

JỌṢUA 23:12 Iomraidhean Croise

Gẹnẹsisi 2:24

Enẹwutu wẹ sunnu na jo otọ́ po onò po do, bo na sẹbọdo asi etọn go: yé nasọ lẹzùn olàn dopo.

Gẹnẹsisi 34:3

Ayiha etọn sọ dòn do Dina viyọnnu Jakobu tọn go, é yiwánna awhli lọ, bo sọ dọhó dagbe hlan awhli lọ.

1 AHỌLU LẸ 11:2

Sọn akọta lẹ mẹ ehe tọn OKLUNỌ dọ hlan ovi Islaeli tọn lẹ dọ, Míwlẹ ma na yì yé ṣẹnṣẹn gba, mọ yéwlẹ ma na wá mìwlẹ ṣẹnṣẹn: na nugbonugbo yé na lẹ́ ayiha mìtọn do yẹwhe yetọn lẹ godo: Sọlọmọni sẹ̀bọdo ehelẹ de to owanyi mẹ.

1 AHỌLU LẸ 11:4

Na é sọ wá jọ, whenuena Sọlọmọni yín mẹho, wẹ asi eton lẹ lẹ́ ayiha etọn do yẹwhe devo lẹ godo: ayiha etọn ma sọ yín pipó to OKLUNỌ Jiwheyẹwhe etọn de gba, dile ayiha Davidi otọ́ etọn tọn te do.

PSALM 125:5

Ṣigba na yé he lé jẹ apadopo hlan aliho gbingban yetọn lẹ ji tọn dali, OKLUNỌ na dè yé tọ́n po azọ́ntọ oylanwà tọn lẹ po. Jijọho ni tin to Islaeli ji.

PSALM 36:3

Ohó onù etọn mẹ tọn yín ylando po oklọ po: É ko jo nuyọnẹn po dagbewiwà po dai.

ISAIA 1:4

Jẽ akọta ylankan omẹ he agbàn ylando tọn to pinpẹ́n, ovikun ylanwàtọ lẹ tọn, ovi he basi hẹngble: yé ko jó OKLUNỌ dai, yé ko hẹn homẹgblena Omẹ Wiwe Islaeli tọn, bo sọ jagọ̀ yì godo.

EZEKIELI 18:24

Ṣigba whenuena dódónọ lọ lé sọn dódó etọn mẹ, bo wà oylanwà, bo sọ wà kẹdẹdi osùnú he omẹ ylankan lọ ko wà lẹpo lẹ, bé ewọ na nọgbẹ́ mọ? Depope to owàlọ dódónọ etọn he é ko wà lẹ mẹ ma na yín finflin gba: to osẹ́nmẹjẹ etọn mẹ he ewọ ko do jẹsénmẹ, podọ to ylando etọn mẹ he ewọ ko do wàylando, yé mẹ wẹ ewọ na kú te.

ZẸFANIA 1:6

Podọ yé he ye hẹn lé dogodo sọn OKLONỌ hihodo mẹ; pọ enẹlẹ he ma ko din OKLUNỌ po, mọ má sọ kàn ewọ biọ gba.

MATIU 12:45

Whenẹnu wẹ é yì, bo sọ hẹn gbigbọ ṣinawe devo he ylankan hú ewlọsu, yé sọ biọ ohò etọn mẹ, bo so nọnọ̀ fine: godomẹ dawe lọ tọn sọ ylanhú tintantọn. Mọkẹdẹ wẹ é na nọ hlan whendo ylankan he ga.

JOHANU 6:66

Ehe ji wẹ susu to nuplọntọ etọn lẹ me gò do godo, bo ma sọ zòn hẹ ẹ ba.

LOMUNU LẸ 12:9

mì gbọ owanyi ni tin matin yẹnuwiwà Mì nọ gbẹwanna onú he ylan: bo joawuna ehe yín dagbe.

Deutelonomi 6:15

na OKLUNỌ lọ Jiwheyẹwhe towe to gblagbla towe mẹ wẹ Jiwheyẹwhe awuwhànnọ de; adi OKLUNỌ lọ Jiwheyẹwhe towe tọn nikã yín hinhẹnjimiyọn do oji we, ewọ bo nasọ và we sẹ̀ sọn nukunmẹ aigba lọ tọn.

Deutelonomi 7:3

mọ hiẹ ma na basi alọwle lẹ po yé po gba; hiẹ ma na yí viyọnnu towe na hlan visunnu etọn gba, kavi na yí viyọnnu etọn hlan visunnu towe gba.

Deutelonomi 7:4

Na ewọ na gò visunnu towe ṣe sọn hihodo mi mẹ, na yé nido nọ sẹ́n yẹwhe devo lẹ; mọwẹ yè na hẹn adi OKLUNỌ lọ tọn jimiyọn do mì jì, ewọ bo nasọ và mì plaun.

JỌṢUA 23:11

Enẹwutu mì yí ayipipa dagbe hlan mìde, dọ mì ni yiwanna OKLUNỌ Jiwheyẹwhe mìtọn.

1 JOHANU 2:9

Mẹhe dọmọ é tin to hinhọ́n mẹ, bo sọ gbẹwanna mẹmẹsunnu etọn, ewọ tin to zinvlu mẹ kaka jẹ dinvie.

WHẸ̀DATỌ 14:3

Whenẹnu wẹ otọ́ ẹtọn Po onọ etọn po dọ hlan ẹn dọ, Yọnnu de ma tin to viyọnnu mẹmẹsunnu towe lẹ ṣẹnṣẹn ba, kavi to omẹ towe lẹpo ṣẹnṣẹn, bọ hiẹ do jei nadọ yí asi de sọn Filistini whẹmagbonọ lẹ mẹ? Samsọni sọ dọ hlan otọ́ etọn dọ, Mọ ẹn na mi; na é hẹnhọmẹhùn mi dagbedagbe.

WHẸ̀DATỌ 3:6

Ye sọ yí viyọnnu yetọn nadọ yín asi yetọn le, bo sọ na viyọnnu yetọn titi le hlan visunnu yetọn lẹ, bo sọ to yẹwhe yetọn lẹ sẹ̀n.