JOHANU 3:16 - BIBLU WIWE LỌ 1923

¹⁶ Na Jiwheyẹwhe yíwánna aihọn sọmọ bọ e yí Ovi dètón etọn dopo ákan namẹ, na medepope he yí i sè ma nado dòn, sigba nido tindo ogbè madopodo

JOHANU 3:16 Iomraidhean Croise

Gẹnẹsisi 22:12

E sọ dọmọ, A zé alọ towe do ovi lọ ji blo, mọ a sọ wà núde do e blo: na dinvie wẹ yẹn yónẹn dọ hiẹ dibúsi Jiwheyẹwhe, na hiẹ ma whlẹn visunnu towe, visunnu towe dopo akàn lọ do mi wutu.

Gẹnẹsisi 22:2

E sọ dọmọ, Yí visunnu towe lò, yèdọ Isaki, visunnu towe dopo akàn lọ he hiẹ yíwánna, bo yì aigba Molia tọn ji; bo yí i do sànvó núnina mimé tọn de to finẹ to dopo osé lẹ tọn ji fietọn yẹn na dọ na we.

ISAIA 9:6

Na yè ji ovi de hlan mí, yè na ovisunnu de hlan mí; ahọludu na sọ tin to abọ́ etọn ji: yè na nọ ylọ oyín etọn dọ Jawu, Hónamẹtọ, Jiwheyẹwhe huhlọnnọ, Otọ madopodo, Ahọvi Jijọho tọn.

MATIU 9:13

Ṣigba mì yì, bo plón onú he ehe yín, Yẹn nọ jlo lẹblanu, é ma yín avọ́: na yẹn ma wá nado ylọ dódónọ lẹ gba, adavo ylandonọ lẹ.

MALKU 12:6

Ewọ tindo ovisunnu dopo, visunnu yiwanna de, é do e hlan yé gbọn godo, dọmọ, Yé na gbògbena ovisunnu ṣie.

LUKU 2:14

Gigo hlan Jiwheyẹwhe to olọn aga, Podọ jijọho to gbẹtọ mẹhe mẹ ewọ yín homẹhùnnọ te lẹ ṣẹnṣẹn.

JOHANU 1:14

Yè sọ lẹ Ohó lọ zùn agbasalan, é sọ nò mí ṣẹnṣẹn, mí pọ́n gigo etọn gigo he di Ovi dèton dopo akàn sọn Otọ́ de, mẹhe go na ojọmiọn po nugbo po.

JOHANU 1:18

Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.

JOHANU 1:29

To azán awetọ gbè, Johanu mọ Jesu ja e de, bo dọmọ, Pọ́n Lengbọvu Jiwheyẹwhe tọn, he zé ylando aihọn tọn yì.

JOHANU 10:28

yẹn sọ na ogbè madopodo hlan ye, yé ma na dòn gbede, mede ma so to na dọn ye sún son alọ ṣie mẹ.

JOHANU 3:15

na medepope he yise nido tindo ogbè madopodo to e me;

JOHANU 3:18

Mẹdepope he yí i se yè ma dawhẹna gba ewọ he ma yí i sè yè ko dawhè nẹ dai, na é ma yí oyín Ovi dètón dopo akan Jiwheyẹwhe ton lọ sè wutu.

JOHANU 3:36

Mẹhe yise to Ovi mẹ tindo ogbè madopodo: mẹhe ma yise to Ovi mẹ ma to na mọ ogbè; ṣigba homẹgble Jiwheyẹwhe tọn nọte to e ji.

JOHANU 6:40

Na ehe wè ojlo Otò ṣie tọn, dọ mẹdepope he mo Ovi, bo sọ yí i sè, nido tindo ogbè madopodo: yẹn nasọ fọ́n ẹn do ote to azán podo gbè.

LOMUNU LẸ 5:10

Na eyín, whenuena mí yin kẹ̀ntọ, yè gbọwhẹna mí hlan Jiwheyẹwhe gbọn oku Ovi etọn tọn mẹ, nẹmunẹmu, yínyín gbigbọwhẹna, mí na yín whinwhlẹn gbọn ogbè etọn dali.

LOMUNU LẸ 5:8

Ṣigba Jiwheyẹwhe dè owanyi etọn hia hlan mí dali, na, whenuena mí gbé to ylandonọ yin, Klisti kú na mí.

LOMUNU LẸ 8:32

Ewọ he ma hla Ovi etọn titi do ogbẹ̀, ṣigba bo jo e na mí omẹ pó wutu, na é ma na na onú popo mí vọnu hẹ ẹ ga do?

EFESUNU LẸ 2:4

Ṣigba Jiwheyẹwhe, he yín adọkunnọ to lẹblanu mẹ, gbọn owanyi daho etọn me ehe é do yiwanna mí,

2 TẸSALONIKANU LẸ 2:16

Dinvie na Jesu Klisti Oklunọ mítọn lọsu, po: Jiwheyẹwhe po, yèdọ Otọ mítọn lọ, mẹhe yiwanna mí, bo sọ yí homẹmimiọn madopodo po tódido dagbedagbe po na mí gbọn ojọmiọn mẹ,

TITU 3:4

Ṣigba ehegodo homẹdagbe po owanyi Jiwheyẹwhe Whlẹngantọ mítọn tọn po sọawúhia hlan gbẹtọ,

HEBLU LẸ 2:9

Ṣigba mìwlẹ mọ Jesu, mẹhe yè hẹn whè pẹvide hú angẹli lẹ, na yajiji okú tọn wutu yè yí gigo po yẹyí po do ṣinyọn ojẹgbakun nẹ; na gbọn ojọmiọn Jiwheyẹwhe tọn dali ewọ nidó dó okú pọn na gbẹtọ le dopodopo.

1 JOHANU 3:1

DO ayi e go, owanyi he hunkọ Otọ́ kòn do mí ji, dọ yè nido ylọ mí ovi Jiwheyẹwhe tọn lẹ: enẹwutu aihọn ma yọn mí, na é ma yọ́n ewọ wutu.

1 JOHANU 4:19

Mí yiwan nẹ, na ewọ whẹ́whẹ́ wẹ yiwanna mí wutu

OSỌHIA 1:5

sọn Jesu Klisti de, mẹhe yín kunnudetọ nugbonọ lọ, omẹ plọnji sọn osiọ lẹ mẹ, ahọvi ahọlu aigba tọn lẹ ton. Hlan ewọ he yiwanna mí, bo so yí ohùn etọn do klọ mí sọn ylando mítọn le me,