JỌṢUA 17:11 - BIBLU WIWE LỌ 1923

¹¹ Manassẹ sọ tindo to Issakali mẹ podọ to Aẹeli Bẹtiseani po tòpẹvi etọn lẹ po mẹ, Ibleami po tòpẹvi etọn lẹ po, podọ to tòmẹnu Dọli tọn lẹ mẹ po tòpẹvi etọn lẹ po, tòmẹnu Ẹn dọli tọn lẹ po tòpẹvi etọn lẹ po, tòmẹnu Taanakì tọn lẹ po tòpẹvi etọn lẹ po, tòmẹnu Megiddo, tọn lẹpo tòpẹvi etọn lẹ po, yèdọ aga atọ̀n lẹ

JỌṢUA 17:11 Iomraidhean Croise

2 SAMUẸLI 21:12

Davidi sọ yì bo bé ohú Sauli tọn lẹ po ohú Jonatani visunnu etọn tọn lẹ po sọn omẹ Jabẹsi-gileadi tọn lẹ si, ye ko fìn yé sọn aligbo Bẹti-sani tọn ji, fie Filistini lẹ ko zé yé pla do, to azán he gbè Filistini lẹ hù Sauli to Gilboa mẹ:

1 AHỌLU LẸ 9:15

Ehe wẹ linlẹn osẹ̀njọ lọ tọn he ahọlu Sọlọmọni fọ́ndote; na nado dó ohọ̀ OKLUNỌ tọn, po ohọ̀ etọn titi po, po Milo po, po adó Jelusalẹm tọn po, po Hazọli po, po Mẹgido po, po Gezeli po.

2 AHỌLU LẸ 9:27

Ṣigba whenuena Ahazia ahọlu Juda tọn mọ ehe, é họ̀n gbọn aliho ojipa tọn mẹ yì owhé. Jehu sọ hodo to e godo, bo dọmọ, Hò e to kẹkẹ mẹ ga: yé sọ hò e to jeiaga Guli tọn kòn, he tin to Ibleami dali. Ewọ sọ họ̀nyì jẹ Mẹgido, bo kú to finẹ.

1 OTÀNNUGBO LẸ 6:70

podọ sọn odá whẹndo Manassẹ tọn tọn mẹ; Aneli po agbègbèji etọn lẹ po, Bileami po agbègbèji etọn lẹ po, na pipòtọ sọn whédo visunnu Kohati tọn lẹ tọn mẹ.

1 OTÀNNUGBO LẸ 7:29

podọ to agboji ovi Manassẹ tọn lẹ tọn lẹ dali, Bẹti-seani po tòpẹvi etọn lẹ po, Taanaki po tòpẹvi etọn lẹ po, Mẹgido po tòpẹvi etọn lẹ po, Dọli po tòpẹvi etọn lẹ po. Ehelẹ me wẹ ovi Josẹfu visunnu Islaeli tọn tọn lẹ nọ nò.

2 OTÀNNUGBO LẸ 35:22

Ṣogãn Josia ma jlo lẹ nukunmẹ etọn sọn e de, ṣigba bluanna ede, na é nido hòavùn hẹ ẹ, bo ma sọ tuntóai hlan ohó Neko tọn lẹ, sọn onù Jiwheyẹwhe tọn mẹ gba, bo sọ wá nado hòavùn to agbadò Mẹgido tọn lọ mẹ.

PSALM 83:10

Mẹhe dọ̀n to Ẹndọli: Yé zùn ogbó na aigba.

JẸLEMIA 49:2

Enẹwutu, dayi e go, azán le wá, wẹ OKLUNỌ dọ, bọ yẹn na hẹn zínhihò awhan tọn de nado yín sisè to Laba ovi Amọni tọn lẹ tọn go; podọ é na sọ lẹzùn okiti ojẹvọ de, yè na sọ yí miyọn do mè viyọnnu etọn lẹ: whenẹnu wẹ Islaeli na yí yé do dùgú he yí ewọ dọ dùgú, wẹ OKLUNỌ dọ.

