JOHANU 8:16 - BIBLU WIWE LỌ 1923

¹⁶ Mọwẹ eyín yẹn dawhé, nugbo wẹ whẹ̀dida ṣie: na yẹn ma tin to dopo, ṣigba yẹn po Otọ́ he do mi hlan po.

JOHANU 8:16 Iomraidhean Croise

PSALM 98:9

To OKLUNỌ nukọn; na é ja nado dawhẹ́ aigba tọn: Dódó é na do dawhẹ́ aihọn tọn, Bo yí kunnumahu do dawhẹ́na gbẹtọ lẹ.

PSALM 99:4

Huhlọn ahọlu tọn yiwanna whódìda ga; Hiẹ hẹn kunnumahu lódo, Hiẹ hẹn whẹ̀dida po dódó po ṣẹ to Jakobu mẹ.

ISAIA 9:7

Ahọludu etọn po jijọho po ma na ponù, to ofìn Davidi tọn ji, podọ to ahọludu etọn ji, nado nọ pọ́n e go, podọ nado sọ yonu etọn hẹnai, gbọn whẹ̀dida dali; podọ gbọn dódó dali, sọn dinvie, yèdọ kakadoi. Vivẹnu OKLUNỌ awhànpa lẹ tọn tọn na basi ehe.

ZEKALIA 9:9

Viyọnnu Ziọni tọn È, jaya dahodaho, dabobo hiẹ viyọnnu Jelusalẹm tọn È: dayi e go, ahọlu towe ja de we; nugbonọ wẹ ewọ, bo tindo whlengan; whiwhẹnọ, bo hé kẹtẹkẹtẹ de ji, yèdọ kẹtẹkẹtẹsiwhe de ji, ovú kẹtẹkẹtẹ de tọn.

JOHANU 16:32

Do ayi e go, ojlẹ lọ ja, mọwẹ é wá to dinvie, dọ yè na vúnvún mì pé, dopodopo mìtọn do onú ede tọn kòn, bo nasọ jo yen dopo dai: gãnṣo é ma yín yen dopo gba, na Otò tin to dẽ wutu.

JOHANU 8:29

Ewọ mẹhe do mi hlan tin to dẽ: Otọ́ lọ ma jo yẹn dopo do gba; na yẹn to onú he yín homẹhun hlan ẹn lẹ wà to whepoponu.

OWALỌ APỌSTELI LẸ TỌN 17:31

sọle ewọ ko dè azán de, ehe mẹ ewọ na dawhèna aihọn to dódó mẹ to dawe he ewọ ko do de mẹ; ehetọn é ko na adọgbigbó hlan gbeto lẹpo, to ehe mẹ é ko fọ́n ẹn sọn osiọ le mẹ.

OSỌHIA 19:11

Yẹn sọ mọ olọn hùn do nùvò, pọ́n osọ́ wéwe de: mẹhe hé e ji wẹ yè nọ ylọ Nugbonọ, Dódónọ, dódó mẹ wẹ é sọ to whẹ̀da te, bo sọ to awhànfùn te.

1 SAMUẸLI 16:7

Ṣigba OKLUNỌ dọ hlan Samuẹli dọ, A pọ́n nukunta etọn ji blo, kavi agayìyì ote etọn tọn; na yẹn ko gbẹ́ ẹ dai wutu: na OKLUNỌ ma nọ mọnú dile gbẹtọ mọ do gba; na gbẹtọ nọ to awusọhia gbonu go tọn dali pọ́n ṣigba ayiha pọ́n wẹ OKLUNỌ te.