JOHANU 3:28 - BIBLU WIWE LỌ 1923

²⁸ Mìlọsu dekunnuna mi, dọ yẹn dọmọ, Yẹn ma wẹ Klisti lọ gba, ṣigba dọ yẹn wẹ yè dohlan nukọn nẹ̃.

JOHANU 3:28 Iomraidhean Croise

MALAKI 3:1

DAYI e go, Yẹn do liznyítọ ṣie hlan, ewọ bo na sọ wleawuna aliho lọ to nukọn ṣie: podọ OKLUNỌ, mẹhe mì to dindinyì, na wá jẹ tẹmpli etọn mẹ ajiji; yèdọ wẹzangun alẹ́nù tọn lọ, mẹhe mẹ họmẹvivi mì te, dayi e go, é ja, wẹ OKLUNỌ awhànpa lẹ tọn dọ.

MATIU 3:3

Na ehe wẹ mẹhe yè dọhó etọn gbọn onú yẹwhegán Isaia tọn mẹ, dọmọ, Ogbè mẹde tọn to awhádo to zùngbo mẹ, Mì jla aliho Oklunọ tọn do, Mì hẹn mọji etọn lẹ jlọ.

LUKU 1:76

Mọwẹ podọ hiẹ, ovi, yẹwhegán Gigogan tọn wẹ yè na nọ ylọ we, Na hiẹ na jẹnukọnna Oklunọ nado jla ali etọn lẹ do:

JOHANU 1:20

Ẹwọ sọ yigbè, é ma mónu; ṣigba é yigbè dọ, Yẹn ma wẹ Klisti lọ gba

JOHANU 1:23

E dọmọ, Yẹn wẹ ogbè mẹhe tọn to awhádo to zùngbo mẹ, Mì basi ali Oklunọ tọn do titegbe, 1 dole yẹwhegán Isaia dọ do.

JOHANU 1:25

Yé kanbiọ ẹ, bo dọ hlan ẹn, dọ, Etẹwutu wẹ hiẹ to bibaptizi, eyín hiẹ ma yín Klisti lọ, kavi Eliya, kavi yẹwhegán nẹ?

JOHANU 1:27

mẹhe ja to godo siẹ, afọpakan mẹhetọn yẹn ma jẹ na tún.