JOHANU 5:40 - BIBLU WIWE LỌ 1923

⁴⁰ Mì ma sọ jlo na wá dẽ, na mì nido tindo ogbẹ.

JOHANU 5:40 Iomraidhean Croise

PSALM 81:11

Ṣigba omẹ ṣie lẹ ma sè ogbẹ̀ ṣie; Islaeli ma sọ jlo ṣie.

ISAIA 49:7

Le wẹ OKLUNỌ Omẹflitọ Islaeli tọn, podọ Omẹ Wiwe etọn dọ, na mẹhe gbẹtọ to vivlẹ, na mẹhe akọta gbẹwanna, na devi ogán lẹ tọn, ahọlu lẹ na mọ bo sọ fọ́n, ahọvi lẹ ga na litaina OKLUNỌ he yín nugbonọ, Omẹ Wiwe Islaeli tọn, mẹhe ko dè we.

ISAIA 50:2

Etẹwutu wẹ yẹn wá, mẹde ma tin? whenuena yẹn ylọ mẹde ma tin na gblọn? Bé alọ ṣie whète sọmọ bọ é ma sọgan fligọ̀? Kavi yẹn ma do huhlọn nado whlẹngán? dayi e go, gbọn wọhẹ ṣie mẹ yẹn hú ohù, yẹn sọ hẹn otọ̀ zùn zùngbo: whevi yetọn to wánlùn na osìn ma tin wutu, yé sọ kú na nugbla.

MATIU 22:3

Bo do afànumẹ etọn lẹ hlan nado ylọ ye mẹhe yè ko ylọ do alọwle hùnwhẹ kòn dai lẹ: yé ma sọ jlo na wá.

MATIU 23:37

Jelusalẹm E, Jelusalẹm, hiẹ mẹhe hù yẹwhegán lẹ, bo sọ dlọn zannu do mẹhe yè dohlan we lẹ, whla nẹmu wẹ yẹn do ko bé ovi towe lẹ pli, dile koklosi de nọ bé ovi etọn lẹ do awà etọn glọ do, bọ mìwlẹ ma jlo

JOHANU 1:11

E wá na onú etọn lẹ, ọmẹ etọn lẹ ma sọ yí i.

JOHANU 10:10

Ajotọ ma wá, adavo dọ e nido fìnnú bo hù, bo vasúdo: yẹn wá na yé nido tindo ogbè, yèdo na yé nido tindo sugege.

JOHANU 3:19

Ehe wẹ owhè, dọ hinhọ́n wá aihọn mẹ, bọ gbẹtọ yíwánna zinvlu hú hinhòn, na ylan wẹ azon yetọn lẹ wutu.

JOHANU 5:39

Mì owé wiwe lẹ dinmọ, na mì lẹn dọ yé mẹ mì tindo ogbè madopodo te wutu; podọ ehelẹ sọ wẹ ye he to kunnudena mi.

JOHANU 5:41

Yẹn má yí gigo sọn gbẹtọ si gba.

JOHANU 5:44

Nawe mì sọgan yise do, mì mẹhe to yẹyi yí sọn mìnọzọ de, bo ma din yẹyi he sọn Jiwheyẹwhe ṣokẹdẹ de?

JOHANU 6:27

Mì jẹtukla na núdùdù he na gble blo, ṣigba na núdùdù nẹ ehe nọ nọte kaka jẹ ogbè madopodo, ehe Ovi gbẹtọ tọn na na mì: na ewọ lọ wẹ Jiwheyẹwhe Otọ́ ko tlẹhiadonuna.

JOHANU 6:37

Onú he Otò ṣie yí na mi lẹpo na wá dè, podọ mẹhe so wá dẽ yẹn ma na yàn ẹn jegbonu, gbọn alọ depope mẹ.

JOHANU 6:40

Na ehe wè ojlo Otò ṣie tọn, dọ mẹdepope he mo Ovi, bo sọ yí i sè, nido tindo ogbè madopodo: yẹn nasọ fọ́n ẹn do ote to azán podo gbè.

LOMUNU LẸ 6:23

Na okú wẹ ale ylando tọn; ṣigba nunina Jiwheyẹwhe tọn wẹ ogbẹ̀ madopodo to Jesu Klisti Oklunọ mítọn mẹ.

OSỌHIA 22:17

Gbigbọ po asiyọyọ po dọmọ, Wá. Ewọ he to sisè ni dọmọ, Wá. Podọ mẹhe nugblahu gbọ é ni wa. Ewọ he jlo, gbọ é ni yí osìn ogbẹ̀ tọn lọ vọnu.