JOHANU 8:41 - BIBLU WIWE LỌ 1923

⁴¹ Mìwlẹ to azọn otọ́ mìtọn tọn wà. Yé sọ dọ hlan ẹn, dọ, Yè ma ji mí sọn ogalilọ mẹ gba; mìwlẹ tindo Otọ́ dopo, enẹ we Jiwheyẹwhe.

JOHANU 8:41 Iomraidhean Croise

Eksọdusi 4:22

Hiẹ nasọ dọ hlan Falo, dọmọ, Le wẹ OKLUNỌ dọ, Islaeli wẹ visunnu ṣie, oplọnji ṣie:

ISAIA 63:16

Nugbo, hiẹ wẹ otọ́ mítọn, eyín Ablaham ma tlẹ yón mí, bọ Islaeli ma yígbè mítọn, hiẹ, OKLUNỌ wẹ otọ́ mítọn, Omẹflitọ mítọn.

ISAIA 64:8

Ṣigba dinvie, OKLUNỌ È, hiẹ wẹ otọ́ mítọn, okò wẹ míwlẹ, hiẹ wẹ zẹndotọ; alọnuzọ́n towe wẹ mí omẹ pó.

JẸLEMIA 3:19

Ṣigba yẹn dọmọ, Nawẹ yẹn do yí mì do ovi lọ ṣẹnṣẹn do, bo sọ na aigba whanpẹnọ de mì, ogúigba dagbepete awhànpa akọta lẹ tọn tọn lẹ? Yẹn sọ dọmọ, Hiẹ na nọ ylọ mi Otọ́ ṣie; ho ma nasọ lẹ́ sọn hihodo mi mẹ gba.

JẸLEMIA 31:20

Bé Eflaimi wẹ visunnu vivó ṣie? bé ovi homẹhùnno de wẹ ewọ? na whedepopenu yen dọhó do e go, Yẹn nọ to finflin i vivévivé jànwẹ: enẹwutu wẹ yè hẹn homẹ ṣie dọnú na ẹn; Yẹn na tindo lẹblanu to e ji nugbonugbo, wẹ OKLUNỌ do.

HOSEA 1:2

Whenuená OKLUNỌ dọhó to ṣaunṣaunwhenu hẹ Hosea, OKLUNỌ dọ hlan Hosea dọmọ, Yì, yí asi de hlan we sọn ogàlọtọ ovi ogàlọtọ lẹ tọn mẹ: na aigba lọ basi ogàlilọ, finfọ́nyì sọn OKLUNỌ de.

MALAKI 1:6

Visunnu de nọ gbogbéna otọ́ etọn, podọ devi de mẹmẹnu etọn: whenẹnu eyín yẹn yín otọ́ de, fie wẹ gbégbona ṣie te? podọ eyín yẹn yín mẹmẹnu de, fie wẹ budìsi ṣie te? wẹ OKLUNỌ awhànpa lẹ tọn dọ hlan mì, Mì yẹwhenọ he to oyín ṣie vlẹ lẹ emi Podọ mìwlẹ sọ to didọmọ, Etẹ́ mẹ wẹ míwlẹ ko to oyín towe vlẹ te?

MALAKI 2:11

Juda ko yí odanú do zán, podọ yè sọ wà osùnú de to Islaeli mẹ podọ to Jelusalẹm mẹ; na Juda ko flu fiwiwe OKLUNỌ tọn lọ he é yiwanna, bo ko sọ wlealọhẹ viyọnnu yẹwhe jonọ de tọn lọ.

JOHANU 8:38

Yẹn to onú he yẹn mọ to Otọ́ ṣie de dọ; mìwlẹ sọ to onú he mì mọ to otọ́ mìtọn de wà.

JOHANU 8:44

Otọ́ mìtọn lẹgba tọn wẹ mì, wantúntún otọ́ mìtọn tọn ojlo mìtọn wẹ nado wà. Hlọnhùtọ de wẹ ewọ sọn whéwhéwhenu, é ma nọ nọte to nugbo mẹ gbède, na nugbo ma tin to ewọ mẹ wutu. Whenuena é dọ lalo de, é dọhó etọn titi tọn: na lalonọ de wẹ ewọ, podọ otọ́ etọn.

Deutelonomi 14:1

OVI OKLUNỌ lọ Jiwheyẹwhe mìtọn tọn wẹ milè: mìlẹ ma na zẹ̀hi mìde gba, kavi basi tapipa to nukun mìtọn lẹ ṣẹnṣẹn na osiọ gba.

Deutelonomi 32:6

Gbẹtọ nulunọ podọ gugutọ È, le wẹ mì na suahọ OKLUNỌ lọ do? Ewọ ma wẹ otọ́ towe he tindo we? E wọ wẹ ko basi we bo sọ hẹn we li.

1 JOHANU 3:12

E ma yín taidi Kaini, he jọ̀ sọn mẹylankan lọ de, bo hù nọvisunnu etọn gba. Etẹwutu wẹ é hù i? Na azọ́n etọn lẹ yín oylan wutu, bọ nọvisunnu etọn tọn yín dódó.