JOHANU 2:25 - BIBLU WIWE LỌ 1923

²⁵ Podọ é ma yín núwhèdonọ dọ omẹ de na do dekunnu gbọn gbẹtọ tọn dali wutu: hà ewọ lọsu yọn nuhe tin to gbẹtọ homẹ.

JOHANU 2:25 Iomraidhean Croise

1 AHỌLU LẸ 8:39

Whenẹnu hiẹ ni sè to olọn otẹn fininọ̀ towe mẹ, bo jona, bo wà, bo gọ́ do omẹ dopodopo de kẹdẹdi aliho etọn lẹ, ayiha mẹhetọn hiẹ yọnẹn; (na hiẹ, yèdọ hiẹ sókẹdẹ, wẹ yọ́n ayiha ovi gbẹtọ lẹ tọn lẹpo tọn;)

ISAIA 11:3

Bo na yí i do basi zìnzìn to osí OKLUNỌ tọn mẹ: é ma to na dawhẹ̀ di le nukunmẹ etọn te, mọ é ma na dawhẹ̀ di sisè otó etọn tọn.

MATIU 9:4

Jesu sọ yón linlẹn yetọn, é dọmọ, Etẹwutu wẹ mìwlẹ to oylan lẹn to ayiha mìtọn mẹ?

JOHANU 1:42

E so hẹn ẹn wá Jesu de. Whenuena Jesu pọ́n ẹn, é dọmọ, Hiẹ wẹ Simọni ovisunnu Johànu tọn, Kéfa we yè na nọ ylọwe dọ, (tadena ehe tọn yín, Osé).

JOHANU 1:47

Jesu mọ Natanaeli ja e de, é dọ gbon etọn dali, dọ, Pọ́n Islaelinu nugbo, mẹhe mẹ oblu ma tin te!

JOHANU 13:11

Na é ko yón mẹhe na dò e hia; enẹwutu we é dọmọ, Mì ome pó ma wẹ we gba.

JOHANU 6:61

Ṣigba Jesu yinyonẹn to ede homẹ, dọ nuplọntọ etọn lẹ to hunhlun do ehe go, dọ hlan yé, dọ, Ehe hẹn mì nado dahli we?

JOHANU 6:64

Ṣigba medelẹ tin to mì me, he ma yise. Na Jesu yonẹn sọn whéwhéwhenu mehe hunkọ yé yín he ma yise lẹ, podọ mẹnu wẹ mẹhe na dè e hia yín.

Deutelonomi 31:21

E nasọ wá jọ, whenuena yè hẹn oylan lẹ po tukla lẹ po wá yé ji, wẹ ohàn he na to Kunnude to yé nukọn di kunnudetọ de; na é ma na yín winwọn sọn onù okún yetọn lẹ lọ tọn mẹ gba: na yẹn yọ́n aṣavakinkan yetọn he yé yìyì hodo, yèdọ to dinvie whẹpo yẹn ko do hẹn yé jẹ aigba he yẹn whle lọ ji