JOHANU 7:24 - BIBLU WIWE LỌ 1923

²⁴ Mì dawhè kẹdedile nusọawuhia do blo, ṣigba mì ni nọ dawhè whẹ̀dida dódónọ.

JOHANU 7:24 Iomraidhean Croise

PSALM 82:2

Nawẹ míwlẹ na dawhẹ̀ mawàdódó tọn dẹn sọ, Bo nasọ to whẹyí do mẹylankan lẹ ji? Selah.

HÓWHÍNWHÉN LẸ 17:15

Ewọ he suwhẹ́na mẹylankan, po ewọ he gblewhẹ́do dódónọ po, Yèdọ yé omẹ awe lẹ osùnú de wẹ to OKLUNỌ nukunmẹ,

HÓWHÍNWHÉN LẸ 24:23

Onú helẹ̃ ga wẹ didọ nuyọnẹntọ lẹ tọn. É ma yón na kú gbẹtọ winyan to whẹ̀dida kọ̀n gba.

ISAIA 5:23

Yé he suwhẹna mẹylankanna ale wutu, bo sọ yí dódó nugbonọ tọn sọn é si.

Levitiku 19:15

Miwlẹ ma na wà mawàdódó de to whẹ̀dida mẹ gba: hiẹ ma na hò nukunta wamọnọ lọ tọn pọ́n gba, kavi gbogbóna nukunta hlọnhlọnnọ lọ tọn gba: ṣigba hiẹ na dawhẹ̀ kọmẹnu towe tọn to dódó mẹ.

ZEKALIA 7:9

Le wẹ OKLUNỌ awhànpa lẹ tọn ko dọhó do, dọmọ, Mì hẹn whẹ̀dida nugbo ṣẹ, bo sọ nọ do lẹblanu po homeyọn po hia ome dopodopo hlan mẹmẹsunnu etọn:

JOHANU 7:25

Enẹwutu omẹ delẹ he yìn Jelusalẹm tọn lẹ dọmọ, Ewọ he ma wẹ mẹhe yé dindin nado hù lọ?

JOHANU 8:15

Mìwlẹ nọ dawhè gbọn agbasalan dali, yẹn ma dawhèna mede.

2 KỌLINTINU LẸ 10:7

Mìwlẹ to onú he tin to nukunme mìtọn nukọn pọn wẹ? Eyín omẹ de dotu do ede go dọ Klisti tọn wẹ ewọ, mì gbọ é ni sọ vó ehe lẹn na ede, dọ, le ewo yín Klisti tọn do, mọwẹ mìwlẹ sọ yín Klisti tọn do.

JAKOBU 2:1

MẸMẸSUNNU ṣie lẹ emi, mì yí mẹhọ̀pọ́n gbẹtọ tọn do tindo yise Jesu Klisti Oklunọ mítọn, Oklunọ gigo tọn, blo.

JAKOBU 2:4

be mìwlẹ ma zùn nudèdẹtọ to mìde mẹ mọ, bo sọ lẹzun whẹdatọ línlẹn ylankan tọn?

JAKOBU 2:9

ṣigba eyín mì tindo mẹhòpọ́n gbẹtọ tọn, oylan wẹ mì wà, yè sọ hẹn mì hùwhẹ gbọn osẹ́n dali di sẹ́nmẹjẹtọ.