JỌṢUA 22:18 - BIBLU WIWE LỌ 1923

¹⁸ dọ mì nọma diọkò yì to egbé he sọn OKLUNỌ hihodo mẹ blo? é na sọ yín, mimọ mì ṣiatẹ to egbé hẹ OKLUNỌ, dọ to osò ewọ na yín homẹgbletọ hẹ agùn Islaeli tọn pete.

JỌṢUA 22:18 Iomraidhean Croise

2 SAMUẸLI 24:1

YÈ sọ vọ́ adi OKLUNỌ tọn hẹn jimiyọn do Islaeli ji, é sọ dè Davidi do yé ji, dọmọ, Yì, hia Islaeli po Juda po.

1 AHỌLU LẸ 9:6

Sigba eyín míwlẹ na lé sọn hihodo mi mẹ, mìwlẹ kavi ovi mìtọn lẹ, bo ma yìn gbèdide ṣie lẹ gba po osẹ́ndoai ṣie lẹ po he yẹn ko zé do mì nukọn, ṣigba bo na yì bo to yẹwhe devo lẹ sèn, bo to taliaina yé:

2 AHỌLU LẸ 17:21

Na é fẹ́n Islaeli sọn owhe Davidi tọn gbè; yé sọ yí Jeloboami visunnu Nebati tọn do basi ahọlu: Jeloboami sọ yàn Islaeli sọn hihodo OKLUNỌ mẹ, bo sọ hẹn yé wàylando ylando daho de.

1 OTÀNNUGBO LẸ 21:1

SATÀNI sọ fọ́n ṣite do Islaeli ji, bọ sisẹ Davidi nado hia Islaeli.

1 OTÀNNUGBO LẸ 21:14

Mọwẹ OKLUNỌ do azọ̀nylankan de hlan Islaeli ji: finẹ gbẹtọ fọtọ́n kandegbàn jai sọn Islaeli mẹ.

2 OTÀNNUGBO LẸ 25:27

Dinvie sọn ojlẹ he mẹ Amazia lẹ́ sọn hihodo OKLUNỌ mẹ yé basi núbibla de do e ji to Jelusalẹm mẹ; é sọ họ̀nyì jẹ Lakisi: ṣigba yé domẹhlan godo nẹ̃ jẹ Lakisi, bo sọ hù i to finẹ.

2 OTÀNNUGBO LẸ 34:33

Josia sọ bẹ́ osùnú lẹpo tọ́n sọn otò he yín ovi Islaeli tọn lẹpo mẹ, bo sọ hẹn mẹhe yè mọ to Islaeli mẹ lẹpo nado nọ sèn, yèdọ nado nọ sèn OKLUNỌ Jiwheyẹwhe yetọn. Azán etọn lẹpo gbè yé ma fọ́nyì sọn OKLUNỌ hihodo mẹ gba, Jiwheyẹwhe otọ́ yetọn lẹ tọn lọ.

Levitiku 10:6

Moṣe sọ dọ hlan Aalọn, podọ hlan Eleazali podọ hlan Itamali, visunnu etọn lẹ dọmọ, Mì jo odà ota mìtọn tọn do wẹ̀wẹ́ blo, mọ mì sọ tlẹn avọ̀ mìtọn lẹ blo; na mì ni ma do kú gba, podọ na ewọ ma na yín homẹgblenọ po agùn lọ lẹpo po: ṣigba mì gbọ mẹmẹsunnu lẹ, owhé Islaeli tọn lọ pete ni vi zòjiji lọ he OKLUNỌ lọ ko pla.

Osọha lẹ 16:22

Yé sọ họ́ jẹ nukunmẹ yetọn lẹ ji, bo dọmọ, Jiwheyẹwhe Èjiwheyẹwhe gbigbọ agbasalan lẹpo lẹ tọn lọ tọn, omẹ dopo na wàylando bọ hiẹ na yín homẹgbletọ po agùn lọ lẹpo po?

