JOHANU 8:55 - BIBLU WIWE LỌ 1923

⁵⁵ Mìwlẹ ma yọ́n ẹn; ṣigba yẹn yọn ẹn: eyín yẹn dọ, Yẹn ma yón ẹn, yen na tin jijlẹ do mìwlẹ go, lalonọ de: ṣigba yẹn yọn en, bo sọ yí ohó etọn hẹn.

JOHANU 8:55 Iomraidhean Croise

JẸLEMIA 4:22

Na oklenọ wẹ omẹ ṣie lẹ, Yé ma yón mi gba; ovi agblinọ wẹ yé, podọ yé ma tindo wuntùntùn de: nuyọnẹntọ wẹ yé nado wà oylan, ṣigba nado wà dagbe yé ma tindo oyọnọn de gba.

JẸLEMIA 9:3

Yé sọ dé odó yetọn di e yín ogá yetọn na lalodido; yè sọ hẹn yé whén huhlọnnọ to aigba lọ mẹ, aigba é ma yín na nugbowà gba; na yé to nukọnyì sọn oylan mẹ je oylan mẹ, podọ yé ma yẹ́n mi gba, wẹ OKLUNỌ dọ.

HOSEA 5:4

Wiwà yetọn lẹ ma na dikẽna yé nado lé do Jiwheyẹwhe yetọn de gba: na gbigbọ ogàlilọ tọn tin to gblagbla yé tọn mẹ, yé ma sọ yọ́n OKLUNỌ gba.

MATIU 11:27

Onú lepo wẹ yè yí na mi sọn Otọ́ ṣie de: mẹde ma sọ tunwun Ovi, adavo Oto mọ mẹde ma sọ tunwun Otọ́, adavo Ovi, podọ medepope he Ovi jlo nado so e hia na.

LUKU 10:22

Onú lẹpo wẹ yè jo hlan mi sọn Otọ́ ṣie de: mẹde ma sọ yón mẹhe Ovi yín, adavo Otọ́; podọ mẹhe Otọ́ yín, adavo Ovi, podọ mẹhe jlo é, é yí i hia Han.

JOHANU 1:18

Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.

JOHANU 10:15

Yèdọ dile Otọ́ yón mi do, bọ yẹn sọ yón Otọ́: yẹn zé ogbé ṣie liai na lẹngbọ le.

JOHANU 15:10

Eyín mì yin osén ṣie lẹ, mì na nonò owanyi ṣie mẹ; yèdọ dile yen yin osén Oto ṣie tọn, bo sọ nọno owanyi etọn mẹ do

JOHANU 15:21

Ṣigba onú helẹ pó wẹ yé na wà do mì na oyín ṣie tọn wutu, na yé ma yón ewọ he do mi hlan wutu.

JOHANU 16:3

Onu hélẹ pó wẹ ye na wa, na ye ma yon Oto, yé ma sọ yọn mi wutu.

JOHANU 17:25

Otọ́ dodónọ È, aihọn ma yon we: ṣigba yẹn yón we, ehelẹ sọ yonen do hiẹ wẹ do mi hlan.

JOHANU 6:46

E ma yín mẹdepope ko mọ Otò gbède gba, adavo mẹhe yín Jiwheyẹwhe tọn, ewọ wẹ ko mọ Otọ́ lọ.

JOHANU 8:19

Enẹwutu wẹ yé dọ hlan ẹn, dọ, Fie wẹ Otọ́ towe te? Jesu gblọn dọmọ, Mì ma yón mi, mì ma sọ yón Otọ́ ṣie: eyín mì ko yón mi, mì na ko yón Otọ́ ṣie ga.

JOHANU 8:29

Ewọ mẹhe do mi hlan tin to dẽ: Otọ́ lọ ma jo yẹn dopo do gba; na yẹn to onú he yín homẹhun hlan ẹn lẹ wà to whepoponu.

JOHANU 8:44

Otọ́ mìtọn lẹgba tọn wẹ mì, wantúntún otọ́ mìtọn tọn ojlo mìtọn wẹ nado wà. Hlọnhùtọ de wẹ ewọ sọn whéwhéwhenu, é ma nọ nọte to nugbo mẹ gbède, na nugbo ma tin to ewọ mẹ wutu. Whenuena é dọ lalo de, é dọhó etọn titi tọn: na lalonọ de wẹ ewọ, podọ otọ́ etọn.

JOHANU 8:51

Nugbo, nugbo, wẹ yẹn dọ hlan mì, Eyín mẹde yí ohó ṣie hẹn, é ma na mọ okú gbède.

JOHANU 8:52

Ju le dọ hlan en, dọmọ, Dinvie wẹ mìwlẹ yọnẹn dọ hiẹ tindo aovi de. Ablaham kú po yẹwhegán lẹ po; hiẹ sọ dọmọ, Eyín mede yí ohó ṣie hen, é ma na dọ okú pọ́n gbède.

OWALỌ APỌSTELI LẸ TỌN 17:23

Na le yẹn juwajei bo sọ pọ́n nudoai sinsẹ́n mìtọn tọn lẹ, yen mọ agbà de ga po wéwinwlan he po, HLAN JIWHEYẸWHE MAYỌNẸN de. Enẹwutu mẹhe mì to sinsẹ̀n to wunvi mẹ, ewọ lọ wẹ yẹn to lila hlan mì.

2 KỌLINTINU LẸ 4:6

Na Jiwheyẹwhe, he degbèna hinhọ́n nado hónun sọn zinvlu me, ko hónun to ayiha mítọn lẹ me, nado na hinhọ́n oyọnẹn gigo Jiwheyẹwhe tọn tọn omẹ to nukun Jesu Klisti tọn mẹ.

1 JOHANU 1:6

Eyín mìwlẹ dọ dọ mí tindo kọndopọ po e po, bọ mí sọ to zọnlinzin to zinviu mẹ, mí dolalo, mí ma wa nugbo lọ gba:

1 JOHANU 2:22

Mẹnu wẹ lalonọ, adavo ewọ he món dọ Jesu wẹ Klisti? Ewọ wẹ agọ̀jẹdo-Klistigotọ, he món Otọ́ po Ovi po.

1 JOHANU 2:4

Mẹhe dọ, Yẹn yón ẹn, bo ma yìn osén etọn, lalonọ de wẹ, nugbo lọ ma sọ tin to ewọ mẹ.

1 JOHANU 5:10

Mẹhe yí Ovi Jiwheyẹwhe tọn se, tindo kunnudide to ede homẹ: ewọ he ma yí Jiwheyẹwhe se, ko yí i do basi lalonọ; na é ma yí kunnudide he Jiwheyẹwhe de gbọn Ovi etọn dali se wutu

OSỌHIA 3:9

Do ayi e go, yẹn na hẹn omẹ sinagogu Satani ton mẹ lẹ, he dọ dọmọ Ju wẹ yewlẹ, bo ma yín, ṣigba lalo yé do;—-do ayi e go, yen na hẹn yé nado wá, nado litai to afọ towe nukọn, podọ nado yọnẹn dọ yẹn yiwanna we.