JOHANU 5:38 - BIBLU WIWE LỌ 1923

³⁸ Mì ma sọ tindo ohó etọn ninọ̀ tó mi hòmẹ gba: na mẹhe é dohlan, ewọ wẹ mì ma yise

JOHANU 5:38 Iomraidhean Croise

PSALM 119:11

Ayiha ṣie mẹ wẹ yẹn yí ohó towe whlá dó, TI Na yẹn nikã wàylan do we.

ISAIA 26:10

Eyín yè do nukundágbe hia omẹ ylankan, é ma to na plón dódó: tò aigba dódó tọn ji, é na jò jijọ mawàdódó tọn, é ma to na mọ yẹyidaho OKLUNỌ tọn.

ISAIA 49:7

Le wẹ OKLUNỌ Omẹflitọ Islaeli tọn, podọ Omẹ Wiwe etọn dọ, na mẹhe gbẹtọ to vivlẹ, na mẹhe akọta gbẹwanna, na devi ogán lẹ tọn, ahọlu lẹ na mọ bo sọ fọ́n, ahọvi lẹ ga na litaina OKLUNỌ he yín nugbonọ, Omẹ Wiwe Islaeli tọn, mẹhe ko dè we.

JOHANU 1:11

E wá na onú etọn lẹ, ọmẹ etọn lẹ ma sọ yí i.

JOHANU 15:7

Eyín mì nọnọ yẹn mẹ, bọ ohó ṣie lẹ sọ nọnọ̀ mìwlẹ mẹ, mì na kàn onú he mì jlo biọ, é bo na sọ yín wiwà hlan mì.

JOHANU 8:37

Yẹn yọnẹn dọ okún Ablaham tọn wẹ mì; gànso mì tọ dindin nado hù mi, na ohó ṣie ma tindo otẹn to mì mẹ wutu

KỌLỌSINU 3:16

Mì gbọ ohó Klisti tọn ni nọ nò mì me susugege to nuyọnẹn popo me; mì nọ plón, bo sọ nọ kọhóna mìnọzo to ohàn wiwe mẹ, to ohàn pipa tọn mẹ, podọ to ohàn gbigbọnọ mẹ, mì nọ yí ojọmiọn do jihan to ayiha mìtọn mẹ hlan Oklunọ.

JỌṢUA 1:8

Owé osén lọ tọn he ma na yìsọn onù towe gba, ṣigba hiẹ na nọ lẹnayihamẹpón to e mẹfinẹ to okle po ozán po, na hiẹ nido payi nado nọ wà kẹdẹdi enẹ he yè wlan do e mẹ finẹ lẹpo: na whenẹnu wẹ hiẹ na hẹn aliho towe yín nuyọnnanọ, podọ whenẹnu hiẹ na tindo núwàdotana dagbe.

1 JOHANU 2:14

Yẹn ko wlanwe hlan mì, otọ́ lẹ, na mìwlẹ ko yọ́n ewọ he tin sọn whẹ́whẹ́whẹ́nu wutu. Yẹn ko wlanwe hlanmì, dẹpẹ lẹ, na mì tindo huhlọn, bọ ohó Jiwheyẹwhe tọn sọ nọte to mì mẹ, bọ mì sọ gbawhàn mẹylankan lọ tọn wutu.