JỌṢUA 23:10 - BIBLU WIWE LỌ 1923

¹⁰ Sunnusi dopo mì tọn na yànmọna fọtọ̀n de: na OKLUNỌ Jiwheyẹwhe mìtọn, ewọ wẹ éwọ he to avùnho na mì, dile é dọhó hlan mì do.

JỌṢUA 23:10 Iomraidhean Croise

2 SAMUẸLI 23:8

Ehelẹ yín oyín omẹ hlọnhlọnnọ lẹ tọn mẹhe Davidi tindo lẹ: Josẹbibasebẹti Takemoninu de, ogán awhàngán lẹ tọn; doponẹ wẹ Adino Ezninu lọ, to alántọsiọ fẹnẹ ji to ojlẹ dopo mẹ.

1 OTÀNNUGBO LẸ 5:20

Yè sọ gọalọna yé do yé go, yè sọ jó Haglinu lẹ do alọ yetọn mẹ, po yé he tin to yé de lẹpo po: na yé dawhá ylọ Jiwheyẹwhe to awhànfuntẹn mẹ, yè sọ vẹ̀ ẹ sọn yé de; na yé yí tudido yetọn do e mẹ wutu.

1 OTÀNNUGBO LẸ 5:22

Na mẹsusu to finẹ wẹ jai alántọṣiọ, na awhàn lọ tin sọn Jiwheyẹwhe de wutu. Yé sọ to otẹn yetọn mẹ nọ̀ kakajẹ mẹmẹglọnọ whenu.

PSALM 35:1

HÒAVÙN, OKLUNỌ È, hẹ yé he po yẹn po to avùnhò lẹ: Fùnawhàn hẹ yé he to awhànfùn hẹ mi lẹ.

PSALM 46:7

OKLUNỌ awhànpa lẹ tọn tin to mí de; Jiwheyẹwhe Jakobu tọn wẹ atọ̀họ he yìaga mítọn. Selah.

Eksọdusi 14:14

OKLUNỌ na hòavùn na mì, mìwlẹ nasọ bò onù mìtọn do.

ISAIA 30:17

Fọtón na họ̀n na wiwọhẹ omẹ dopo tọn; to wiwọhẹ omẹ atọ́n tọn mẹ wẹ mì na họ̀n: kaka bọ mì na pò di hiadonu to aga osó tọn ji, podọ di asia to oji aga.

Levitiku 26:7

Podọ mìwlẹ na domọna kentọ mìtọn le, ye bo na jai gbọn ohi lọ dali to mì nukọn.

Levitiku 26:8

Atón sọn mì me na domọna kanweko de, podọ kanweko de sọn mì mẹ na domọna fọtọ́n ao: kẹ̀ntọ mìtọn lẹ bo nasọ jai gbon ohi lọ dali to mì nukọn.

ZEKALIA 12:8

Azán nẹ me wẹ OKLUNỌ na glonawhanna tomẹnu Jelusalẹm tọn lẹ; podọ ewọ he dabli to yé ṣẹnṣẹn to azán nẹ gbè na tin di Davidi; owhé Davidi tọn na sọ tin di Jiwheyẹwhe, di angẹli OKLUNỌ tọn to yé nukọn.

LOMUNU LẸ 8:31

Etẹ ka wẹ mí na dọ do onúhelẹ go lò? Eyín Jiwheyẹwhe tin na mí, mẹnu wẹ tin agọ̀ do mí go?

Deutelonomi 20:3

bo na dọ hlan yé dọ, Eslaeli E, sè, mìlẹ dindọ̀n sẹpọ́ jẹ awhànfùntẹn to egbé he do kóntọ mìtọn lẹ ji: mì dike ayiha mìtọn kusiọ blo; mì dibu blo, kavi sisọ blo, mọ mí sọ yín avosatọ na yé tọn blo;

Deutelonomi 20:4

na OKLUNỌ lọ Jiwheyẹwhe mìtọn wẹ ewọ he to yìyì po mì po, nado hoavùn na mì hẹ kẹ́ntọ mìtọn lẹ, nado whlẹn mì

Deutelonomi 28:7

OKLUNỌ lọ na hẹn kènto towe he fọ́n do oji we lẹ nado yín hihò to nukọn towe: Yé na gbọn aliho de ji jegbonu wá oji we, bo nasọ gbọn aliho ṣinawe họ̀nyì to nukọn towe.

Deutelonomi 3:22

Mìle ma na dibuna yé gba: na OKLUNỌ lọ Jiwheyẹwhe mitọn, ewọ wẹ é yín he to ovùnhò na mì.

Deutelonomi 32:20

E bo sọ dọmọ, Yẹn na yí nukunmẹ ṣie whla sọn yé de, Yẹn na pọ́n núhe opodo yetọn na yín: Na whẹndo tólivẹtọ talala de wẹ yé, Ovi mẹhe mẹ yise de ma te.

Deutelonomi 32:30

Nawẹ mẹdopo do yàn fọtọ́n do, Podọ omẹ awe do hẹn fọtọ́n ao họ̀nyi, Adavo dọ, Osé yetọn ko sà yé, Podọ OKLUNỌ lọ ko dè yé jó?

JỌṢUA 10:42

Ahọlu helẹpo, po aigba yetọn po wẹ Jọsua yí to ojlẹ dopo mẹ, na OKLUNỌ, Jiwheyẹwhe Islaeli tọn hòavùn na Ialaeli wutu.

JỌṢUA 23:11

Enẹwutu mì yí ayipipa dagbe hlan mìde, dọ mì ni yiwanna OKLUNỌ Jiwheyẹwhe mìtọn.

JỌṢUA 23:3

mìwlẹ ko sọ mọ ẹnẹ he OKLUNỌ Jiwheyẹwhe mìtọn ko wà hlan akọta hele pó na mì tọn wutu; na OKLUNỌ Jiwheyẹwhe mìtọn, ewọ wẹ ewọ he ko hòavùn na, mì

WHẸ̀DATỌ 15:15

E sọ mọ aglànkahú yọ́yọ́ kẹtẹkẹtẹ de tọn, bo dè alọ etọn jẹgbonu, bo yí i, bo yí do hò omẹ fọtọ́n.

WHẸ̀DATỌ 3:31

To gòdo ewọ tọn wẹ Ṣamgali visunnu Anati tọn, he yí yìnyìnpò de do hò sunnusi nuọntọ̀n sọn Filistininu lẹ mẹ: ewọ ga sọ whlẹn yé.

1 SAMUẸLI 14:6

Jonatani sọ dọ hlan yọ̀pọ dẹpẹ he hẹn awhàngbaja etọn dọ, Wá bo gbọ mí ni yì towhàn whèmagbonọ helẹ tọn de to gododọ̃n: é sọgan yín dọ OKLUNỌ na wàzọn na mí: na oglọn de ma tin hlan OKLUNỌ gba nado whlẹn gbọn susu dali kavi gbọn vude dali.