JOHANU 17:25 - BIBLU WIWE LỌ 1923

²⁵ Otọ́ dodónọ È, aihọn ma yon we: ṣigba yẹn yón we, ehelẹ sọ yonen do hiẹ wẹ do mi hlan.

JOHANU 17:25 Iomraidhean Croise

ISAIA 45:21

Mì dọ na mì, bo sọ hẹn yé sẹ́wá; nugbo, yé ni lẹn dopọ; mẹnu wẹ do ehe hia sọn hóhó whenu? mẹnu wẹ ko dọ ẹ sọn ojlẹ lọ mẹ gbọn? bé é ma yín yẹn OKLUNỌ wẹ? Jiwheyẹwhe devo ma tin gọ́na mi: Jiwheyẹwhe dódónọ podọ Whlẹngántọ de; mẹdevo ma tin gọ́na mi.

MATIU 11:27

Onú lepo wẹ yè yí na mi sọn Otọ́ ṣie de: mẹde ma sọ tunwun Ovi, adavo Oto mọ mẹde ma sọ tunwun Otọ́, adavo Ovi, podọ medepope he Ovi jlo nado so e hia na.

MATIU 16:16

Simoni Pita gblọn bo dọmọ, Hiẹ wẹ Klisti lọ, Ovi Jiwheyẹwhe ogbènọ tọn

LUKU 10:22

Onú lẹpo wẹ yè jo hlan mi sọn Otọ́ ṣie de: mẹde ma sọ yón mẹhe Ovi yín, adavo Otọ́; podọ mẹhe Otọ́ yín, adavo Ovi, podọ mẹhe jlo é, é yí i hia Han.

JOHANU 1:18

Mẹde ma mọ Jiwheyẹwhe gbède; Ovi dètón dopo akàn lọ, he ko tin to akọnnu Ọtọ ton, ewọ lọ wẹ do e hia.

JOHANU 10:15

Yèdọ dile Otọ́ yón mi do, bọ yẹn sọ yón Otọ́: yẹn zé ogbé ṣie liai na lẹngbọ le.

JOHANU 15:21

Ṣigba onú helẹ pó wẹ yé na wà do mì na oyín ṣie tọn wutu, na yé ma yón ewọ he do mi hlan wutu.

JOHANU 16:27

na Otò lọsu yiwanna mì, na mìwlẹ yiwanna mi wutu, bo ko sọ yise do Jiwheyẹwhe de we yẹn sọn wa.

JOHANU 16:3

Onu hélẹ pó wẹ ye na wa, na ye ma yon Oto, yé ma sọ yọn mi wutu.

JOHANU 16:30

Dinvie wẹ mí yọnen dọ hie yòn onú popo, bo ma sọ tinnúwhèdo dọ mẹde ni kàn onú de biọ we: gbon ehe mẹ wẹ mìwlẹ yise dọ Jiwheyẹwhe de we hiẹ sọn wá.

JOHANU 17:11

Dinvie yẹn ma sọ tin to aihọn mẹ ba, ṣigba ehelẹ tin to aihọn mẹ, yen sọ ja de we. Oto Wiwe, whlá yé he hiẹ na mi lẹ to oyín dewe tọn mẹ, na yé ni yín dopo, yèdọ dile mìwlẹ te.

JOHANU 17:18

Dile hiẹ do mi hlan aihọn mẹ; yèdọ mọwẹ yẹn do yé hlan aihọn mẹ.

JOHANU 17:21

na yé omẹ pó nido yin dopo; yèdọ dile hiẹ, Otọ́, te to yẹn mẹ, bo yẹn tọ hie mẹ, na yewle ga nido yín dopo to mìwlẹ mẹ: na aihọn nido yise dọ hiẹ wẹ do mi hlan.

JOHANU 17:23

Yen to yé mẹ, podọ hie to yen mẹ; na yè nido hẹn ye yín pipe to dopo mẹ; na aihọn nido yọnen dọ hie we do mi hlan, bo sọ yìwanna yé, yedo dile hiẹ yiwanna mi do.

JOHANU 17:3

Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti.

JOHANU 17:8

Ná ohó he hiẹ na mi lẹpo wẹ yẹn ko na hlan yé; yé ko yí yé, bo sọ yọnẹn hézéhezé do, de we we yẹn sọn wá, yé ko sọ yise dọ hiẹ wẹ do mi hlan

JOHANU 3:17

Na; Jiwheyẹwhe ma do Ovi hlan aihọn mẹ nado dawhèna aihon gba: ṣigba na yè nido gbon ewọ me whlẹn aihọn gán.

JOHANU 6:19

Enẹwutu whenuena yé kùnhun yì o jlẹ stade koatọ́n, kavi ogban hunkọ, yé mọ Jesu to zọnlinzin to ohù ji, bo sọ sẹpọ vàtlẹ lọ: obú sọ di yé.

