JOHANU 5:44 - BIBLU WIWE LỌ 1923

⁴⁴ Nawe mì sọgan yise do, mì mẹhe to yẹyi yí sọn mìnọzọ de, bo ma din yẹyi he sọn Jiwheyẹwhe ṣokẹdẹ de?

JOHANU 5:44 Iomraidhean Croise

2 OTÀNNUGBO LẸ 6:8

Ṣigba OKLUNỌ dọ hlan Davidi otọ́ ṣie dọmọ, Le é ko tin to ayiha towe mẹ nado dó ohọ̀ de na oyín ṣie, hiẹ wà dagbe bọ é ko do tin to ayiha towe mẹ:

JẸLEMIA 13:23

Bé Etiopianu sọgan diọ agbasayú etọn, kavi opò owhó etọn lẹ? bó whenẹnu wẹ mìwlẹ ga sọgan wà dagbe, he yè plọn nado wà oylan.

MATIU 23:5

Ṣigba azón yetọn lẹpo wẹ yé nọ wà na nado yín mimọ to gbẹtọ lẹ de: yé hẹn ayúja owétọn zùn gbigblo, bo sọ hẹn okèyè avọ̀ yetọn tọn zùn gbigblo.

LUKU 19:17

E sọ dọ hlan ẹn, dọmo, Yè wa dagbe, hie afanumẹ dagbe; na ye mọ hiẹ yín nugbonọ to onú pẹvi siun me wutu, tindo asè do oto daho ao ji,

JOHANU 12:43

Na yé yiwanna gigo gbẹtọ tọn hú gigo Jiwheyẹwhe tọn.

JOHANU 17:3

Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti.

JOHANU 3:20

Na medepope he wẹ danu wa nọ gbẹwanna hinhọ́n, é ma sọ nọ wá hinhọ́n nu, yè nikã wọhe azón eton le.

JOHANU 5:41

Yẹn má yí gigo sọn gbẹtọ si gba.

JOHANU 8:43

Etẹwutu wẹ mì ma yón ohógbè ṣie? Yèdọ na mì ma sọgan sè ohó ṣie wutu.

LOMUNU LẸ 2:10

ṣigba gigo, yẹyi, po jijọho po hlan omẹ depope he wàzón dagbe, hlan Ju whé, podọ hlan Kosi lẹ ga.

LOMUNU LẸ 2:29

ṣigba Ju de we ewọ, he yín ode to homẹ; podọ owhegbo sọ yín ayiha tọn to gbigbọ mẹ, é ma yín to owé mẹ gba; pipa mẹhetọn ma yín gbẹtọ tọn, adavo Jiwheyẹwhe tọn.

LOMUNU LẸ 2:7

hlan ye mẹhe gbọn homẹmiọn dali to dagbe wiwà me to gigo, yẹyi, maku, po ogbẹ̀ madopodo po din:

1 KỌLINTINU LẸ 4:5

Enẹwutu mì dawhéna nudepope jẹnukọnna ojlẹ lọ blo, kaka Oklunọ nado wá, mehe na hẹn onú zinvlu tọn he bé lẹ wá hinhọ́n me, bo nasọ hẹn linlẹn ayiha tọn lẹ sọawúhia: whenẹnu wẹ omẹ dopodopo na tindo pipa etọn to Jiwheyẹwhe de.

2 KỌLINTINU LẸ 10:18

Na é ma yín ewọ he to ede pa wẹ omẹ he yè alọkẹyi gba, adavo omẹ he Oklunọ pa.

FILIPPINU LẸ 2:3

Mì yí avùn kavi ogoyi ovó do wà nudepope blo, ṣigba to ayiha whiwhe mẹ dopodopo mìton ni nọ lẹn medevo tọn hú ede tọn.

1 TẸSALONIKANU LE 2:6

kavi gbẹtọ de wẹ mìwlẹ to gigo din te, mọ é ma yín mìwlẹ de, kavi mẹdevo de, whenuena mi do huhlọn nado yín tuklano hlan mì di Apọsteli Klisti tọn lẹ.

1 TIMOTI 1:17

Be hlan Ahọlu madopodo, makú, mamọ, Jiwheyẹwhe nuyọnẹntọ dopolọ, we yẹyi po gigo po tin na kakadoidoi. Niṣẹ.

HEBLU LẸ 3:12

Mì payi mìde go, mẹmẹsunnu emi, na ayiha ylankan mayise tọn nikã tin to mì medepope mẹ, nado yì sọn Jiwheyẹwhe ogbènọ de.

JAKOBU 2:1

MẸMẸSUNNU ṣie lẹ emi, mì yí mẹhọ̀pọ́n gbẹtọ tọn do tindo yise Jesu Klisti Oklunọ mítọn, Oklunọ gigo tọn, blo.

1 PITA 1:7

dọ whlepón yise mìtọn tọn, he yónwhanpẹ hú sika he nọ sudo, eyín é bo sọ yín miyọn wẹ yè tlẹ yí do to whiwhle e pọ́n, na yè nido mọ ẹn to pipa mẹ to yeyi mẹ, to gigo mẹ to osọhia Jesu Klisti tọn whenu:

JUDA 1:25

hlan Jiwheyẹwhe Whlengantọ mítọn dopo akàn lọ, gbon Jesu Klisti Oklunọ mítọn mẹ, wẹ gigo po gigodaho po, ahọludu po huhlọn po ni tin, jẹnukọnna ojle lepo, podọ dinvie, podọ jẹ whenu lọ lẹpo mẹ. Niṣẹ.

1 SAMUẸLI 15:30

Whenẹnu wẹ é dọmọ, Yẹn ko wàylando: gãnṣo yẹn vẹ̀ we, gbògbéna mi dinvie, to mẹho ome ṣie lẹ tọn lẹ nukọn, podọ to Islaeli nukọn; bo sọ vọ́ gọ̀ po yẹn po, na yẹn nido litaina OKLUNỌ Jiwheyẹwhe towe.

1 SAMUẸLI 2:30

Enẹwutu OKLUNỌ, Jiwheyẹwhe Islaeli tọn, dọmọ, Yẹn dọ nugbonugbo dọ owhé towe, po owhe otọ̀ towe tọn po, na nọ zinzonlin to nukọn ṣie kakadoi: ṣigba dinvie OKLUNỌ dọmọ, E ni tin dẹn do mi; na yé he gbògbóna mi lẹ wẹ yẹn na gbògbéna, yé he sọ vlẹ mi lẹ wẹ yè ma na hòpón.