JỌṢUA 22:23 - BIBLU WIWE LỌ 1923

²³ dọ mìwlẹ ko dó agbà de na mí nado diọkò yì sọn hihodo OKLUNỌ mẹ; kavi eyín nado na to ejifìnẹ avọ́ nunina mimẹ̀ kavi avọ́ nunina jinulili tọn, kavi eyín nado na avọsanu avọ́ nunina jijọho tọn lẹ to ejifìnẹ, gbọ OKLUNỌ lọsu ni kanbiọ;

JỌṢUA 22:23 Iomraidhean Croise

Gẹnẹsisi 9:4

Ṣigba olàn po ogbè etọn po, yèdọ ohùn etọn, wẹ mì ma na dù.

2 OTÀNNUGBO LẸ 24:22

Le wẹ Joaṣi ma flin dagbewà he Jehọiada otò etọn ko wà hlan ẹn, ṣigba bo hù visunnu etọn. Whenuena é to kúkú, é dọmọ, OKLUNỌ ni pọn ẹn, bo sọ kàn ẹn biọ.

EZEKIELI 3:18

Whenuena yẹn dọ hlan mẹylankan dọ, Hiẹ na kú nugbonugbo; bọ hiẹ ma na núkọ́namẹ ewọ gba, bo ma sọ dọho nado kọ́nuna mẹylankan sọn aliho ylankan etọn mẹ, nado whlẹn ogbẹ̀ etọn; omẹ ylankan dopolọ na kú to oylanwà etọn mẹ; ṣigba ohùn etọn we yẹn na kanbiọ to alọ towe mẹ.

EZEKIELI 33:6

Ṣigba eyín hihótọ lọ mọ yè hẹn ohi lọ ja, bo ma kún opèn lọ gba, bọ gbẹtọ ewlẹ ma yín hinhẹnsèavà gba, bọ yè hẹn ọhi lọ wá, bo yí gbẹtọ depope sọn yé ṣẹnṣẹn; yè dè ewọ sè na oylanwà etọn, ṣigba ohùn etọn wẹ yẹn na kanbiọ to alọ hihótọ lọ tọn mẹ.

EZEKIELI 33:8

Whenuena yẹn dọ hlan mẹylankan lọ dọ, hiẹ omẹ ylankan E, hiẹ na kú nugbonugbo, bọ hiẹ ma dọhó nado hẹn meylankan lọ sèavà, sọn aliho etọn mẹ gba, ome ylankan nẹ na kú na oylanwà etọn, ṣigba ohùn etọn wẹ yẹn na kanbiọ to alọ towe mẹ

Deutelonomi 12:11

Whenenu wẹ é na wá jọ dọ otẹnmẹ lọ he mẹ OKLUNỌ lọ Jiwheyẹwhe mìtọn na dè nado hẹn oyín etọn nado nọnọ̀ finẹ, finẹ wẹ mì na hẹn ehe yẹn degbèna mì lẹpo wá; avọ́nunina mimẹ̀ mìtọn lẹ, po avósannu mìtọn lẹ po, madao mìtọn lọ, po avọ́nunina zédlanga alọ mìtọn tọn lọ po, po opadido didè mìtọn lẹpo po he mì do dopa hlan OKLUNỌ lọ.

Deutelonomi 18:19

E bo na wá jọ, dọ mẹdepope he ma na tùntóai hlan ohó ṣie he é na dọ to oyín ṣie mẹ lẹ, yẹn na kan ẹn biọ sọn e de.

JỌṢUA 22:24

eyín mí ma kuku ko wà ehe sọn ayipipa mẹ, podọ sọn núdétamẹ, dọmọ, To ojlẹ he ja mẹ ovi mìtọn lẹ sọgan dọ hlan ovi mìtọn le, dọmọ, Ẹtẹ mìwlẹ tindo nado wà po OKLUNỌ po, Jiwheyẹwhe Islaeli tọn?

1 SAMUẸLI 20:16

Mowẹ Jonatani basi alẹ̀nù de hẹ owhé Davidi tọn, dọmọ, Podọ OKLUNỌ na kàn ẹ biọ to alọ kẹ̀ntọ Davidi tọn lẹ tọn mẹ.