JOHANU 7:37 - BIBLU WIWE LỌ 1923

³⁷ Azán pòdo gbè, azán daho hunwhe lo tọn, Jesu site bo dawhá, dọ, Eyín ové hú mẹdepope, mì gbọ é ni wá dẽ, bo nù.

JOHANU 7:37 Iomraidhean Croise

NẸHEMIA 8:18

Egbesọegbesọ ga, sọn azán tintan gbè jẹ azán godotọn gbè, é nọ to hihia to owé osẹ́n Jiwheyẹwhe tọn lọ tọn mẹ. Yé sọ wà hùnwhẹ lọ azàn ṣinawe; to azán sinatọ̀ntọ gbè opli ayidego de sọ tin, kẹdẹdi ogbèdai lọ.

PSALM 143:6

Yẹn dlẹn alọ ṣie jẹgbonu hlan we: Nugba towe to ayiha ṣie hù, di aigba nudikòna de. Selah.

PSALM 42:2

Nùgbla Jiwheyẹwhe tọn to ayiha ṣie hù, Jiwheyẹwhe ogbènọ: Whetẹnu wẹ yẹn na wá, bo sọawúhia to Jiwheyẹwhe nukọn?

PSALM 63:1

JIWHEYẸWHE È, hiẹ wẹ Jiwheyẹwhe ṣie; afọnnufu yẹn na din we: Nugbla towe to hùhù ayiha ṣie, agbasa ṣie dọ̀n do ogo we to aigba húhú ji, Podọ to aigba nudikòna ji, fie osìn ma tin te.

HÓWHÍNWHÉN LẸ 1:20

Nuyọnẹn to awhá lélé do to aligboji; E to ogbè etọn do to ofi gbigblo lẹ:

HÓWHÍNWHÉN LẸ 8:1

BÉ nuyọnẹn ma to awhádo? Bé zìnzìn ma zé ogbè etọn do aga.

HÓWHÍNWHÉN LẸ 8:17

Yẹn yiwanna yé he yiwanna mi le; Mẹhe sọ din mi mẹwhenu na mọ mi.

HÓWHÍNWHÉN LẸ 8:3

É to awhádo to hóngboji, to dòkọnu otò tọn, To hòntonu bibiọ mẹ.

HÓWHÍNWHÉN LẸ 9:3

E do awhli etọn lẹ hlan gbonu: E to awhádo to ofi he yì aga otò tọn ji, dọ,

OHÀN SỌLỌMỌNI TỌN 5:1

Yẹn jẹ opá ṣiẹ mẹ, nọviyọnnu ṣie, yọnnu-yọ́yọ́, Yẹn ko bẹ́ ozúya ṣie po nuyònwán ṣie po pli: Yẹn ko dú wínjá ṣie po owín ṣie po; Yẹn ko nù vẹn ṣie po yìnnò po: Mì dùnú, mì họ́ntọn emì; Nù, yèdọ mì ni nù sù, mì mẹyiwanna lẹ.

ISAIA 12:3

Enẹwutu ayajijẹ wẹ mì na do dọ̀n osìn sọn odòtọ whlẹngan tọn mẹ.

ISAIA 40:2

Mì dọ ohó homẹmiọn tọn hlan Jelusalẹm, bo dawhá hlan ẹn, dọ awhànfunfun etọn vọ̀, yè sọ jó ylando etọn nẹ̃ na é ko mọyí do ogbẹ́awejì sọn alọ OKLUNỌ tọn mẹ na ylando etọn lẹpo.

ISAIA 40:6

Ogbè lọ dọmọ, Dawhá. Ewọ sọ dọmọ, Awhá tẹwẹ yẹn na do? Agbasa lẹpo wẹ ogbé gigo etọn lẹpo sọ taidi vòvó danji tọn.

ISAIA 44:3

Na yẹn na kọ̀n osìn do mẹhe nugbla to hùhù ji, podọ otọ̀-sisa do aigba húhú ji: yẹn na sọ kọ̀n gbigbọ ṣie do okún towe ji, podọ dona ṣie do ovi towe lẹ ji.

ISAIA 55:1

MI omẹ he nugbla to hùhù lẹpo mì wá ofi he osìn te, mẹhe ma tindo akuẹ; mì wá, mì họ̀, bo dù; nugbo, mì họ̀ vẹ̃n po yìnnọ̀ po mado akuẹ, madahina.

