JOHANU 3:5 - BIBLU WIWE LỌ 1923

⁵ Jesu gblọn dọmọ, Nugbo, nugbo, wẹ yen dọ hlan we, Adavo yè yí osìn po Gbigbọ po do ji gbẹtọ ewo ma sogan biọ ahọludu Jiwheyẹwhe tọn mẹ.

JOHANU 3:5 Iomraidhean Croise

MATIU 18:3

Bo dọmọ Nugbo wẹ yẹn dọ hlan mì, Adavo mìwlẹ diọ bo taidì yọpọvu lẹ, mìwlẹ ma na biọ ahọludu olọn tọn mẹ gbon alọdepope mẹ gba.

MATIU 19:24

Yẹn sọ vò dọ hlan mì, E bọawú na kanklosọ-póawenọ de nado gbọn nuvo yẹnvi tọn mẹyì, hú na adọkunnọ nado biọ ahọludu Jiwheyẹwhe tọn mẹ.

MATIU 21:31

Be mẹnu to yé omẹ awe lẹ mẹ wẹ basi ojlo Otọ́ etọn tọn? Yé dọmọ Tintan. Jesu sọ dọ hlan yé, dọmọ, Nugbo wẹ yẹn dọ hlan mì, Tòkuẹsinyantọ lẹ, po ogàlọtọ lẹ po biọ ahọludu Jiwheyẹwhe tọn mẹ yi jẹnukọn na mì.

MATIU 28:19

Enewutu mì yi, bo hẹn akọta lẹpo zùn nuplọntọ, bo sọ nọ baptizi yé to oyín Otọ tọn, po Ovi tọn po, po Gbigbọ Wiwe tọn po mẹ

MATIU 3:11

Nugbo wẹ yẹn yi osìn do to bibaptizi mi na lẹnvọjọ: ṣigba mẹhe ja to godo ṣie tin huhlọn hú mi, afọpa mẹhe tọn yẹn ma jẹ na zé: ewọ wẹ na yí Gbigbọ Wiwe po miyọn po do baptizi mì:

MATIU 5:20

Na yẹn dọ hlan mi, dọmọ, Adavo dódó mìtọn hugan dódó wekantọ lẹ po Falẹsi lẹ po tọn, mì ma na biọ ahọludu olọn tọn mẹ gbọn alọ depope mẹ gba.

MALKU 10:14

Ṣigba whenuena Jesu mọ ẹn, homẹ etọn gble talala, é sọ dọ hlan yé, dọmọ, Mì gbọ yọpọvu lẹ ni wá dẽ, mì sọ kóna, yé blo: na yé omẹ mọhunkọ lẹ tọn wẹ ahọludu Jiwheyẹwhe tọn.

MALKU 16:16

Mẹhe yise bọ yè baptizi i, yè na whlẹn ẹn gán; ṣigba mẹhe ma yise wẹ yè na gblewhẹdo.

MALKU 9:47

Podọ eyín nukun towe sọ hẹn we nado dahli, sún in sè: é bọawú na we na yín nukundoponọ biọ ahọludu Jiwheyẹwhe tọn mẹ, hú na a ni tindo nukun awe, na yè ni zé we dlẹn miyọn olọnzo tọn mẹ:

LUKU 13:24

Mì sinyenlin nado gbọn hòntonu bibó mẹ biọ họmẹ: na yẹn dọ hlan mì, omẹ susu na din nado biọ é me bo ma na sọgan biọ é mẹ.

LUKU 13:3

Yẹn dọ hlan mì, dọ, Lala: ṣigba, adavo mìwlẹ vọjọ, mì omẹ pó wẹ na dòn do mọkedẹ ga.

LUKU 13:5

Yẹn dọ na mì, dọmọ, Lala; ṣigba, adavo mìwlẹ vọjo, mì omẹ pó wẹ na don do mọkẹdẹ.

JOHANU 1:13

mehe yè ji, é ma yín gbọn ohùn dali, kavi gbọn ojlo agbasalàn tọn dali, mọ é ma yín gbọn ojlo gbẹtọ tọn dali, adavo sọn Jiwheyẹwhe dali.