ZEKALIA 12:11

Azán nẹ mẹ wẹ awubla daho de na tin fine to Jelusalẹm mẹ, di awubla Hadadlimọni tọn to agbàdo Mẹgidọni tọn mẹ.

JỌṢUA 11:2

Podọ hlan ahọlu he tin to agèwaji lẹ, to otò okọta tọn mẹ, podọ to Alaba hùwàji Kinelọti tọn mẹ, podó to dòdòklidò mẹ, podọ to aga Dọli tọn lẹ mẹ to whèyìhọ ji,

JỌṢUA 12:21

Ahọlu Taanaki tọn, dopo; ahọlu Mẹgido tọn, dopo;

JỌṢUA 12:23

Ahọlu Dọli tọn to aga Dọli tọn mẹ, dopo; ahọlu Golimi tọn to Gilgali mẹ, dopo;

JỌṢUA 16:9

Dopọ hẹ todaho he yè klandovo lẹ na ovi Eflaimi tọn lẹ to ogbla ogú ovi Manassẹ tọn lẹ tọn tọn mẹ, tòdaho lẹpo po gbeta yetọn lẹ po.

JỌṢUA 17:10

Hlan hùwaji dali é yin Eflaimi tọn, hlan agewaji dali é yín Manassẹ tọn, ohù wẹ dògboji etọn: yé sọ yì jẹ Aṣeli to agewaji, podọ jẹ Issakali to whèyìhọ ji.

JỌṢUA 17:16

Ovi Josẹfu tọn lẹ sọ dọmọ, Otò okọta tọn yín masò na mí: podọ Kananinu he nọnọ̀ aigba agbàdo tọn ji lẹpo tindo kẹkẹ gànyú tọn lẹ, yé mẹhe tin to Bẹti-seani mẹ lẹ po tòpẹvi etọn lẹ po, po yé he tin to agbàdo Jezleẹli tọn mẹ lẹ po.

WHẸ̀DATỌ 1:27

Manassẹ ma sọ yàn tòmẹnu Bẹtisiani tọn lẹ po otò etọn lẹ po jẹgbonu gba, kavi Taanaki tọn po otò etọn lẹ po, kavi tomẹnu Dọli tọn lẹ po otò étọn lẹ po, kavi tòmẹnu Ibleami tọn lẹ po otò etọn lẹpo, kavi tomẹnu Megido tọn lẹ po otò etọn lẹ pò; ṣigba Kananinu lẹ jlo na nọnọ̀ aigba nẹ ji.

WHẸ̀DATỌ 5:19

Ahọlu lẹ wá bo hòavùn; Whenẹnu wẹ ahọlu Kanani tọn lẹ péavùn, To Taanaki mẹ to osìn Megido tọn lẹ dali; Yé ma yí ale akuẹ tọn de gba.

1 SAMUẸLI 28:7

Whenẹnu wẹ Sauli dọ hlan devi etọn lẹ dọmọ, Mì din yọnnu de na mi he tindo gbigbọ kẹninsi de ton, na yẹn nido yì e de, bo kanbiọ sọn e de. Devi etọn lẹ sọ dọ hlan ẹn dọ, Dayi e go, nawe de tin he tindo gbigbọ kẹninsi tọn de to Ẹn-dọli.

1 SAMUẸLI 31:10

Yé sọ yí awhàngbaja etọn do ohọ̀ Asitalọti tọn mẹ: yé sọ whè gotolio etọn do adó Bẹti-sani tọn go

1 SAMUẸLI 31:12

Omẹ tudotọ lẹpo tite, bo yì to ozán mẹ, bo yí gotolio Sauli tọn po gotolio visunnu etọn lẹ tọn lẹ po sọn adó Bẹti-sani tọn go; yé sọ wá Jabẹṣi, bo mẹ́ yé to finẹ.