JOHANU 20:19 - BIBLU WIWE LỌ 1923

¹⁹ Enẹwutu whenuena é yín whèjai azán doponẹ tọn, azán tintan osè tọn, whenuena yè ko sú ohòn lẹ, to ofì he nuplọntọ lẹ pli do, ná osi Ju lẹ tọn wutu, Jesu wá, bo ṣite to yé ṣẹnṣẹn, bo dọ hlan yé, dọ, Jijọho ni tin hlan mì.

JOHANU 20:19 Iomraidhean Croise

PSALM 122:8

Na mẹmẹsunnu ṣie lẹ po ogbẹ́ ṣie lẹ po tọn wutu, Yẹn na dọ lò, dọ, Jijọho ni tin to ohò towẹ mẹ.

MATIU 10:13

Eyín owhé lọ sọ jẹ, na jijọho mìtọn ni jẹte do e ji: ṣigba eyín é ma jẹ, na jijọho mìtọn ni gòdo mì de.

MATIU 18:20

Na ofi he omẹ awe kavi atọ̀n bé yede pli dopọ to oyín ṣie mẹ te, yẹn tin to gblagbla yé tọn me to finẹ.

MALKU 16:14

To enegodo é sọ sọawúhia omẹ widopo lẹ, le yé jagla to núdùdù kọ̀n, é sọ wọhẹ yé na mayìse yetọn, po sinsinyẹn ayiha yetọn tọn po wutu, na yé ma yí mẹhe mọ en to ehegodo é fọ́n le se wutu.

JOHANU 14:27

Jijọho wẹ yẹn jo do mì de, jijoho ṣie wẹ yen na hlan mì: é ma yín le aihọn ko namẹ do wẹ yen na hlan mì do gba. Midike ayiha mìton yín tuklanọ blo, mì sọ dike é yín obunọ blo.

JOHANU 16:22

Enẹwutu mìwlẹ tindo awubla to dinvie; ṣigba yẹn nasọ vò mì mọ, ayiha mìtọn naso jaya, mede ma naso de ayaje mìtọn son mì de.

JOHANU 16:33

Onú helẹ wẹ yẹn ko nọ dọ hlan mì, na mì nido tindo jijọho to yẹn mẹ. To aihọn mẹ mì na tindo tukla: ṣigba mì dèji; yẹn ko gbawhàn aihọn tọn.

JOHANU 20:21

Enẹwutu Jesu sọ vò dọ hlan ye, dọ, Jijọho ni tin hlan mì: le Otọ́ do mi hlán, yèdọ mọ wẹ yẹn do mì hlan do.

JOHANU 20:26

To azán sinatòn godo, nuplọntọ etọn lẹ sọ vó tin to họmẹ, Tọmasi tin to yé de: Jesu wá, le ohòn lẹ to súsu, bo site to ṣẹnṣẹn, bo domọ, Jijọho ni tin hlan mì.

JOHANU 21:1

TO onú helẹ godo, Jesu sọ vò ede dohia hlan nuplọntọ lẹ to ohùtó Tibéliade tọn; le wẹ é do ede hia gbọn.

JOHANU 21:14

Ehe dinvie wẹ whlatòntọ bo Jesu do ede hia hlan nuplọntọ lẹ, to godo he é fọ́n sọn osiọ lẹ mẹ.

JOHANU 7:13

Ṣigba mẹde ma dọhó etọn gbangba, na osi Ju lẹ tọn wutu.

OWALỌ APỌSTELI LẸ TỌN 1:3

mẹhe e do ede hia hlan ga to ogbè to oyaji etọn godo gbọn ohia nugbo susu dali, bo to awusohia hlan yé kaka azán kande, bo sọ tọ ohó onú he gbọn ahọludu Jiwheyẹwhe tọn dali lẹ tọn dọ:

LOMUNU LẸ 15:33

Na Jiwheyẹwhe jijọho tọn ni nọ̀ hẹ mì omẹ pó. Niṣẹ.

1 KỌLINTINU LẸ 15:5

podọ yè mọ ẹn to Kefa de, podọ whenẹnu to omẹ wiawe lẹ de:

EFESUNU LẸ 2:14

Na ewọ wẹ jijọho mítọn, mẹhe basi awe lẹ do dopo, bo sọ hó adó he yè do gbohè nẹ to ṣẹnṣẹn;

EFESUNU LẸ 6:23

Jijọho ni tin hlan mẹmẹsunnu le, owanyi po yise po, sọn Jiwheyẹwhe Otọ́ de, podọ sọn Klisti Oklunọ de.

FILIPPINU LẸ 1:2

Ojọmiọn po jijọho po hlan mì, sọn Jiwheyẹwhe Otọ́ mítọn de, podọ sọn Jesu Klisti Oklunọ de.

2 TẸSALONIKANU LẸ 3:16

Be na Oklunọ jijọho tọn lọsu ni na jijọho mì whepoponu to onú popo mẹ. Na Oklunọ ni tin tó mì mẹpo de.

HEBLU LẸ 7:2

mẹhe Ablaham yí vlọndao ọnú popo tọn hlan; gbọn yínkọdena dali whẹ, Ahọlu dodo tọn, podọ to godome ga, Ahọlu Salem tọn, he basi Ahọlu jijọho tọn;

3 JOHANU 1:14

ṣigba yẹn to tódo dọ yẹn na mọ we zàndevie, mí nasọ dọhó na nukun mọ nukun. Jijọho tin hlan we. Họntọn lẹ dọnúdo we. Dọnúdo họ́ntọn lẹ yínkọyínkọ mẹ.

OSỌHIA 1:4

JOHANU hlan agùn ṣinawe he tin to Asia lẹ: Ojomiọn po jijọho po hlan mì sọn e de wa mehe tin, bo ko tin, bo sọ ja; podọ son Gbigbọ ṣinawe he tin to ofìn etọn nukon lẹ de;