JỌṢUA 23:1 - BIBLU WIWE LỌ 1923

¹ E sọ wá jọ to azán susu godo, whenuena OKLUNỌ ko na gbọjẹ hlan Islaeli sọn kẹ̀ntọ yetọn lẹ si lédo, bọ Jọsua ko yín mẹwhinwhén bo pevè to owhè susu mẹ;

JỌṢUA 23:1 Iomraidhean Croise

Gẹnẹsisi 25:8

Ablaham sọ jo gbigbọ do, bo sọ kú to yọnhomẹ, mẹhóhó he gọ̀ na owhè susu, yè sọ hò e pli hlan omẹ etọn lẹ.

1 AHỌLU LẸ 1:1

DINVIE Davidi ahọvi ko yín mẹho bo sọ sù to owhè lẹ mẹ; yé sọ yí avọ̀ lẹ ṣinyọn nẹ̃, ṣigba e ma tin yozo gba.

1 OTÀNNUGBO LẸ 23:25

Na Davidi dọmọ, OKLUNỌ, Jiwheyẹwhe Islaeli tọn, ko na ogbọjẹ hlan omẹ etọn lẹ; é sọ nọ nọ̀ Jelusalẹm mẹ doidoi:

1 OTÀNNUGBO LẸ 27:1

DINVIE ovi Islaeli tọn lẹ kẹdẹdi osọha yetọn, nado dọ, ogán owhé otọ́ lẹ tọn tọn lẹ po awhàngán fọtọ́n lẹ tọn lẹ pọ po kanweko lẹ tọn lẹ po, po gbonugán yetọn lẹ po hé nọ sẹ́n ahọlu to owhẹhó okanta lẹ tọn depope mẹ he wá whégbe bo sọ jẹgbonu to sùnmẹ-sùnmẹ gbọn osùn owhè tọn lẹpo mẹ, sọn okanta dopodopo mẹ yín fọtọ́n kònukunẹnẹ.

2 OTÀNNUGBO LẸ 14:1

MỌWẸ Abija sọ damlọn po otọ́ etọn lẹ po, yé sọ di i to tòdaho Davidi tọn mẹ, Asa visunnu etọn sọ dùahọlu to otẹn etọn mẹ: to azán etọn lẹ mẹ aigba lọ yin abọẹnọ owhè ao.

2 OTÀNNUGBO LẸ 14:5

E sọ bé otẹn yiji lẹ po owhe-bosiọ lẹ po tọn sọn tòdaho Juda tọn lẹpo mẹ ga: ahọludu lọ sọ yín abọẹnọ to e nukọn.

2 OTÀNNUGBO LẸ 20:30

Mọwẹ ahọluigba Jehọsafati tọn tin abọẹ: na Jiwheyẹwhe etọn na ogbọjẹ ẹ lẹ́do pé.

PSALM 46:9

É hẹn awhàn gbọ kaka jẹ aigba, pòdo; É wén ogá, bo sọ sán owhán do awe; hẹn kẹkẹ awhàn tọn fiọ to miyọn mẹ.

ISAIA 63:14

Dile kanlin nọ jọte yì agbàdo mẹ, mọwẹ Gbigbọ OKLUNỌ tọn hẹn ẹn gbọjẹ do: mọwẹ hiẹ dèana omẹ towe lẹ, nado basi oyín gigonọ de na dewe.

Deutelonomi 31:2

E sọ dọ hlan yé dọmọ, Owhè kantọ̀n mẹho wẹ yẹn to égbé he; Yẹn ma sọ sọgan jẹgbonu yì podọ wá whegbè ba gba; OKLUNỌ lọ ko sọ dọ hlan mi dọ, Hiẹ ma na hẹji yì Jọdani he godo gba.

JỌṢUA 11:23

Mowẹ Jọṣua yí aigba lẹpo pete, kẹdẹdi ehe OKLUNỌ dọ hlan Moṣe lẹpo; Jọsua sọ na ẹn na ogú de hlan Islaeli kẹdẹdile gònugnu yetọn lẹ te gbọn whẹndo yetọn lẹ dali. Aigba lọ sọ tindo gbọjẹ sọn awhàn si.

JỌṢUA 13:1

DINVIE Jọsua yín yónhonọ bo dohó to owhè mẹ; OKLUNỌ sọ dọ hlan ẹn dọ, Hiẹ yín whinwhẹn bo dohó to owhè mẹ, aigba susu gégé gbẹ́ sọ pò nado yín yíyí.

JỌṢUA 21:44

OKLUNỌ sọ na ogbọjẹ yé lédo, kẹdẹdi ehe é whlena lẹpo hlan otọ́ yetọn lẹ: omẹ de sọn kẹ̀ntọ yetọn lẹ mẹ ma nọte to yé nukọn; OKLUNỌ jó kẹ̀ntọ yetọn lẹpo do alọ yetọn mẹ.

JỌṢUA 22:4

Dinvie OKLUNỌ Jiwheyẹwhe mìtọn ko na ogbọjẹ hlan mẹmẹsunnu mìtọn lẹ, dile é dọhó hlan mì do: enẹwutu dinvie mì ni lé, bo yì gohò mìtọn lẹ mẹ, bo yì aigba nutindo mìtọn tọn ji, ehe Moṣe mẹmẹsi OKLUNỌ tọn na mì to Jọdani gododọ̃n

1 SAMUẸLI 12:2

Dinvie, mì dayi e go, ahọlu lọ to zọnlinzin to mì nukọn: yẹn sọ yín yónhonọ po tawhànọ po; bo, dayi e go, visunnu ṣie lẹ sọ tin to mì de: yẹn ko sọ to zọnlinzin to mi nukọn sọn ovu ṣie jẹ azán he gbè.