JOHANU 6:7 - BIBLU WIWE LỌ 1923

⁷ Filipi gblọn dọ hlan ẹn, dọ, Akla abọgan-kuẹ fọde tọn ma pé mẹhe lẹ, ma mẹdopodopo yetọn nido yí pẹ̃pẹ.

JOHANU 6:7 Iomraidhean Croise

2 AHỌLU LẸ 4:43

Mẹmẹsi etọn sọ dọmọ, Eté, yẹn ni zé ehe do gbẹtọ kanweko nukọn? Ṣigba ewọ dọmọ, Na gbẹtọ lẹ, na yé nido dù; na le wẹ OKLUNỌ dọ dọmọ, Yé na dù, bo sọ pòdai sọn e mẹ.

MATIU 18:28

Ṣigba afanumẹ nẹ tonjẹgbonu yì bo sọ mọ dopo to devi ohatọ etọn lẹ me, he dù abọgankuẹ kanweko họ do e, e hẹn e go, bo sọ finyọn ové nẹ, dọmọ, Suahọ he hiẹ dù do mi.

MALKU 6:37

Ṣigba ewọ gblọn, bo dọ hlan yé, dọ, Mì yí núdùdù na yé ni dù. Yé sọ dọ hlan ẹn, dọ, Be mí na yì hò akla abọgan-kuẹ fọdenu tọn bo na na yé nado dù?

JOHANU 1:43

To azán awetọ gbè, é jlo na tọ́njẹgbonu yì Galili, é sọ pọ́n Filipi: Jesu sọ dọ hlan en, dọ, Hòdo mi.

JOHANU 1:44

Betsaidatọ we Filipi, otò Andlé po Pita po ton.

JOHANU 1:45

Filipi sọ mọ Nátanaeli, bo do hlan ẹn, dọ, Mìwlẹ kó mọ ẹn, mehe Moṣe to osén mẹ, po yewhegán lẹ po kanwé etọn, Jesu Nazalẹti tọn, ovi Josefu ton.

JOHANU 1:46

Natanaeli sọ dọ hlan ẹn, dọ, Bé onú dagbe de sọgan tón sọn Nazaleti? Filipi dọ hlan ẹn, dọ, Wá pọ́n.

JOHANU 1:48

Natanaeli sọ dọ hlan ẹn, dọ, Fie hiẹ yọ́n mi sọn? Jesu gblọn bo dọ hlan ẹn, dọ, Whẹpo Filipi ylọ we, whenuena hiẹ tin to ovotin glọ, yẹn ko mọ we.

JOHANU 12:5

Etẹwutu we yè ma sà nusisá he yín fatakakuẹ fodekanweko, bo yín nina hlan wamonọ le?