JOHANU 5:37 - BIBLU WIWE LỌ 1923

³⁷ Otọ́ mẹhe do mì hlan, é ko dekunnuna mi. Mìwlẹ ma ko sè ogbè etọn gbède, mọwẹ mì ma mọ ohia etọn gbède.

JOHANU 5:37 Iomraidhean Croise

Eksọdusi 20:19

Yé sọ dọ hlan Moṣe dọmọ, Hiẹ ni dọhó hẹ mí, míwlẹ bo nasọ sè; ṣigba a dike Jiwheyẹwhe dọhó hẹ mí blo, mí nikã kó.

ISAIA 26:10

Eyín yè do nukundágbe hia omẹ ylankan, é ma to na plón dódó: tò aigba dódó tọn ji, é na jò jijọ mawàdódó tọn, é ma to na mọ yẹyidaho OKLUNỌ tọn.

MATIU 17:5

Le é gbé to hódọ, do ayi e go, aslọ sisémlanmlan de ṣinyọn yé: bo pọ́n, ogbè de sọn aslọ mẹ, to didọmọ, Ehe wẹ Ovi yiwanna ṣie, mehe mẹ yẹn yín homẹhùnnọ te talala; mì nọ sè etọn.

MATIU 3:17

bo pọ́n, ogbè de sọn olọn le mẹ, didọmọ, Ehe wẹ Visunnu ṣie; Mẹvive ṣie, mẹhe mẹ hòmẹ ṣie vivi te talala.

MALKU 1:11

Ogbè de sọn olọn lẹ mẹ wá dọmọ, Hiẹ wẹ Ovi yiwanna ṣie towe mẹ homẹ ṣie hùn do talala.

LUKU 24:27

E sọ hen ẹn sọn Moṣe, po yẹwhegán lẹpo po ji, é sọ detana onú he yè dọ gbọn ewlọsu tọn dali lẹ hlan yé to Owé wiwe lẹpo mẹ.

LUKU 3:22

Gbigbọ Wiwe sọ jẹte, to ojlẹmọ agbasa tọn de mẹ di apoe de, do e ji, ogbè de sọ sọn olọn mẹ wá, dọmọ, Hiẹ wẹ Ovi yiwanna ṣie; hiẹ mẹ yẹn yín homẹhùnnọ talala.

JOHANU 1:18

Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.

JOHANU 14:9

Jesu dọ hlan ẹn, dọ, Be le yẹn ko tin to mì de dẹn do, hiẹ ma ko yon mi gba, Filipi? ewọ he ko mọ mì ko mọ Oto; nawẹ hiẹ dọ do dọ, Do Otọ lọ hia mí?

JOHANU 15:24

Eyín yẹn ma ko wà to yé ṣẹnṣẹn azón he mẹde ma wà, yé ma do tindo ylando gba; ṣigba dinvie yé ko mọ, bo sọ gbẹwanna mi po Oto ṣie po.

JOHANU 5:32

Mẹdevo tin, mẹhe to kunnudena mi; yẹn sọ yónẹn dọ nugbo wẹ okunnu he é to dide na mi.

JOHANU 6:27

Mì jẹtukla na núdùdù he na gble blo, ṣigba na núdùdù nẹ ehe nọ nọte kaka jẹ ogbè madopodo, ehe Ovi gbẹtọ tọn na na mì: na ewọ lọ wẹ Jiwheyẹwhe Otọ́ ko tlẹhiadonuna.

JOHANU 8:18

Yen wẹ mehe to kunnude na dẽ, Otọ́ he do mì hlan sọ Lo kunnude na mi ga.

Deutelonomi 4:12

OKLUNỌ lọ sọ dọhó hlan mì sọn gblagbla miyọn lọ tọn mẹ: mìlẹ sè ogbè ohó lẹ tọn, ṣigba mì ma mọ ojlẹmọ de gba; ogbè de kẹdẹ wẹ mì sè.

1 TIMOTI 1:17

Be hlan Ahọlu madopodo, makú, mamọ, Jiwheyẹwhe nuyọnẹntọ dopolọ, we yẹyi po gigo po tin na kakadoidoi. Niṣẹ.

1 TIMOTI 6:16

mẹhe ewọ dopokẹdẹ wẹ tindo makú, bo nọnọ̀ hinhọ́n mẹ, he mẹde ma sọgan sẹpọ́; mẹhe mẹde ma ko mọ gbède, bọ yè ma sọ sọgan mọ; mehe tọn yẹyi po huhlọn po yín kakadoi. Niṣẹ.

1 JOHANU 4:12

Mẹdepope ma mọ Jiwheyẹwhe whedepopenu gbède. Eyín mí yiwanna mí nọzo, be Jiwheyẹwhe to ninò mí me yè sọ hẹn owanyi etọn sọgbè to mi mẹ.

1 JOHANU 4:20

Eyín mẹdẹ dọ, Yẹn yiwanna Jiwheyẹwhe, bo gbẹwanna mẹmẹsunnu etọn, lalonọ wẹ ewọ: na ewọ he má yiwanna mẹmẹsunnu etọn he é mọ, nawẹ é na yiwanna Jiwheyẹwhe mẹhe é ma mọ do?

1 JOHANU 5:9

Eyín mì yí kunnudide gbẹtọ tọn, kunnudide Jiwheyẹwhe tọn sùhú: na ehe wẹ kunnudide Jiwheyẹwhe tọn he é do dekunnuna Ovi etọn.