ISAIA 55:3

Mì tẹ́ otó mitọn dai, bo wá dẽ: mì sè, ayiha mitọn na sọ tin to ogbẹ̀: yẹn na basi alẹnu madopodo de hẹ mì, yèdọ lẹblanu Davidi tọn he diun

ISAIA 58:1

DAWHÁ lélé, a hladote blo, zé ogbè towe doaga di opẹn de, bo do ylankan omẹ ṣie lẹ tọn hia yé, podọ ylando owhé Jakob gbè tọn na yé.

JẸLEMIA 16:19

OKLUNỌ È, huhlọn ṣie, figangán ṣie, podọ fibẹ̀tado ṣie to azán nukunbia tọn mẹ, de we wẹ akọta lẹ na wá sọn opodo aigba tọn le, bo na didọmọ, Otọ́ mitọn lẹ ma dùgú núde tọn hú lalo, yèdọ ovó podọ onú ehe tọn mẹ ale de ma tin te lẹ.

JẸLEMIA 2:2

Yl bo dawhá to otọ́ Jelusalẹm tọn lẹ mẹ, dọmọ, Le wẹ OKLUNỌ dọ; Yẹn flinnujẹ ogo we, dagbewà ovuwhenu towe tọn, owanyi alọwle towe lẹ tọn, whenuena hiẹ hodo mi to zùngbo mẹ, to aigba he yè ma pò ji.

EZEKIELI 47:9

E na sọ wá jọ, dọ núdida gbẹ̀te dopodopo he to sìnlìn, to otẹn fie otò awe lẹ wá lẹpo mẹ, na nọgbẹ̀; ogégé susu talala owhèvi lọ tọn de na sọ tin to finẹ: na yè hẹn osìn helẹ wá finẹdali, na onú lẹpo nido yín azọ̀nhẹngbọna bo sọ nọgbẹ̀, onú lẹpo na sọ nọgbẹ̀ to fidepope otọ̀ lọ wá.

Levitiku 23:36

Azán ṣinawe mì na yí avọ́nunina yè basi gbọn miyọn dali de na hlan OKLUNỌ lọ: azán ṣinatóntọ na yín opli wiwe de gbè hlan mì; mìlẹ bo nasọ yí avọ́nunina yè basi gbọn miyọn dali de na hlan OKLUNỌ lọ: hùnwhẹ́ titlọ de wẹ; mìwlẹ ma na wà azọn ohékúkú tọn de gba.

Levitiku 23:39

Gãnṣo to azán fọtọ̀ntọ osùn sinawetọ lọ tọn gbè, whenuena mì ko bẹ́ sinsẹ̀n aigba mìtọn tọn lẹ pli wá whégbè, mì na payi hùnwhẹ́ OKLUNỌ lọ tọn go hò azán ṣinawe: azán tintan na yín ogbọjẹ ayidego de tọn gbè, podọ azán sinatòntọ nasọ yín ogbọjẹ ayidego de tọn gbè.

MIKA 6:9

Ogbè OKLUNỌ tọn dawhá hlan tòdaho lọ, podọ ómẹ nuyọnẹn ton sọ mọ osi towe: mì sè opò lọ, po mẹhe ko dè e po.

ZEKALIA 9:15

OKLUNỌ awhànpa lẹ tọn na glọnawhànna yé; yé na vàsúdo, bo sọ tùnafọ zannu akotopẹ́ tọn lọ ji; podọ yé na nù, bo sọ basi hùnhlungbè de di gbọn ovẹ̃n mẹ: yé na sọ yín gigọ́ taidi òtọ̀ lẹ, taidi lọnglọnẹn agbà tọn lẹ.

Osọha lẹ 29:35

Podọ to azán ṣìnatòntọ lọ gbè mì na tindo agùnplidopọ ayidego de: míwlẹ ma na wà azón hẹkúkú tọn de gba:

MATIU 11:28

Mì wá dẽ, mì he to tuklajẹ, bo yè doagban pinpẹ̀n na le, yen nasọ na gbọjẹ mì.

MATIU 3:3

Na ehe wẹ mẹhe yè dọhó etọn gbọn onú yẹwhegán Isaia tọn mẹ, dọmọ, Ogbè mẹde tọn to awhádo to zùngbo mẹ, Mì jla aliho Oklunọ tọn do, Mì hẹn mọji etọn lẹ jlọ.

MATIU 5:6

Donanọ wẹ ye he hùvẹ́ hùhù bọ ovẹ́ to húhú na dódo wutu lẹ: na yè na gọho na yé.

JOHANU 1:23

E dọmọ, Yẹn wẹ ogbè mẹhe tọn to awhádo to zùngbo mẹ, Mì basi ali Oklunọ tọn do titegbe, 1 dole yẹwhegán Isaia dọ do.