Osọha lẹ 32:15

Na eyín mìle lẹ́ sọn godo etọn é na gbé sọ jó yé do zùngbo lọ mẹ; mìwlẹ bo nasọ và omẹ he lẹpo.

Deutelonomi 7:4

Na ewọ na gò visunnu towe ṣe sọn hihodo mi mẹ, na yé nido nọ sẹ́n yẹwhe devo lẹ; mọwẹ yè na hẹn adi OKLUNỌ lọ tọn jimiyọn do mì jì, ewọ bo nasọ và mì plaun.

JỌṢUA 22:15

Yé sọ wá ovi Leubẹni tọn lẹ de, po ovi Gadi tọn lẹ po de, po odá whẹ̀ndo Manassẹ tọn po de, to aigba Gileadi tọn ji, yé sọ dọhó hẹ yé, dọmọ,

JỌṢUA 22:16

Le wẹ agùn OKLUNỌ tọn pete dọ, Ylanwiwá tẹ wẹ ehe mì wà do Jiwheyẹwhe Islaeli tọn he, nado diọkò to egbé he sọn hihodo OKLUNỌ mẹ, to enẹ mẹ mi ko dó agbà de na mì, nado ṣiatẹ hẹ OKLUNỌ to egbé he?

JỌṢUA 22:20

Akani visunnu Zelahi tọn ma wà ylanwiwa de to onú dodèpa me bọ homegble flẹ jẹ agùn Islaeli tọn pete ji? dawe nẹ dopo ma wẹ dọn to ylanwiwà etọn mẹ gba.

JỌṢUA 7:1

ṢIGBA ovi Islaeli tọn lẹ wà ylankan de to onú dodèpa lọ mẹ: na Akani, visunnu Kalmi tọn, vìsunnu Zabdi tọn, visunnu Zela tọn, sọn whẹndo Juda tọn mẹ, yí sọn onú dodèpa lọ mẹ: yè sọ hẹn adi OKLUNỌ tọn jimiyọn do ovi Islaeli tọn lọ Ji.

JỌṢUA 7:11

Islaeli ko wàylando; nugbo, yèdọ yé ko dasa alènu ṣie he yẹn degbèna yé: nugbo, yèdọ yé ko yí sọn onú dodèpa lọ mẹ; bo ko sọ fìn ga, bo sọ wàblu ga, yèdọ yé ko yi i do agbàn yetọn titi ṣẹnṣẹn.

JỌṢUA 7:21

whenuena yẹn mọ tó gblannú lẹ ṣẹnṣẹn awugbó Babiloni tọn dagbedagbe de, po ṣẹkle fataka tọn fọde po, po opatin ṣẹkle kandeao jijlẹ sika tọn tọn de po, whenẹnu yẹn donukunkẹnna yé, bo yí yé; bo, dayi e go, yè whla yé do okọ́ mẹ to gohọ ṣie ṣẹnṣẹn, po fataka lọ po to e glọ.

1 SAMUẸLI 12:14

Eyín mìwlẹ na dibusi OKLUNỌ, bo nọ sẹ́n ẹn, bo tuntóai hlan ogbè etọn, bo ma ṣiatẹ hẹ gbèdide OKLUNỌ tọn, bọ mìwlẹ po ahọlu lọ po ga he dugán to mì ji yín mẹhodotọ OKLUNỌ Jiwheyẹwhe mìtọn tọn, dagbe wẹ:

1 SAMUẸLI 12:20

Samueli sọ̀ dọ hlan gbẹtọ lẹ dọ, Mì dibu blo: mìwlẹ ko wà oylan he lẹpo nugbonugbo: gãnṣo mìwlẹ lẹ́ sọn OKLUNỌ hihodo mẹ blo, ṣigba mì ni yí ayiha mìtọn lẹpo do to OKLUNỌ sẹ́n;