JOHANU 3:2 - BIBLU WIWE LỌ 1923

² ewọ lọ wẹ wá Jesu de to ozán mẹ, bo dọ hlan ẹn, dọ, Labbi, mìwlẹ yónẹn dọ, mẹplóntọ sọn Jiwheyẹwhe de wá wẹ hiẹ: na mẹhe sọgan basi ohia he hiẹ to bibasi helẹ de ma tin, adavo Jiwheyẹwhe tin po e po.

JOHANU 3:2 Iomraidhean Croise

1 AHỌLU LẸ 17:24

Nawe lọ sọ dọ hlan Elija dọmọ, Yẹn yọnẹn lò dọ omẹ Jiwheyẹwhe tọn de wẹ hiẹ, podọ ohó OKLUNỌ tọn to onù towe mẹ nugbo wẹ.

ISAIA 51:7

Mì dotóaina mi, mì he yọ́n dódó lẹ, gbẹtọ ayiha mẹhetọn mẹ osẹ́n ṣie te; mì dibuna ovlẹ gbẹtọ le tọn blo, mì sọ hò aslan agbàgba yetọn pọ́n blo.

JẸLEMIA 38:16

Mowẹ Zẹdekia ahọlu whle to nuglọ hlan Jẹlemia, dọmọ, Le OKLUNỌ togbè, he basi alindọn he na mí, yẹn ma to na hù we, mọ yẹn ma to na jó we do alọ omẹ he to ogbè towe din helẹ tọn mẹ gba.

MATIU 22:16

le sọ do nuplọnto yetọn lẹ hlan, po Helodinu le po dọmọ, Mẹplọntọ, mìwlẹ yọn ẹn dọ nugbonọ wẹ hiẹ, hiẹ sọ nọ plón aliho Jiwheyẹwhe tọn omẹ to nugbo mẹ, bo ma nọ pọ́n mẹdepope nukunta: na hiẹ ma nọ hò gbẹto tọn pọ́n gba.

MATIU 23:7

Po núdọdomẹ po to ahi mẹ, podọ nado yín yiylọ to gbẹtọ lẹ de dọ, Labbi, Labbi.

MATIU 23:8

Ṣigba mìwlẹ yín yiylọ dọ Labbi blo: na omẹ dopo wẹ Mẹplọntọ mìtọn podọ mẹmẹsunnu wẹ mì omẹ pó.

MALKU 12:14

Whenuena yé wá, yé dọ hlan ẹn, do, Mẹplọntọ, mìwlẹ yonẹn dọ nugbonọ we hiẹ, mọwẹ hiẹ ma sọ dibuna mẹde; na hie ma hò nukunta mẹde tọn pọn, ṣigba hie to ali Jiwheyẹwhe tọn plónme to nugbo mẹ Be é jẹ na na tòkuẹ Sesali kavi lalá?

JOHANU 1:38

Whenenu wẹ Jesu légodo, bo mo yé to hihodo e, bo sọ dọ hlan yé, dọmọ, Etéwẹ mì to dindin? Yé dọ hlan ẹn, dọ, Labbi, (tadena ehe ton yín, Meplóntọ,) fie wẹ hiẹ nọnọ̀?

JOHANU 10:38

Ṣigba eyín yẹn basi yé, eyín mì ma yí mi se, mì bo yí azón lẹ se: na mì nido yọnẹn, bo sọ tunwun dọ, Otọ́ tin to yẹn mẹ, podọ yẹn to Otọ́ mẹ.

JOHANU 12:37

Ṣigba le é basi ohia susu mọ to yé nukon, yé ma yí i se gba:

JOHANU 14:10

Be hiẹ ma yise dọ yẹn tin to Otọ mẹ, podọ Otọ tin to yẹn mẹ? Ohó he yẹn dọ hlan mì lẹ, yẹn ma dọ sọn dẽ de gba; ṣigba Otọ́ he nọnọ̀ yẹn mẹ wẹ wà azón lẹ lọ.