JOHANU 14:6

Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali

JOHANU 4:10

Jesu gblọn, bo dọ hlan en, dọ, Eyín hiẹ yón núnina Jiwheyẹwhe tọn, po mẹhe dọ hlan wẹ, dọ, Na mi ma nù po; hiẹ do sọ kanbiọ sọn e si, ewọ do ko sọ na osìn ogbénọ we.

JOHANU 4:11

Nawe lọ sọ dọ hlan ẹn, dọ, Mẹdaho, hiẹ ma tindo onú he hiẹ na yí do dòn, mọ odoto lo sọ siso: fiẹ ka wẹ hie tindo osin ogbẹnọ lo sọn?

JOHANU 4:14

Ṣigba mẹdepope he nù osìn he yẹn na na ẹn ové ma na hú i gbède; ṣigba osìn he yẹn na na ẹn, na lẹzùn odotò osìn tọn de to ohò etọn mẹ, he na to sisa hlan jẹ ogbè madopodo.

JOHANU 5:40

Mì ma sọ jlo na wá dẽ, na mì nido tindo ogbẹ.

JOHANU 6:35

Jesu dọ hlan yé, dọ, Yen wẹ akla ogbẹ tọn: mẹdepope he wa dẽ hùvé ma na hù i, mẹhe sọ yi mi se, ovẹ ma na hu i gbede

JOHANU 6:37

Onú he Otò ṣie yí na mi lẹpo na wá dè, podọ mẹhe so wá dẽ yẹn ma na yàn ẹn jegbonu, gbọn alọ depope mẹ.

JOHANU 6:55

Na olan ṣie wẹ akla nugbo, ohùn ṣie sọ wẹ núnùnù nugbo.

JOHANU 7:28

Enẹwutu wẹ Jesu dawhá to tẹmpli mẹ le é to mẹplon, domọ, Mì yón mi, bo sọ yón ofi he yẹn sọn: podọ yẹn ma wá na dẽ gba, ṣigba nugbo wẹ mẹhe do mi hlan, mẹhe mì ma yọnẹn.

1 KỌLINTINU LẸ 10:21

Mìwlẹ ma sọgan nù kọfo Oklunọ tọn, po kọfo aovi lẹ tọn po gba: mìwlẹ ma sọgan yín mimátọ tafo Oklunọ tọn, po tafo aovi lẹ tọn po gba.

1 KỌLINTINU LẸ 10:4

bọ yé omẹ pó sọ nù núnùnù gbigbọnọ dopolọ: na yé nù sọn Osé gbigbọnọ hé tọ yé hodo de mẹ: podọ Osé lọ wẹ Klisti.

1 KỌLINTINU LẸ 11:25

Mọkẹdẹ ga we kọfo, to tenunúdùdù godo, dọmọ, Kọfo he wẹ alènu yọ́yọ́ to ohùn ṣie mẹ mi nọ wà ehe, whedopopenu he mì to nùnù in, to oflin ṣie mẹ.

1 KỌLINTINU LẸ 12:13

Na Gbigbọ dopo mẹ wẹ yè gbọn baptizi mí omẹ pó do agbasa dopo mẹ, eyín mí yín Ju kavi Kosi, eyín mí yín mẹmẹglọ kavi mẹmẹdekannu; yè ko hẹn mí omẹ pó nado nù: to Gbigbọ dopo mẹ.

EFESUNU LẸ 5:18

Mì sọ gọ́ na ovẹ̃n blo, ehe mẹ wàzẹjlego te; ṣigba mì gó na Gbigbọ.

OSỌHIA 21:6

E sọ dọ hlan mi, dọ, E vọ. Yẹn wẹ Alfa, yẹn wẹ Omẹga, odòdó, opòdo. Yẹn nasọ na ewọ he nugblahu nù sọn asisa osìn ogbè tọn mẹ vọnu.

OSỌHIA 22:1

E sọ do otò osìn ogbẹ́ tọn de hia mi, ehe we sesẹ́ di klistali, he to tinton sọn fie ofìn Jiwheyẹwhe tọn, po Lẹngbovu lọ tọn po te.

OSỌHIA 22:17

Gbigbọ po asiyọyọ po dọmọ, Wá. Ewọ he to sisè ni dọmọ, Wá. Podọ mẹhe nugblahu gbọ é ni wa. Ewọ he jlo, gbọ é ni yí osìn ogbẹ̀ tọn lọ vọnu.