JOHANU 3:3

Jesu gblọn bo dọ hlan ẹn, dọ, Nugbo, nugbo, wẹ yen dọ hlán we, Adavo yè vo gbẹtọ ji, ewọ ma sọgan mo aholudu Jiwheyẹwhe tọn.

JOHANU 3:4

Nikodemi só dọ hlan en, dọ, Nawe yè sogan ji gbẹtọ do, whenuena é ko whén pó? é sọgan sọ vọ oho ono etọn tọn mẹ biọ whlawetọ bo yín jiji?

OWALỌ APỌSTELI LẸ TỌN 2:38

Pita sọ dọ hlan yé, dọmọ, Mì lẹnvọjọ, na yè ni sọ baptizi dopodopo mìtọn to oyín Jesu Klisti tọn mẹ na desè ylando ton, miwlẹ nasọ mọ nina Gbigbọ Wiwe tọn yí.

OWALỌ APỌSTELI LẸ TỌN 3:19

Mi lenvọjọ na enẹwutu, na yè ni diọ mi, na ye nido súnsún ylando mìton se, to whenuena ijlẹ awumimiọn ton na sọn nukun Oklunọ ton mẹ wá;

LOMUNU LẸ 14:17

na ahọludu Jiwheyẹwhe ton ma yín nudùdù po nunùnù po gba; adavo dódó, jijọho, po ayaje po to Gbigbọ Wiwe mẹ

LOMUNU LẸ 8:2

Na osén sọn Gbigbọ ogbe tọn mẹ to Klisti Jesu me ko hẹn mi vo to osén ylando po okú po ton si.

1 KỌLINTINU LẸ 15:50

Ehe wẹ yẹn to didọ, mẹmẹsunnu emi, dọ agbasalan po ohùn po ma sọgan dugú ahọludu Jiwheyẹwhe tọn gba; mọ gbigble ma sọ sọgan dugú magble tọn.

1 KỌLINTINU LẸ 2:12

Ṣigba mìwlẹ ko mọyi, é ma yín gbigbọ aihọn tọn gba, adavo Gbigbọ he yín Jiwheyẹwhe tọn: na mí nido yọ́n onú he yè na mí vọnu gbọn Jiwheyẹwhe dali.

1 KỌLINTINU LẸ 6:11

Mọ wẹ mẹdelẹ te to mì mẹ; ṣigba yè ko klọ́ mì, ṣigba yè ko lè mì wé, ṣigba yè ko sùwhẹna mì to oyín Jesu Oklunọ tọn mẹ, podọ to Gbigbọ Jiwheyẹwhe mítọn tọn mẹ.

GALATIANU LẸ 6:15

Na to Klisti Jesu mẹ owhẹgbo ma yín nudepope, kavi owhẹmagbo, adavo nudida yọ́yọ́.

EFESUNU LẸ 5:26

na ewọ nido klọ bo sọ yí lèwé osìn tọn do lè ẹ wé gbọn ohó lọ dali.

1 PITA 1:2

Kẹdẹdi yinyọnendai Jiwheyẹwhe Otọ tọn, gbon lèwé Gbigbọ tọn dali, hlan tónuse po ohùn yìn do omẹ go Jesu Klisti tọn po: Ojọmiọn po jijọho po ni yín sùsù hlan mì.

1 PITA 3:21

Ohia mọtọnhunkọ hlan ehe baptẹm do to mí whlẹn dinvie ga, (é ma yín diho agbasalan tọn didèsè gba, ṣigba ogbèyí ayiha dagbe de tọn hlan Jiwheyẹwhe,) gbọn fọ́nsọnku Jesu Klisti tọn mẹ:

1 JOHANU 2:29

Eyín mì yọ́n ẹn dọ ewọ yín dódónọ, mì yọnẹn dọ yè dè mẹhe wà dódó lẹpo tọ́n sọn ewọ mẹ.

1 JOHANU 5:1

MẸDEPOPE he yise dọ Jesu wẹ Klisti, yè dè e tọn sọn Jiwheyẹwhe de: mẹdepope he sọ yiwanna mẹjitọ, é yiwanna ewọ he yè dètọ́n sọn e mẹ ga.