JỌṢUA 10:8 - BIBLU WIWE LỌ 1923

⁸ OKLUNỌ sọ dọ hlan Jọsua dọ, A dibu na yé blo: na yẹn ko yí yé do alọ towe lọ mẹ; omẹ dopo yé tọn ma na nọte to nukọn towe gba.

JỌṢUA 10:8 Iomraidhean Croise

1 AHỌLU LẸ 20:13

Bo, dayi e go, yẹwhegán de wá sepọ̀ Ahabi ahọlu Islaeli tọn de, bo domọ, Le wẹ OKLUNỌ dọ, dọmọ, Hiẹ mọ mẹsusu gégé he lẹpo? dayi e go, yẹn na jó e do alọ towe mẹ to egbé; hie na sọ yọnẹn dọ yẹn wẹ OKLUNỌ.

LOMUNU LẸ 8:31

Etẹ ka wẹ mí na dọ do onúhelẹ go lò? Eyín Jiwheyẹwhe tin na mí, mẹnu wẹ tin agọ̀ do mí go?

Deutelonomi 3:2

OKLUNỌ lọ sọ dọ hlan mi dọmọ, A dibuna ẹn blo: na yẹn ko jó e, po omẹ etọn lẹ po, po aigba etọn po, do alọ towe mẹ; hiẹ bo nasọ wà hlan ẹn dile hiẹ wà hlan Sihọni ahọlu Amolinu lẹ tọn lọ do, he nọnọ̀ Hẹṣbọni.

Deutelonomi 7:24

E na jó ahọlu yetọn lọ do alọ towe mẹ, hiẹ nasọ hẹn oyín yetọn nado dòn son olọn glọ: omẹ de ma na tin sọgan nado site to nukọn towe finẹ, kaka hiẹ ko do và yé.

JỌṢUA 10:25

Jọṣua sọ dọ hlan yé dọ, Mì dibu blo, mì sọ yín avọ̀satọ blo; mì yín huhlọnnọ po tudotọ dagbe tọn po: na le wẹ OKLUNỌ na wà do hlan kentọ mìtọn mẹhe mì to ovùnhò hẹ lẹ

JỌṢUA 10:9

Enẹwutu Jọsua wá ye ji ajiji; na ozán lẹpo wẹ é do yì sọn Gilgali.

JỌṢUA 11:6

OKLUNỌ sọ dọ hlan Jọsua dọ, A yín avòsatọ na yé tọn wutu blo: na osò to ojlẹ he mẹ wẹ yẹn na jó yé omẹ pó alantọṣiọ to Islaeli nukọn: hiẹ na sandònmẹna osé yetọn lẹ, bo yí miyọn do mẹ kẹkẹ yetọn lẹ.

JỌṢUA 8:1

OKLUNỌ sọ dọ hlan Jọsua dọ, A dibu blo, mọ a sọ yín avosatọ blo: yí sunnu awhàn tọn lẹ po hi pò, bo fọ́n, hẹji yì Ai: pọ́n, yẹn ko na do alọ towe mẹ ahọlu Ai tọn, po omẹ etọn lẹ po, po todaho etọn po, po aigba etọn po:

WHẸ̀DATỌ 6:16

OKLUNỌ SỌ dọ hlan ẹn, Nugbonugbo yen na tin to de we, hiẹ na sọ hò Midianinu lẹ di gbẹtọ dopo:

WHẸ̀DATỌ 7:9

E sọ wá jọ to ozán doponẹ mẹ, wẹ OKLUNỌ dọ hlan ẹn dọ, Tite, jẹte yì osla lọ mẹ; na yẹn ko jó e do alọ towe mẹ.

1 SAMUẸLI 17:47

podọ na agùnpipli he lẹpo nido yọnẹn dọ OKLUNỌ ma nọ yí ohi po owhán po do whlẹnmẹ gba: na OKLUNỌ tọn wẹ awhàn lọ, ewọ na sọ jó mì do alọ mìtọn mẹ.