JỌṢUA 13:14 - BIBLU WIWE LỌ 1923

¹⁴ Hlan whẹndo Levi tọn kẹdẹ wẹ é ma má ogú de; avọ́ nunina OKLUNỌ tọn, Jiwheyẹwhe Islaeli tọn, yè basi gbọn miyọn dali lẹ wẹ ogú etọn, dile é dọhó hlan ẹn do.

JỌṢUA 13:14 Iomraidhean Croise

EZEKIELI 44:28

Yé bo na sọ tindo ogú de; Yẹn wẹ ogú yetọn: mìwlẹ ma na na nutindo de yé to Islaeli mẹ gba; yẹn wẹ nutindo yetọn.

EZEKIELI 44:29

Yé na nọ dù avọ̀ nunina jinulili tọn, po avọ̀ nunina ylando tọn po, po avọ̀ nunina whẹ̀ylan tọn po; podọ onú do dopà to Islaeli mẹ lẹpo na yín yetọn.

Deutelonomi 10:9

Enẹwutu wẹ Levi ma do tindo mimá de kavi ogú hẹ mẹmẹsunnu etọn lẹ gba: OKLUNỌ lọ wẹ ogú etọn, kẹdẹdile OKLUNỌ lọ Jiwheyẹwhe towe dọhó hlan ẹn do.)

Deutelonomi 12:12

Mìlẹ nasọ nọ jaya to OKLUNỌ lọ Jiwheyẹwhe mìtọn nukọn, mìlẹ, po visunnu mìtọn lọ po, po viyọnnu mìtọn lẹ po, po devisunnu mitọn lẹ po, po deviyọnnu mìtọn lẹ po, po Levinu he tin to họngbo towe mẹ lọ po, mimọ ewọ ma tindo mimá de kavi ogú de to mì de.

Deutelonomi 12:19

Yí ayipipa hlan dewe dọ hiẹ gbẹ́ Levinu lọ blo dẹn sọle hiẹ tin to aigba towe ji.

JỌṢUA 13:13

Gãnṣo ovi Islaeli tọn lẹ ma yàn Gẹsulinu lẹ kavi Maakatinu lẹ tón jẹgbonu: ṣigba Gẹsuli po Maakati po nọnọ̀ ogbla Islaeli tọn mẹ, kaka jẹ egbé.

JỌṢUA 13:15

Moṣe sọ na hlan whẹndo ovi Leubẹni tọn tọn lẹ kẹdẹdi whédo yetọn lẹ.

JỌṢUA 13:33

Ṣigba hlan whẹ́ndo Levi tọn Moṣe ma na ogú de gba: OKLUNỌ, Jiwheyẹwhe Islaeli tọn, wẹ ogú yetọn, dile é dọhó hlan yé do.

JỌṢUA 18:7

Na Levinu lẹ ma tindo mimá de to mì ṣẹnṣẹn gba; na yẹwhenọduta OKLUNỌ tọn wẹ ogú yetọn: Gadi po Leubẹni po po oda whẹ́ndò Manassẹ tọn po ko mọ ogu yetọn yí to Jọdani gododọ̃n hlan whèzẹtẹn dali, he Moṣe mẹmẹsi OKLUNỌ tọn na yé.