JỌṢUA 12:1 - BIBLU WIWE LỌ 1923

¹ DINVIE ehe lẹ wẹ ahọlu aigba lọ tọn lẹ, mẹhe ovi Islaeli tọn lẹ hò, bo tindo aigba yetọn to Jọdani gododọ̃n hlan whèzẹtẹn dali, sọn agbàdo Alnọni tọn mẹ jẹ osé Helmọni kọ̀n, po Alaba lẹpo po hlan whèzẹtẹn dali:

JỌṢUA 12:1 Iomraidhean Croise

1 AHỌLU LẸ 4:19

Gebeli visunnu Uli tọn, to aigba Gileadi tọn ji, otò Sihọni ahọlu Amọlinu lẹ tọn tọn po Ogi ahọlu Baṣani tọn tọn po; ewọ kẹde sọ wẹ ogándaho he tin to aigba lọ ji

PSALM 133:3

Di ahún Helmọni tọn, He nọ fán do osé Ziọni tọn lẹ ji. Na finẹ wẹ OKLUNỌ degbè dona tọn te, Yèdọ ogbẹ̀ kakadoidoi.

PSALM 136:21

Bo yí aigba yetọn na omẹ na ogúyigba de: Na dagbewanyi etọn to ote kakadoi.

PSALM 89:12

Agewaji po hùwaji po hiẹ wẹ da yé; Taboli po Hamoni po na yí ayajijẹ do jihàn to oyín towe mẹ.

ISAIA 16:2

E na wá jọ, di ohó danpetọ he yè yàn sọn adọ́ mẹ, mọwẹ viyọnnu Moab tọn lẹ na nò to otọ̀ Alnọni tọn bibiọ mẹ.

Osọha lẹ 21:13

Yé sọ yígbéjizọnlin sọn fìnẹyì, bo dosla do awà awetọ Alnọni tọn ji, he tin to zùngbo lọ mẹ, he jẹgbonu tón sọn agboji Amolinu lẹ tọn mẹ: na agboji Moabi tọn wẹ Alnọni, to Moabi po Amolinu lẹ po ṣẹnṣẹn.

Osọha lẹ 21:21

Islaeli bo sọ do mẹdagùn lẹ hlan Sihọni ahọlu Amolinu lẹ tọn lọ de, dọmọ,

Osọha lẹ 21:24

Islaeli sọ yí onù ohi lọ tọn do hò e, bo so yí aigba etọn sọn Alnọni jẹ Jabọki, yèdọ sọn ovi Àmọni tọn lẹ lọ de: na agboji ovì Amọni tọn lẹ lọ tọn yín sinsinyẹn.

Osọha lẹ 32:19

Na míwlẹ ma na yígù po yé po to awà dóntọn Jọdani tọn ji gba, podọ donukọn; na ogú mítọn jẹ mi si to awà détọn Jọdani tọn ji hlan whèzẹtẹn dali wutu.

Osọha lẹ 32:32

Mìwlẹ na juyì gododọ̃n bìblagbajana to OKLUNỌ lọ nukọn jẹ aigba Kanani tọn lọ mẹ, nútindo ogú mítọn tọn lọ na tin mí si to Jọdani godo.

Osọha lẹ 32:33

Moṣe sọ yi na hlan yé, yèdọ hlan ovi Gadi tọn lẹ lọ, podọ hlan ovi Lẹubeni tọn lẹ lọ, podọ hlan odá whẹndo Manasse tọn lọ visunnu Josẹfu tọn lọ, ahọludu Sihoni ahọlu Amolinu lẹ tọn lọ tọn, po ahọludu Ogi ahọlu Baṣani tọn lọ tọn po, aigba lọ, kẹdẹdi todaho etọn lẹ po agboji yetọn lẹ po, yèdọ todaho aigba lọ tọn lẹpo lẹ́do.

Deutelonomi 2:24

Mì tite mi yí gbéjizọnlin mìtọn, bo juyì agbadò Alnọni tọn lọ mẹ: dayi e go, yẹn ko jó Sihoni Amolinu lọ, ahọlu Hẹẹboni tọn, po aigba etọn po do alọ towe mẹ: só nado to yíyí i, bo sọ hoavùn hẹ ẹ to awhànfùntẹn mẹ.

