JOHANU 9:16 - BIBLU WIWE LỌ 1923

¹⁶ Enẹwutu medelẹ to Falesi lẹ mẹ dọmọ, Dawe he ma tin sọn Jiwheyẹwhe dé gba, na é ma yìn azán gbọje tọn wutu. Ṣigba mẹdevo lẹ dọmo, Nawe mehe yín ylandonọ dè sogan wà ohia helẹ hunkọ do? Kinklan sọ tin to yé ṣẹnṣẹn.

JOHANU 9:16 Iomraidhean Croise

MATIU 12:10

pon, dawe de tin to finẹ, mẹhe alọ etọn dopo kusẹ. Yé sọ kanbiọ ẹ dọmọ, E jẹ na hẹnazọ̀ngbọ na omẹ to gbọjẹzángbè? na yé nido mo otẹn jewhè eton.

MATIU 12:2

Whenuena Falesi lẹ mo ẹn, yè dọ hlan en, dọmọ, Pọ́n, nuplọnto towe le to onú he ma jẹ na wà wà to gbọjẹzángbè.

LUKU 13:14

Ogán sinagọgu tọn yíyí homẹgble do gblọn, na Jesu hẹnazọ̀ngbọ to gbojezángbe wutu, dọ hlan gbẹtọ lẹ, dọ, Azán ṣidopo we tin he mẹ gbeto jẹ ni wàzon te: enẹwutu, enele mẹ wẹ mì ni wá na yè ni henazọ̀ngbọna mì te, eyín to gbọjezángbè blo.

JOHANU 10:19

Kinklan de sọ vọ tin to Ju lẹ ṣẹnṣẹn na ohó helẹ wutu.

JOHANU 14:11

Mì yise dọ yen tin to Otọ me, podọ Otọ́ tin to yẹn me: kavi eyín e ma yín mọ, mì bo yi mi se na azọn lọsu lẹ tọn wutu.

JOHANU 15:24

Eyín yẹn ma ko wà to yé ṣẹnṣẹn azón he mẹde ma wà, yé ma do tindo ylando gba; ṣigba dinvie yé ko mọ, bo sọ gbẹwanna mi po Oto ṣie po.

JOHANU 2:11

Ehe wẹ ohia tintan he Jesú wà to Kana Galili tọn, bo dè gigo etọn do gbangba; nuplonto etọn le sọyí i sè.

JOHANU 3:2

ewọ lọ wẹ wá Jesu de to ozán mẹ, bo dọ hlan ẹn, dọ, Labbi, mìwlẹ yónẹn dọ, mẹplóntọ sọn Jiwheyẹwhe de wá wẹ hiẹ: na mẹhe sọgan basi ohia he hiẹ to bibasi helẹ de ma tin, adavo Jiwheyẹwhe tin po e po.

JOHANU 5:10

Enẹwutu Ju lẹ dọ hlan dawe lọ mẹhe yè hẹnazọ̀ngbọna, dọmọ, Gbọjezángbè wẹ egbe: é ma jẹ na we nado zé adọzan towe gba.

JOHANU 5:36

Ṣigba yẹn tindo okunnude he klohú Johanu tọn, na azón he Otọ́ ṣie ko na mi nado dotana lẹ, azón lọsu lẹ he yen wà, tó kunnudena mi dọ, Otọ́ wẹ do mi hlan.

JOHANU 6:52

Enẹwutu Ju lẹ to nudòn to yéde ṣẹnṣẹn dọ, Nawẹ dawe he sọgan yí olan etọn na mí nado dù do?

JOHANU 7:12

Hunhlun susu sọ tin to agùndaho le lọ ṣẹnṣẹn gbọn ewọ tọn dali: na omẹ delẹ dọ Omẹ dagbe de we: omẹ devo lẹ dọ, Lala, ṣigba é to agundaho lẹ lọ planhẹn danbu wẹ.

JOHANU 7:23

Eyín gbẹtọ yí whẹgbigbo to gbọjẹzángbè, na yè ma na do hẹn osén Moṣe tọn gble gba; be adi to mì do do ogo e, na yẹn hẹn mẹde jẹgángán hézéhézó to gbọjezángbè wutu?

JOHANU 7:43

Mọwẹ kinklan fọ́n to agùndaho lọ ṣẹnṣẹn na ewo tọn wutu.

JOHANU 9:24

Mọwẹ yé sọ vó dawe he yín nukuntọ́nnọ lọ ylọ, bo dọ hlan en dọ, Na gigo Jiwheyẹwhe; mìwlẹ yọnẹn do ylandonọ de wẹ dawe he.

OWALỌ APỌSTELI LẸ TỌN 14:4

Ṣigba agùndaho otodaho lọ mẹ tọn lẹ madawe: adade kọndopọ hẹ Ju lẹ, adade sọ kọndopọ hẹ apọsteli lẹ.