JỌṢUA 14:12 - BIBLU WIWE LỌ 1923

¹² Enẹwutu dinvie na osé he mi, ehe OKLUNỌ dọhó etọn to gbenẹgbe; na hiẹ mọ to gbenẹgbe le Anakimi lẹ tin to finẹ do, po tòdaho kiklọ dòkónọ le po: é sọgan yín dọ OKLUNỌ na tin po yẹn pọ, yẹn bo na sọ yàn yé jẹgbonu, dile OKLUNỌ dọ do.

JỌṢUA 14:12 Iomraidhean Croise

2 AHỌLU LẸ 19:4

E sọgan yín OKLUNỌ Jiwheyẹwhe towe na sè ohó Labsakẹ tọn lẹpo, mehe ahọlu Asilia tọn mẹmẹnu etọn ko dohlan nado vlẹ Jiwheyẹwhe ogbẹ̀nọ, bo na sọ wọhẹ ohó he OKLUNỌ Jiwheyẹwhe towe ko ṣè lẹ: enẹwutu zé odẹ́ towe daga na pipòtọ he yè pòdai lẹ.

2 OTÀNNUGBO LẸ 14:11

Asa sọ dawhá hlan OKLUNỌ Jiwheyẹwhe etọn, bo dọmọ, OKLUNỌ, vògbingbọn de ma tin finẹ to de we nado gọalọ, to hlọnhlọnnọ kavi ewọ he ma tindo huhlọn de po ṣẹnṣẹn: OKLUNỌ E Jiwheyẹwhe mítọn, gọalọna mi; na míwlẹ dódo ogo we, podọ to oyín fowe mẹ wẹ yè hẹn mí wá mesusu he lẹ ji. OKLUNỌ E, hiẹ wẹ Jiwheyẹwhe mítọn; a dike gbẹtọ glonú to mí ji blo.

PSALM 44:3

Na yé ma yí aigba lọ gbọn ohi yélọsu tọn dali, Mọ é ma yín awà yetọn wẹ whlẹn yé gba; Adavo adusilọ towe, po awà towe po, po hinhọ́n nukun towe mẹ tọn po, Na hiẹ tindo nukundagbe do yé go wutu.

PSALM 60:12

Alọ Jiwheyẹwhe tọn mẹ wẹ mí na wàdan gbọn: Na ewọ wẹ mẹhe na tùnafọ tasọmẹtọ mítọn lẹ ji.

Osọha lẹ 13:28

Ṣigba gbẹtọ he nọnó aigba lọ mẹ lẹ lọ yín huhlọnnọ, podọ tòdaho lẹ lọ odòkọnọ wẹ, bo sọ klo talala: podọ humọ mí mọ ovi Anaki tọn lẹ lọ to finẹ.

Osọha lẹ 13:33

Podọ mí sọ mọ Nẹfilimi lọ fìnẹ, visunnu Anaki tọn lẹ lọ, he sọn Nẹflimi mẹ wá: mìwlẹ bo sọ tin to nukun mí lọsu tọn mẹ di agbònọpatin lẹ, podọ mọwẹ mí bo sọ te to nukun yetọn mẹ.

Osọha lẹ 21:34

OKLUNỌ lọ sọ dọ hlan Moṣe dọmọ, Hiẹ dibu nẹ blo: na yẹn ko jo e do alọ towe mẹ, po omẹ etọn lẹpo po, po aigba etọn po; hiẹ bo nasọ wà hlan ẹn dile hiẹ wà hlan Sihọni ahọlu Amolinu le lọ tọn do, he nọnọ̀ Hẹṣbọni.

LOMUNU LẸ 8:31

Etẹ ka wẹ mí na dọ do onúhelẹ go lò? Eyín Jiwheyẹwhe tin na mí, mẹnu wẹ tin agọ̀ do mí go?

Deutelonomi 1:28

Fiedali mí hẹji jei? mẹmẹsunnu mítọn lẹ ko hẹn ayiha mítọn nado yé, domọ, Gbẹtọ lẹ lọ klohugan bo sọ ténalunhugan mí; odọ tòdaho lẹ lọ yín kiklo yè sọ dodòéna yìaga jẹ olọn; podọ humọ mí ko mọ visunnu Anakimi tọn lẹ lọ to fìnè.

Deutelonomi 9:1

ISLAELI È, he tin nado juyì Jọdani gododọ̃n to egbe he nado yì hòmẹ nado yí akọta kiklohu podọ hlọnhlọnnọhu gan hilọsu, todaho kiklo podọ he yè dodòkọ́na jẹ olọn,

Deutelonomi 9:3

Enewutu yọnẹn to egbé he, dọ OKLUNỌ lọ Jiwheyẹwhe towe wẹ ewọ hè jei gododọ̃n to nukọn towe di miyọn dusúdo de; ewọ na và yé, é bo nasọ hẹn yé yì odò to nukọn towe: mowẹ hiẹ na yàn yé jẹgbonu, bo sọ hẹn yé dọ̀n plaun, dile OKLUNỌ lọ dọhó hlan we do.

FILIPPINU LẸ 4:13

Yẹn sọgan wà onú popo gbọn Klisti he to huhlọnna mi me

HEBLU LẸ 11:33

yé he gbawhàn aholu yigba tọn gbọn yise dali, he wàzọ́n dódó tọn, he yí opagbe lẹ lọ, bo sọ bla onù kinnikinni lẹ tọn,

JỌṢUA 15:14

Kalebi sọ yàn visunnu atọ̀n Anaki tọn lẹ sọn finẹ, Sẹfeai, po Ahimani po, po Talmai po, ovi Anaki tọn lẹ.

WHẸ̀DATỌ 1:20

Yé sọ na Heblọni hlan Kalẹbi, dile Moṣe dọ do: ewọ sọ yàn visunnu atọ̀n Anaki tọn lẹ jẹgbonu sọn finẹ

1 SAMUẸLI 14:6

Jonatani sọ dọ hlan yọ̀pọ dẹpẹ he hẹn awhàngbaja etọn dọ, Wá bo gbọ mí ni yì towhàn whèmagbonọ helẹ tọn de to gododọ̃n: é sọgan yín dọ OKLUNỌ na wàzọn na mí: na oglọn de ma tin hlan OKLUNỌ gba nado whlẹn gbọn susu dali kavi gbọn vude dali.