JỌṢUA 18:16 - BIBLU WIWE LỌ 1923

¹⁶ Dògboji lọ sọ yì odò jẹ adà agapatapata osé he tin to agbàdo visunnu Hinnọmi tọn tọn go, ehe tin to agbàdo Leflaimi tọn mẹ hlan agewaji dali; é sọ yì odò jẹ agbàdo Hinnọmi tọn go, hlan adà Jebusinu tọn hlan hùwaji dali, bo yì odò jẹ Ẹn-logeli;

JỌṢUA 18:16 Iomraidhean Croise

2 SAMUẸLI 17:17

Dinvie Jonatani po Ahimaazi po ṣite to En-lo gẹli dali; devisunnu de wẹ nọ yì bo dọ na yé; bọ yéwlẹ nọ yì bo dọ na Davidi ahọlu: na yè ni ma do mọ yé nado wá biọ tòdaho lọ mẹ.

2 SAMUẸLI 5:18

Dinvie Filistini lẹ ko wá bo tó yéde do agbadò Lefaimi tọn mẹ.

1 AHỌLU LẸ 1:9

Adonija sọ hù lẹngbọ lẹ po oyín lẹ po po kanlinyìnyìn lẹ po to zannu Zohelẹti tọn dali, ehe tin to Ẹn-logeli wàji; é sọ ylọ mẹmẹsunnu etọn visunnu ahọlu tọn lẹ lẹpo, podọ omẹ Juda tọn mẹmẹsi ahọlu tọn lẹ lẹpo:

2 AHỌLU LẸ 23:10

E sọ flu Tofẹti, ehe tin to agbàdo ovi Hinọmi tọn lẹ tọn mẹ, na omẹ de ma na do hẹn visunnu etọn kavi viyọnnu etọn nado gbọn miyọn mẹ luntọ́n jẹ Molẹki kọ̀n gba.

1 OTÀNNUGBO LẸ 14:9

Dinvie Filistini le ko basi mẹkangbà de to agbado Lefaimi tọn mẹ.

2 OTÀNNUGBO LẸ 28:3

Humọ é mè nuyọnwán to agbadò visunnu Hinnọmi tọn lọ tọn mẹ, bo sọ mẹ̀ ovi etọn lẹ to miyọn mẹ, kẹdẹdi ahẽlunú kosi lẹ tọn lẹ, mẹhe OKLUNỌ bẹ́ dlan gbonu to ovi Islaeli tọn lẹ nukọn.

2 OTÀNNUGBO LẸ 33:6

Ewọ ga hẹn ovi etọn lẹ nado gbọn miyọn mẹ luntọ́n to agbadò visunnu Hinnọmi tọn tọn mẹ: é sọ plọn apajlẹnú, bo nọ zán afinọn lẹ, bo sọ plọn owẹ́n, bo sọ nọ zán po yé he tindo kẹnunsi gbigbọ lẹ po, podọ hẹ azétọ lẹ: é wà oylan susu to nukun OKLUNỌ tọn mẹ, nado dohomẹgble nẹ̃ jẹ adiji.

ISAIA 30:33

Na yè ko do Tofẹti ai to hóhó whenu; ahọlu wẹ yè ko wleawu etọn na: é ko basi i siso, bo sọ gblo; okiti etọn wẹ ozò po nake susu po; gbọfufu OKLUNỌ tọn, di asisa owhemí tọn to mìyọn dè si i.

JẸLEMIA 19:11

Bo na dọ hlan yé dọ, Le wẹ OKLUNỌ awhànpa lẹ tọn dọ: yèdọ mọwẹ yẹn na gbà omẹ he lẹ po tòdaho he po do dile omẹ de nọ gbà núzinzán zéndotọ de tọn do, he yè ma sọ sọgan hen zùn blebu ba: yé na sọ di i to Tofẹti mẹ, kaka otẹn ma na tin nado disiọ.

JẸLEMIA 19:2

bo tón yì jẹ agbàdo visunnu Hinọmi tọn tọn mẹ, he tin to bibiọ hòngbo zénkla lẹ tọn mẹ, bo lá ohó he yẹn na dọ na we lẹ lọ to finẹ:

JẸLEMIA 19:6

Enẹwutu, dayi e go, azán lẹ lọ wá, wẹ OKLUNỌ dọ, bọ otẹn he ma na sọ yín yiylọ Tofẹti ba, kavi Agbàdo visunnu Hinọmi tọn tọn, adavo Agbàdo Mẹhùvà tọn.

JẸLEMIA 32:35

Yé sọ dó otẹn yìaga Baali tọn lẹ, he tin to agbàdo visunnu Hinọmi tọn tọn lẹ mẹ, nado hẹn visunnu-yetọn lẹ po yiyọnnu yetọn lẹ po nado ju gbọn miyọn lọ mẹ jẹ Molẹki de; he yẹn ma degbèna yé, mọ é ma wá biọ ayiha ṣie mẹ, dọ yé nido tó osùnú he wà gba; nado hẹn Juda nado wàylando.

JỌṢUA 15:63

Podọ na Jẹbusinu lẹ tọn, tòmẹnu Jelusalẹm tọn lẹ, ovi Juda tọn lẹ ma sọgan yàn yé jẹgbonu gba: ṣigba Jebusinu nọnọ̀ hẹ ovi Juda tọn lẹ to Jelusalẹm, jẹ egbé he.

JỌṢUA 18:28

Po Zelahi po, Eleá, po Jebusinu po (doponẹ wẹ Jelusalẹm), Gibeatì, po Kiliati po; todaho wiẹnẹ po gbeta yetọn lẹ po. Ehe wẹ ogú ovi Bẹnjamini tọn lẹ tọn kẹdẹdi whédo yetọn lẹ.

WHẸ̀DATỌ 1:21

Ovi Bẹnjamini tọn lẹ ma yàn Jebusinu he nọnọ̀ Jelusalẹm jẹgbonu gba: ṣigba Jebusinu lẹ nọnọ̀ hẹ ovi Bẹnjamini tọn lẹ to Jelusalẹm, jẹ azán he gbè.

WHẸ̀DATỌ 1:8

Ovi Juda tọn lẹ sọ hòavùn hẹ Jelusalẹm, bo yí i, bo yí onù ohi tọn do hò e, bo sọ sí miyọn tòdaho lọ.

WHẸ̀DATỌ 19:10

Ṣigba dawe lọ ma sọ jlo na dó to ozán nẹ mẹ gba, ṣigba é tite bo fọ́nyì, bo wá Jẹbusi titegbe (doponẹ wẹ Jelusalẹm): asúdeaside kẹtẹkẹte tọn yè blapana de sọ tin to e de; asimọwhla etọn sọ tin to e de ga.