JỌṢUA 15:13 - BIBLU WIWE LỌ 1923

¹³ Podọ hlan Kalẹbi visunnu Jẹfunnẹ tọn é nà mimá de to ovi Juda tọn lẹ ṣẹnṣẹn, kẹdẹdi gbèdide OKLUNỌ tọn hlan Jọṣua, yèdọ Kiliati-alba, Alba he yín otọ́ Anaki tọn (doponẹ wẹ Heblọni).

JỌṢUA 15:13 Iomraidhean Croise

Gẹnẹsisi 13:18

Whenẹnu wẹ Ablam diọtẹnna ogohọ̀ etọn, bo wá bo sinai to ozùn Mamle tọn le mẹ, ehe tin to Hẹbloni, bo sọ tùn agbà de to finẹ hlan OKLUNỌ.

Gẹnẹsisi 23:2

Sala sọ kú to Kiliati-alba, (enẹ wẹ Hẹblon) to aigba Kenani tọn jì: Ablaham sọ wá nado blawú na Sala podọ nado viavi nẹ̃.

2 SAMUẸLI 2:1

E sọ wá jọ to onú he godo, wẹ Davidi kanbiọ sọn OKLUNỌ de, dọmọ, Bé yẹn na hẹji yi tòdaho Juda tọn lẹ de mẹ? OKLUNỌ sọ dọ hlan ẹn dọ, Hẹji yì. Davidi sọ dọmọ, Fie wẹ yẹn na hẹji yì? Ewọ sọ dọmọ, Hlan Heblọni dali.

1 OTÀNNUGBO LẸ 6:56

aigba danji tòdaho lọ tọn lẹ, po gbeta etọn lẹ po wẹ yé yí na Kalẹbi visunnu Jẹfunnẹ tọn.

2 OTÀNNUGBO LẸ 11:10

po Zola po, po Àijalọni po, po Heblọni po, he tin to Juda mẹ podọ to Bẹnjamini mẹ, tòdaho dòkọnọ lẹ.

Osọha lẹ 13:30

Kalẹbi bo sọ hògbèdonùna gbẹtọ lẹ lọ to Moṣe nukọn, bo dọmọ, Mì gbọ mí ni hẹji yì hadopo, bo tindo e; na mí tin dagbedagbe sọgan nado glo e.

Osọha lẹ 13:6

Son whẹndo Juda tọn lọ me, Kalẹbi visunnu Jẹfunne tọn lọ.

JỌṢUA 11:21

Jọṣua sọ wá to ojlẹ nẹ mẹ, bo sán Anakimi sẹ̀ sọn otò okọta tọn mẹ, sọn Heblọni, sọn Debili, sọn Anabi, podọ sọn otò okọta Juda tọn tọn lẹpo mẹ, podọ sọn otò okọta Islaeli tọn tọn lẹpo mẹ. Jọsua hù yé omẹ pó po tòdaho yetọn lẹpo po súdo patapata.

JỌṢUA 20:7

Yé sọ dè Kẹdẹṣi to Galile mẹ do olá, to otò okọta: Náftali tọn mẹ, po Ṣekẹmi po to ótò okọta Eflaimi-tọn mẹ, po Kiliatialba po (doponẹ wẹ Heblọni) to otò okọta Juda ton mẹ,

JỌṢUA 21:11

Yé sọ na Kiliati-alba yé, Alba he yín otọ́ Anaki tọn (doponẹ wẹ Heblọni,) to otò okọta Juda tọn mẹ, po agbọ́homẹ etọn lẹ po lédo

WHẸ̀DATỌ 1:10

Juda sọ yì péhẹ Kananinu lẹ he nọnọ̀ Heblọni: (dinvie oyín Heblọni tọn daidai we Kìliati-alba:) yé sọ hò Ẹesai, po Ahimani po, po Talmai po.

WHẸ̀DATỌ 1:20

Yé sọ na Heblọni hlan Kalẹbi, dile Moṣe dọ do: ewọ sọ yàn visunnu atọ̀n Anaki tọn lẹ jẹgbonu sọn finẹ

1 SAMUẸLI 25:3

Dinvie oyín dawe lọ tọn nọ yín Nabali; podọ oyín asi etọn tọn Abigaili: nawe lọ sọ tin sọn wuntùntùn dagbe mẹ, podọ sọn owhànpẹ nukunmẹ tọn de mẹ: ṣigba dawe lọ yín gbéjinu bo sọ ylan to wàlọ etọn lẹ mẹ; ewọ sọ tin sọn owhé Kalẹbi tọn mẹ

1 SAMUẸLI 30:14

Míwlẹ basi aligbò de to hùwaji, Kẹlẹtinu lẹ tọn ji, podọ to enẹ he yín Juda tọn ji, podọ to hùwaji Kalẹbi tọn ji; mí sọ yí miyọn do mẹ́ Ziklagi.

1 SAMUẸLI 30:31

Podọ hlan yé he tin to Heblọni mẹ lẹ, podọ hlan ofi lẹpo fie Davidi lọsu po omẹ etọn lẹ po kúkàn nado nọ hòsasa te.