JỌṢUA 13:3 - BIBLU WIWE LỌ 1923

³ Sọn Siholi, he tin to Egipti nukọn, yèdọ jẹ dògboji Eklọni tọn hlan agewàji, he yè hia hlan Kananinu lẹ: klunọ atọn Filìstinu lẹ tọn: Gazanu lẹ, Asidọdinu lẹ, Asikeloninu lẹ, Gitinu lẹ, po Eklọninu lẹ po; Aviminu lẹ ga,

JỌṢUA 13:3 Iomraidhean Croise

Gẹnẹsisi 10:6

Visunnu Hapi tọn lẹ; Kusi, po Mizlaimi po, po Futi po, po Kẹnani po.

Gẹnẹsisi 15:18

To azán nẹ gbè wẹ OKLUNỌ basi alẹnu de hẹ Ablam, dọmọ, Hlan okún towe wẹ yẹn na aigba he, sọn otò Egipti: tọn ji, kaka jẹ otò daho nẹ ji, otọ̀ Euflate:

1 AHỌLU LẸ 8:65

Mowẹ Sọlọmọni wà hùnwhẹ lọ to ojlẹ nẹ mẹ, po Islaeli lẹpo po hẹ ẹ, agùn daho de, sọn bibiọ whégbe Hamati tọn jẹ tòpésé Egipti tọn, to OKLUNỌ Jiwheyẹwhe mìtọn nukọn, azán ṣinawe po azán ṣinawe po, Yèdọ azán wiẹnẹ.

1 OTÀNNUGBO LẸ 13:5

Mọwẹ Davidi pli Islaeli lẹpo dòpọ, sọn Sihọli tòpesẹ Egipti tọn yèdọ jẹ bibiọ whégbè Hamati tọn mẹ, nado hẹn alki Jiwheyẹwhe tọn sọn Kiliati-jẹalimi wá.

ISAIA 23:3

Sọn aliho osìn daho tọn, nọkún Siholi tọn, ojijẹ otọ̀ tọn wẹ whèkuẹ etọn; ewọ sọ wẹ ahi akọta lẹ tọn.

JẸLEMIA 2:18

Dinvie eté hiẹ tindo nado wà to aliho Egipti tọn mẹ, nado nù osìn Siholi tọn lẹ? kavi etẹ́ hiẹ tindo nado wà to aliho Àsylia tọn mẹ, nado nù osìn fotò lọ tọn lẹ?

Deutelonomi 2:23

po Awiminu lẹ lọ po he nọnọ̀ gbetatò lẹ mẹ kaka yi jẹ Gaza, Kaftolimi lọ, he jẹgbonu sọn Kaftoli mẹ wá và yé, bo sọ nọnó otẹn yetọn mẹ.)

JỌṢUA 13:13

Gãnṣo ovi Islaeli tọn lẹ ma yàn Gẹsulinu lẹ kavi Maakatinu lẹ tón jẹgbonu: ṣigba Gẹsuli po Maakati po nọnọ̀ ogbla Islaeli tọn mẹ, kaka jẹ egbé.

WHẸ̀DATỌ 16:5

Klunọ Filistini lẹ tọn lẹ hẹaga wá e de, bo dọ hlan ẹn dọ, Doyẹ e, bo mọ fìemẹ huhlọn daho etọn te, podọ gbọn onú tẹ sinmẹ wẹ mí sọgan hugán en te, na mí nido bla ẹ nado bianukunna ẹn: míwlẹ na sọ na we dopodopo mí tọn wọ̀wó fataka tọn fọtọ́n kanweko.

WHẸ̀DATỌ 3:3

Yínylọna, ogán atọ́n Filistinu lẹ tọn lẹ, po Kananinu lẹpo po, po Zidoninu lẹ po, po Hìvinu he nọnọ́ osé Lẹbanọni mẹ lẹ po, sọn osé Baali-hẹlmọni kòn jẹ bibiọ Hamati mẹ

1 SAMUẸLI 5:1

DINVIE Filistini lẹ ko yí alki Jiwheyẹwhe tọn, yé sọ hẹn ẹn sọn Ebeni-ezeli wá Ásidọdi

1 SAMUẸLI 5:10

Mowẹ yé do alki Jiwheyẹwhe tọn lọ hlan Eklọni. E sọ wá jọ, le alki Jiwheyẹwhe tọn lọ jẹ Eklọni, wẹ Eklọninu dawhá daga, dọmọ, Yé ko hẹn alki Jiwheyẹwhe Islaeli tọn tọn dánpé jẹ mí de, nado hù mí po omẹ mìtọn lẹ po.

1 SAMUẸLI 5:8

Enẹwutu yé domẹhlan boyi ogán Filistini tọn lẹpo do yé de, e dọmọ, Eté wẹ mí na Zọ̀ndo alki Jiwheyẹwhe islaeii tọn tọn? Yé sọ gblọn dọ, Mì gbọ yè ni hẹn alki Jiwheyẹwhe Islaeli tọn tọn dánpé jẹ Gati. Yé sọ hẹn alki Jiwheyẹwhe Islaeli tọn tọn lọ dánpé jẹ finẹ.

1 SAMUẸLI 6:4

Whenẹnu wẹ yé dọmọ, Etẹ́wẹ na yín avọ́ nunina whẹ́yìnylan tọn he mí na na hlan? Yé sọ dọmọ, Agówuwu sikanọ atón, po ajaka sikanọ atón po, kẹdẹdi osọhà ogán Filistini lẹ tọn tọn: na azònylankan dopo wẹ tin to mì omẹ pó, podọ to ogán mìtọn lẹ go.