JỌṢUA 18:6 - BIBLU WIWE LỌ 1923

⁶ Mì na sọ jlẹ aigba lọ do donu ṣinawe, bo sọ hẹn jijlọ etọn wá ofi to dẽ: yẹn na sọ devò lẹ na mì to ofi to OKLUNỌ Jiwheyẹwhe mìtọn nukọn.

JỌṢUA 18:6 Iomraidhean Croise

PSALM 105:11

Dọmọ, Hiẹ wẹ yẹn na yí aigba Kanani tọn na, Enẹ wẹ, Mì pa OKLUNỌ. Mimá ogúyigba towe tọn:

HÓWHÍNWHÉN LẸ 16:33

Yè wón agège kọ̀n do yẹndawe avọ̀ tọn mẹ: Ṣigba whẹ̀dida etọn lẹpo, OKLUNỌ tọn wẹ.

HÓWHÍNWHÉN LẸ 18:18

Agège hẹn avùn vò, Bo sọ davùn to huhlọntọ lẹ ṣẹnṣẹn.

Osọha lẹ 33:54

Mìwlẹ nasọ yí aigba lọ do dugú gbọn ovò dali kẹdẹdi whédo mìtọn lẹ; mì na na ogú sùhu hlan omẹ sùhu, podọ hiẹ nasọ na ogú vude hlan omẹ vude; fidepope ovò lọ flẹ do hlan omẹ de lẹ, enẹ na yín etọn; kẹdẹdi whẹndo otọ́ mìtọn lẹ tọn lẹ wẹ mì na do yígú

Osọha lẹ 34:13

Moṣe sọ naṣẹ ovi Islaeli tọn lẹ lọ, dọmọ, Ehe wẹ aigba lọ he mì na yínagú gbọn ovò dali, he OKLUNỌ lọ ko degbèna nado na hlan whẹndo sinẹnẹ lẹ lọ, podọ hlan odá whẹndo lọ tọn:

OWALỌ APỌSTELI LẸ TỌN 13:19

Whenuena é sukún akọta ṣinanwe tọn do to aigba Kanaani tọn ji, é má aigba yetọn hlan yé.

JỌṢUA 14:2

Gbọn mimá ogú yẹtọn tọn dali, dile OKLUNỌ degbé do gbọn alọ Moṣe tọn mẹ, na whendo ṣinẹnẹ lẹ, podọ na oda whendo lọ tọn.

JỌṢUA 18:10

Jọṣua sọ devò na yé to Ṣilo to OKLUNỌ nukọn: finẹ wẹ Jọsua má aigba lọ te hlan ovi Islaeli tọn lẹ kẹdẹdi gónugónu yetọn lẹ.

JỌṢUA 18:7

Na Levinu lẹ ma tindo mimá de to mì ṣẹnṣẹn gba; na yẹwhenọduta OKLUNỌ tọn wẹ ogú yetọn: Gadi po Leubẹni po po oda whẹ́ndò Manassẹ tọn po ko mọ ogu yetọn yí to Jọdani gododọ̃n hlan whèzẹtẹn dali, he Moṣe mẹmẹsi OKLUNỌ tọn na yé.

JỌṢUA 18:8

Sunnusi ewlẹ sọ fọ́n, bo yì: Jọṣua sọ nasẹ yé he yì lọ nado jlẹ aigba lọ, dọmọ, Mì yì bo zinzọnlin gbọn aigba lọ ji, bo jlẹ ẹ, bo sọ gò wá dè, yẹn na sọ devò lẹ na mì to ofi to OKLUNỌ nukọn to Ṣilo.