Deutelonomi 2:32

Whenẹnu wẹ Sihọni jẹgbonu wá mí ji ewọ po omẹ etọn lẹpo po, jẹ awhànfùntẹn mẹ to Jahazi.

Deutelonomi 3:1

MÍ sọ lé, bo hẹji yì aliho lọ ji jẹ Wẹ; Baṣani: Ogi ahọlu Baṣani tọn lọ jẹgbonu wá mí ji, ewọ po omẹ etọn lẹpo po, jẹ awhànfùntẹn mẹ to Edlei.

Deutelonomi 4:44

Ehe wẹ osẹ́n lọ he Moṣe: zé do ovi Islaeli tọn lẹ lọ nukọn:

Deutelonomi 4:46

to Jọdani gododọ̃n, to agbadò he pànnukọn Beti-peoli lọ mẹ, to aigba Sihoni ahọlu Amọlinu lẹ tọn lọ tọn jì, he nọnọ̀ Hẹṣbọni, mẹhe Moṣe po ovi Islaeli tọn lẹ lọ po hò, whenuena yé jẹgbonu sọn Egipti mẹ wá:

Deutelonomi 4:48

Sọn Aloeli mẹ, he tin to otónu agbadò Alnoni tọn lọ tọn go, yèdọ jẹ osé Sioni kòn (dopolọ wẹ Helmoni),

JỌṢUA 1:15

kaka OKLUNỌ ko na ogbọjẹ mẹmẹsunnu mìtọn lẹ, dile é ko na mìwlẹ do, bọ yéwlẹ ga ko tindo aigba lọ he OKLUNỌ Jiwheyẹwhe mìtọn na yé: whenẹnu; mìwlẹ na gódo aigba nutindo mìtọn tọn ji, bo na tindo e, ehe Moṣe mẹmẹsi OKLUNỌ tọn na mì to Jọdani godo hlan whèzẹtẹn dali.

JỌṢUA 11:17

Sọn osé Halaki, he yì aga jẹ Seìli, yèdọ jẹ Baali-gadi to agbàdo Lebanọni tọn mẹ to osé Helmọni glọ: po ahọlu yetọn lẹpo po wẹ é yí, bo hò yé, bo hù yé.

JỌṢUA 11:3

Hlan Kananinu lẹ to whèzẹtẹn po whèyìhọ po ji, po Amọlinu lẹ po po Hitìnu lẹ po, po Pelizinu lẹ po, po Jẹbusinu lọ po to otò okọta tọn mẹ, po Hivinu lẹ po to Hẹlmọni glọ to aigba Kizpa tọn ji.

JỌṢUA 13:8

Leubẹninu lẹ po Gadinu lẹ po ko yí ogú yetọn po yé po, ehe Moṣe na yé, to Jọdani gododọ̃n hlan whèzẹtẹn dali, yèdọ dile Moṣe mẹmẹsi OKLUNỌ tọn na yé do;

JỌṢUA 22:4

Dinvie OKLUNỌ Jiwheyẹwhe mìtọn ko na ogbọjẹ hlan mẹmẹsunnu mìtọn lẹ, dile é dọhó hlan mì do: enẹwutu dinvie mì ni lé, bo yì gohò mìtọn lẹ mẹ, bo yì aigba nutindo mìtọn tọn ji, ehe Moṣe mẹmẹsi OKLUNỌ tọn na mì to Jọdani gododọ̃n

WHẸ̀DATỌ 11:18

Whenẹnu wẹ é zinzọnlin gbọn zùngbo mẹ luntón, bo lẹ́do aigba Edọmi tọn pó, po aigba Moabi tọn pé, bo gbọn adà whẹzẹtẹn aigba Moabi tọn tọn dali, yé sọ whesla do adà awetọ Alnọni tọn go; ṣigba yé ma wá agbohòmẹ Moabi tọn gba, na Alnọni wẹ agboji Moabi tọn