JOHANU 15:24

Eyín yẹn ma ko wà to yé ṣẹnṣẹn azón he mẹde ma wà, yé ma do tindo ylando gba; ṣigba dinvie yé ko mọ, bo sọ gbẹwanna mi po Oto ṣie po.

JOHANU 2:11

Ehe wẹ ohia tintan he Jesú wà to Kana Galili tọn, bo dè gigo etọn do gbangba; nuplonto etọn le sọyí i sè.

JOHANU 20:16

Jesu dọ hlan ẹn, dọ, Malia. Ewọ sọ lé ede, bo dọ hlan ẹn, dọ, Labboni; ehe yín, Meplọntọ.

JOHANU 3:26

Yé wá Johanu de, bo dọ hlan ẹn, dọ, Labbi, mẹhe nọ hẹ we to Jọdani godo, mẹhe hiẹ dekunnuna, do ayi e go, ewọ lọ to bibaptizi, gbẹtọ lepo sọ to wiwá e de.

JOHANU 4:31

To osã vude nuplọntọ etọn lọ to vẹvẹ nẹ̃ dọmọ, Mẹplọntọ, dùnú.

JOHANU 5:36

Ṣigba yẹn tindo okunnude he klohú Johanu tọn, na azón he Otọ́ ṣie ko na mi nado dotana lẹ, azón lọsu lẹ he yen wà, tó kunnudena mi dọ, Otọ́ wẹ do mi hlan.

JOHANU 6:2

Gbẹtọ susu hodo e na ye mọ ohia etọn he é basi do yé he jẹazọngo lẹ wutu.

JOHANU 7:31

Ṣigba son agùndaho lọ mẹ susu yí i se, yé dọmọ, be whenuena Klisti lọ na wá é na basi ohia hú ehe dawe he ko basi le?

JOHANU 9:16

Enẹwutu medelẹ to Falesi lẹ mẹ dọmọ, Dawe he ma tin sọn Jiwheyẹwhe dé gba, na é ma yìn azán gbọje tọn wutu. Ṣigba mẹdevo lẹ dọmo, Nawe mehe yín ylandonọ dè sogan wà ohia helẹ hunkọ do? Kinklan sọ tin to yé ṣẹnṣẹn.

OWALỌ APỌSTELI LẸ TỌN 10:38

le Jiwheyẹwhe kọn Gbigbo Wiwe po huhlọn no do Jesu Nazaleti tọn ji do: mẹhe to dindanpé nado wàdagbe, podọ nado hẹnazọ̀ngbọna omẹ he yè tọ yasahẹ sọn lẹgba si wá lẹ; na Jiwheyẹwhe tin po e po.

OWALỌ APỌSTELI LẸ TỌN 2:22

Mì sè ohó helẹ, mì omẹ Islaeli tọn lẹ emi: Jesu Lazalẹti ton, dawe jlodè sọn Jiwheyẹwhe de hlan mì gbọn azón huhlọnnọ lẹ po nujawu lẹ po po ohia lẹ po dali, he Jiwheyẹwhe wà gbọn e dali to ṣẹnṣẹn mì tọn, yèdọ dile mìlosu yọnẹn do;

FILIPPINU LẸ 1:14

podo mẹmẹsunnu susu to Oklunọ mẹ wẹ do tugbigbo gbọn ogàn ṣie mẹ, yé sọ yí tugbigbo do to ohó lọ dọ talala madibu.

WHẸ̀DATỌ 6:27

Whenẹnu wẹ Gideoni yí sunnusi ao sọn mẹmẹsi etọn lẹ mẹ, bo wàdole OKLUNỌ ko dọhó hlan en do: é sọ wá jọ, na é dibusi whegbetọ otọ́ etọn tọn po omẹ tòdaho lọ lẹ tọn po wutu, sọ mọ dọ é ma sọgan wà ẹ to ókle, wẹ é dò wà ẹ to ozán mẹ.