JOHANU 7:29

Ṣigba yẹn yón en: na e de wẹ yẹn sọn, ewọ wẹ so do mi hlan.

JOHANU 8:19

Enẹwutu wẹ yé dọ hlan ẹn, dọ, Fie wẹ Otọ́ towe te? Jesu gblọn dọmọ, Mì ma yón mi, mì ma sọ yón Otọ́ ṣie: eyín mì ko yón mi, mì na ko yón Otọ́ ṣie ga.

JOHANU 8:55

Mìwlẹ ma yọ́n ẹn; ṣigba yẹn yọn ẹn: eyín yẹn dọ, Yẹn ma yón ẹn, yen na tin jijlẹ do mìwlẹ go, lalonọ de: ṣigba yẹn yọn en, bo sọ yí ohó etọn hẹn.

OWALỌ APỌSTELI LẸ TỌN 17:23

Na le yẹn juwajei bo sọ pọ́n nudoai sinsẹ́n mìtọn tọn lẹ, yen mọ agbà de ga po wéwinwlan he po, HLAN JIWHEYẸWHE MAYỌNẸN de. Enẹwutu mẹhe mì to sinsẹ̀n to wunvi mẹ, ewọ lọ wẹ yẹn to lila hlan mì.

OWALỌ APỌSTELI LẸ TỌN 26:18

Nado hùn nukunna yé, nado lẹ́ yé sọn zinvlu mẹ do hinhọ́n mẹ, podọ sọn huhlọn Satani tọn mẹ do Jiwheyẹwhe de, na yé nido mọ ojona ylando tọn yí, po ogúigba po hẹ omẹ he yè hen zùn wiwe lẹ gbọn yise he tin to yen mẹ dali.

LOMUNU LẸ 1:28

Podọ le yé ma jlo nado tindo Jiwheyẹwhe tó oyọnẹn yetọn mẹ, Jiwheyẹwhe jo yé hlan ayiha gbigbé de, nado wà onú he ma jẹ nẹlẹ.

LOMUNU LẸ 3:11

Omẹ de ma tin he tunwun, Ome de ma tin he to Jiwheyẹwhe din

LOMUNU LẸ 3:26

na didohia lọ, yen dọ, dódó eton tọn, to ojlẹ he mẹ; na ewo nido yín dódónọ podọ whẹsùtọ omẹ hẹ yí Jesu se tọn.

1 KỌLINTINU LẸ 1:21

Na mimọ dọ to nuyọnẹn Jiwheyẹwhe tọn mẹ aihọn gbọn nuyọnẹn etọn mẹ ma yón Jiwheyẹwhe gba, é yín homẹhùnnú Jiwheyẹwhe tọn dagbe gbọn onulu yẹwhehodidọ tọn mẹ nado whlẹn yé he yise lẹ gán.

1 KỌLINTINU LẸ 15:34

Mi ton hlan dódo, mì waylando blo: na mẹdele ma tindo oyọnẹn Jiwheyẹwhe tọn: yen dọ ehe hlan winyan mìtọn.

2 KỌLINTINU LẸ 4:4

mẹhe mẹ yẹwhe owhenu he tọn ko tọnnukunna nuyọnẹn omẹ he ma yise lẹ tọn, na hinhọ́n wẹndagbe gigonọ Klisti tọn tọn, mẹhe yín apajlẹ Jiwheyẹwhe tọn, ma na do hónun hlan yé.

2 TẸSALONIKANU LẸ 1:8

mẹhe to ahọsuyì to yé he ma yón Jiwheyẹwhe lẹ go, podọ yé he ma setónuna wẹndagbe Jesu Klisti Oklunọ mítọn tọn lẹ, to miyọn he to jiji mẹ:

HEBLU LẸ 8:11

Yé ma sọ to na plónmẹ omẹ dopodopo okọmenu etọn, Kavi omẹ dopodopo mẹmẹsunnu etọn, dọmọ, Yón Oklunọ; Na yé ome po wẹ na yọn mi, Sọn yọ̀pọ jẹ mẹho.

1 JOHANU 1:9

Eyín mí yígbe ylando mítọn lẹ tọn, nugbonọ, dódónọ wẹ ewọ nado jo ylando mìtọn lẹ na mí, podọ nado kló mí sọn mawadódó lẹpo mẹ.

OSỌHIA 13:8

Podọ yé he tin to aigba go lẹpo na nọ sèn ẹn, oyín mẹhetọn yè ma wlan do ogbè owé Lẹngbọvu lọ ton mẹ lẹ, he ye ko hù sọn whenu aihọn ko jọ.

OSỌHIA 16:5

Yẹn sọ sè angẹli osìn lẹ lọ tọn dọmọ, Dódónọ wẹ hie, Dopo, hetin, bo ko tin, hiẹ Mẹwiwe lọ, na hiẹ dawhè dole wutu.