JOHANU 8:19 - BIBLU WIWE LỌ 1923

¹⁹ Enẹwutu wẹ yé dọ hlan ẹn, dọ, Fie wẹ Otọ́ towe te? Jesu gblọn dọmọ, Mì ma yón mi, mì ma sọ yón Otọ́ ṣie: eyín mì ko yón mi, mì na ko yón Otọ́ ṣie ga.

JOHANU 8:19 Iomraidhean Croise

JẸLEMIA 22:16

Ewọ nọ dawhèna owhèhó wamọnọ po agbatọnọ po tọn; whenenu wẹ é yín dagbe. Bé ehe ma wẹ nado yòn mi? wẹ OKLUNỌ dọ.

JẸLEMIA 24:7

Yẹn na sọ na ayiha de yé nado yòn mi, dọ yẹn wẹ OKLUNỌ: yéwle na yín omẹ ṣie lẹ, yen na sọ yín Jiwheyẹwhe yeton: na yé na yí ayiha yetọn pete do légọ hlan dẽ.

MATIU 11:25

To ojle nẹ mẹ wẹ: Jesu gblọn bo dọmo, Yẹn dopẹ́na we, Otọ́ È, Oklunọ olọn po aigba po tọn, na hiẹ sọ onu helẹ whlá do nuyọ́nẹntọ lẹ, pódọ do zínzínyẹnto le, bo do yé hia na vivú lẹ́.

JOHANU 1:10

Ẹwọ ko tin to aihon me, gbọn ewọ mẹ wẹ yè dá aihọn, aihọn ma sọ yón ẹn.

JOHANU 1:18

Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.

JOHANU 15:21

Ṣigba onú helẹ pó wẹ yé na wà do mì na oyín ṣie tọn wutu, na yé ma yón ewọ he do mi hlan wutu.

JOHANU 16:3

Onu hélẹ pó wẹ ye na wa, na ye ma yon Oto, yé ma sọ yọn mi wutu.

JOHANU 17:3

Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti.

JOHANU 7:28

Enẹwutu wẹ Jesu dawhá to tẹmpli mẹ le é to mẹplon, domọ, Mì yón mi, bo sọ yón ofi he yẹn sọn: podọ yẹn ma wá na dẽ gba, ṣigba nugbo wẹ mẹhe do mi hlan, mẹhe mì ma yọnẹn.

1 KỌLINTINU LẸ 15:34

Mi ton hlan dódo, mì waylando blo: na mẹdele ma tindo oyọnẹn Jiwheyẹwhe tọn: yen dọ ehe hlan winyan mìtọn.

GALATIANU LẸ 4:9

Ṣigba dinvie, he mì wá nado yọn Jiwheyẹwhe, kavi nado, yín yinyọnẹn sọn Jiwheyẹwhe de, nawẹ mì ka gbọn do vó légọ do madogán ohẹnje ojọgbè mẹ, fìe mì sọ jlo nado gò wá kanlinmọgbenu te?

EFESUNU LẸ 1:17

dọ, na Jiwheyẹwhe Jesu Klisti Oklunọ mítọn tọn, Otọ́ gigo ton, nido na gbigbọ nuyọnẹn tọn po osọhia tọn po hlan mì to oyọnẹn etọn mẹ:

KỌLỌSINU 1:10

na mì nido to zọnlinzin dole é jẹ na Oklunọ to nukundagbe lepo mẹ, na mì ni yín sinsẹ́nnọ to azon dagbe lẹpo mẹ, bo sọ to susu to oyọnen Jiwheyẹwhe tọn mẹ;

KỌLỌSINU 1:15

mẹhe basi apajle Jiwheyẹwhe tọn he yè ma mọ, ovi plọnji to yé he yè da lẹpọ mẹ:

HEBLU LẸ 1:3

mẹhe yín hinhọ́n gigo etọn tọn, podọ ojlẹmọ dodo odohia etọn tọn, bọ é sọ yí ohó huhlọn etọn tọn do hẹn onú lẹpo go, whenuena ewlọsu ko lẹ́ ylando mítọn lẹ sè, bo sọ sinai to adusilọ yẹyi Ganhunupo tọn ji to aga;

1 JOHANU 2:23

Mẹdepope he mọ́n Ovi, ewọ lọ wẹ ma tindo Otọ́: ṣigba, ewọ he yígbe Ovi tọn, é tindo Otọ́ ga.

1 JOHANU 5:20

Mí sọ yọnẹn dọ Ovi Jiwheyẹwhe tọn wá, bo sọ na wuntùntùn mí, na mí nido yón ewọ he yín nugbo, mìwlẹ sọ tin to ewọ he yin nugbo mẹ, yèdọ to Jesu Klisti Ovi etọn mẹ. Ehe wẹ Jiwheyẹwhe nugbo lọ po ogbè madopodo po.

2 JOHANU 1:9

Mẹdepope he jẹ osẹ́n mẹ, bo, ma sọ nọte to oplọ́n Klisti tọn mẹ, ma tindo Jiwheyẹwhe gba. Éwọ he ka note to oplọ́n Klisti ton mẹ, wẹ mẹhe tindo Otọ́ po Ovi pọ.