JỌṢUA 2:1 - BIBLU WIWE LỌ 1923

¹ JỌṢUA visunnu Nuni tọn sọ do sunnu awe hlan sọn ṣitimi di amé gbọn nuglọ, dọmọ, Yì là aigba lọ pọ́n, po Jẹliko po. Yé sọ yì, bo wá owhé galọtọ de tọn gbè oyín mẹhetọn nọ yín Lahabi, bo mlọn finẹ.

JỌṢUA 2:1 Iomraidhean Croise

Gẹnẹsisi 42:16

Mì do dopo mítọn hlan, bo gbọ é ni hẹn nọvisunnu mítọn wá, yè na sọ fọ̀ mì do ogànmẹ, na yè nido mòdòna ohó mítọn lẹ eyín nugbo tin to mì mẹ: kavi eyín é ma yín mọ, gbọn ogbẹ Fálo tọn dali, bó amó wẹ mì nugbonugbo.

Gẹnẹsisi 42:9

Josefu sọ flin odlọ he é ku gbọn yé dali lẹ, bo sọ dọ hlan yé, dọmọ, Amé wẹ mìwlẹ; nado mọ omé aigba lọ tọn wẹ mì do wá.

MIKA 6:5

Mì ni fìm dinvie, mì omẹ ṣie lẹ emi, núhe Balaki ahọlu Moabi tọn dowéna, podọ núhe Balaami visunnu Beoli tọn gblọnna ẹn; flin sọn Ṣitimi jẹ Gilgali, na mì nido yòn owàlọ dódónọ OKLUNỌ tón lẹ.

Osọha lẹ 13:1

OKLUNỌ lọ sọ dọhó hlan Moṣe, dọmọ,

Osọha lẹ 13:2

Hìẹ ni do sunnusi lẹ hlan na yé nido bẹ̀ aigba Kanani tọn lọ pọ́n, he yẹn na hlan ovi Islaeli tọn lẹ lọ: omẹ dopo sọn whẹndo otọ yetọn lẹ tọn dopodopo mẹ wẹ mì na dohlan, omẹ dopodopo ogan de to yé ṣẹnṣẹn.

Osọha lẹ 25:1

ISLAELI sọ tin to Sittimi mẹ, gbẹtọ lẹ lọ sọ ṣe galọ hẹ viyonnu Moabi tọn lẹ lọ:

Osọha lẹ 33:49

Yé bo whèsla do Jọdani dali, sọn Beti-jesimoti mẹ yèdọ jẹ Abeli-sìttimi to dànfáfá Moabi tọn lẹ lọ mẹ.

MATIU 1:5

Salmoni ji Boẹsi sọn Lahabi de; Boẹsi ji Obedì sọn Luti de; Obedi ji Jẹsi;

MATIU 10:16

Mì pọ́n, yẹn do mì hlan di lẹngbọ do ohla ṣẹnṣẹn: enẹwutu na mì ni yọnnuin di odàn, bo sọ do jijọmimiọn di apoe.

EFESUNU LẸ 5:5

Na mì kọ yọn ehe dọ, ayòdetọ de ma tin, kavi omẹ mawé, kavi nukunkẹnnọ, hè yín bọsiọsẹntọ de, ma tindo ogú to ahọludu Klisti tọn po Jiwheyẹwhe tọn po mẹ gba.

HEBLU LẸ 11:31

Gbọn yise dali Lekabu yọnnu gàlọto ma dọ̀n po tólivẹtọ lẹ po, whenuena é kẹalọyi amẹ́ lẹ po jìjọhọ po.

JAKOBU 2:25

E ma yín mọkẹdẹ wẹ yè sùwhẹna Lahabu galọtọ gbọn ázón dali ga, whenuena é yí mẹdagun lẹ, bo do yé gbọn ali devo jẹgbonu yì?

JỌṢUA 1:18

Mẹdepope ewọ yín he na ṣiatẹ do gbèdide towe go, bo ma na tuntóai hlan ohó towe lẹ to ehe yè degbè nẹ lẹpo mẹ, yè na hù i: yín huhlọnnọ ṣokẹdẹ po tudotọ dagbe de tọn po.

JỌṢUA 2:2

Yè sọ dọ na ahọlu Jẹliko tọn, dọmọ, Sunnu de lẹ sọn ovi Islaeli tọn mẹ wá ofi to ozán he mẹ nado dindòna aigba lọ.

JỌṢUA 21:31

Helkati po agbóhomẹ etọn lẹ po, Lehobi po agbóhomẹ etọn lẹ po; tòdaho ẹnẹ.

JỌṢUA 3:1

JỌṢUA sọ tite to afọnnufũ, yé sọ diọtẹn sọn Sitimi, bo wá Jọdani, ewọ po ovi Islaeli tọn lẹpo po; yé sọ ṣi finẹ whẹpo yé do juwáyi.

JỌṢUA 5:10

Ovi Islaeli tọn lẹ sọ dosla do Gilgali mẹ; yé sọ payi juwayi go to azán wiẹnẹtọ osùn tọn ji to whèjai to danfafa Jẹliko tọn lẹ ji.

WHẸ̀DATỌ 1:23

Owhé Josẹfu tọn sọ do omẹ hlan nado bẹpòn Bẹti-eli (Dinvie oyín tòdaho lọ tọn daidai wẹ Luzi.)

WHẸ̀DATỌ 18:14

Whenẹnu wẹ omẹ atọn he yì nado bẹ̀pọ̀n otò Laisi tọn lọ lẹ gblọn, bo dọ hlan mẹmẹsunnu yetọn lẹ dọmọ, Be míwlẹ yọnẹn dọ efọdi de tin to owhé helẹ gbè, po telafimi po, po boṣiọ winwlan de po, po boṣiọ kinkòn de po? enẹwutu dinvie mì ni lẹn núhe mìwlẹ tindo nado wà.

WHẸ̀DATỌ 18:17

Sunnusi atọ́n he yì nado bẹ̀ aigba lọ pọ́n lẹ sọ hẹji, bo wá whégbe gbọn finẹdaíi, bo yí bosiọ winwlan lọ, po efọdi lọ po, po telafimi lọ po, po boṣìo kinkọ̀n lọ po; yẹwhenọ lọ sọ nọte to bibiọ hòngbo lọ tọn mẹ dali po eunnusi nuọntọ̀n yè yí adánwànu awhàn tọn do blagbajana lẹ po

WHẸ̀DATỌ 18:2

Ovi Dani tọn lẹ sọ do sunnu atón hlan sọn whédo yetọn mẹ, sọn sọha yetọn pete mẹ, ome huhlọn tọn sọn Zola, podọ sọn Eṣitaoli, nado bẹ̀ppọ́n aigba lọ podọ nado din in mọ; yé Sọ dọ hlan yé dọ, Mì yì, din aigba lọ mọ: yé sọ wá otò okọta Eflaimi tón mẹ, wá owhé Mika tọn gbè, bo nọnọ̀ fine.