JOHANU 17:21 - BIBLU WIWE LỌ 1923

²¹ na yé omẹ pó nido yin dopo; yèdọ dile hiẹ, Otọ́, te to yẹn mẹ, bo yẹn tọ hie mẹ, na yewle ga nido yín dopo to mìwlẹ mẹ: na aihọn nido yise dọ hiẹ wẹ do mi hlan.

JOHANU 17:21 Iomraidhean Croise

JẸLEMIA 32:39

yẹn na sọ na ayiha dopo yé po aliho dopo po, na yé nido nọ dibusi mì kakadoi; na dagbe yé tọn po ovi yetọn lẹ tọn po to yé godo:

ZẸFANIA 3:9

Na whenenu wẹ yẹn na lé nùflo wiwe de hlan gbẹtọ lẹ, na yé mẹpó nido no dawhá ylọ oyín OKLUNỌ tọn, nado nọ sẹn ẹn po abó dopo po.

ZEKALIA 14:9

OKLUNỌ bo na sọ yín ahọlu to aigba lẹpo ta: to azán nẹ mẹ wẹ OKLUNỌ na yin dopo, podọ oyin etọn dopo

MALKU 3:24

Podọ eyín ahọludu de yín kinklan do ede go, ahọludu nẹ ma na sọgan nọte.

JOHANU 10:16

Podọ yen sọ tindo lẹngbọ devo he ma yín apó he mẹ tọn: ye wẹ yẹn ma sọgan nọ ma hẹn wá ga, yé nasọ sè ogbè ṣie; apó dopo wẹ é na yín, lẹngbọhọtọ dopo.

JOHANU 10:30

Dopo wẹ yẹn po Otọ́ po.

JOHANU 10:38

Ṣigba eyín yẹn basi yé, eyín mì ma yí mi se, mì bo yí azón lẹ se: na mì nido yọnẹn, bo sọ tunwun dọ, Otọ́ tin to yẹn mẹ, podọ yẹn to Otọ́ mẹ.

JOHANU 11:42

Yen sọ yọnẹn dọ hie nọ sè ṣie whepoponu; ṣigba na agùndaho he site lédo lọ ton wutu wẹ yen dọ ẹ, na yé nidò yise dọ, hiẹ we do mi hlan.

JOHANU 13:32

Jiwheyẹwhe na pagigona ewọ to edelọsu me, bo nasọ pagigo nẹ̃ to afọdoponeji.

JOHANU 13:35

Gbọn ehe dali wẹ gbẹtọ lẹpo na yọnen dọ nuplọntọ ṣie wẹ mì, eyín mìwlẹ tindo owanyi hlan minọzo.

JOHANU 17:11

Dinvie yẹn ma sọ tin to aihọn mẹ ba, ṣigba ehelẹ tin to aihọn mẹ, yen sọ ja de we. Oto Wiwe, whlá yé he hiẹ na mi lẹ to oyín dewe tọn mẹ, na yé ni yín dopo, yèdọ dile mìwlẹ te.

JOHANU 17:18

Dile hiẹ do mi hlan aihọn mẹ; yèdọ mọwẹ yẹn do yé hlan aihọn mẹ.

JOHANU 17:20

Yẹn ma sọ hodè na ehelẹ kẹdẹ gba, ṣigba na yé ga he na yí mi se gbọn ohó yetọn mẹ lẹ;

JOHANU 17:25

Otọ́ dodónọ È, aihọn ma yon we: ṣigba yẹn yón we, ehelẹ sọ yonen do hiẹ wẹ do mi hlan.

JOHANU 17:3

Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti.

JOHANU 17:8

Ná ohó he hiẹ na mi lẹpo wẹ yẹn ko na hlan yé; yé ko yí yé, bo sọ yọnẹn hézéhezé do, de we we yẹn sọn wá, yé ko sọ yise dọ hiẹ wẹ do mi hlan

JOHANU 3:17

Na; Jiwheyẹwhe ma do Ovi hlan aihọn mẹ nado dawhèna aihon gba: ṣigba na yè nido gbon ewọ me whlẹn aihọn gán.

JOHANU 5:23

na omẹ pó nido na yẹyi Ovi, kededile yé to yẹyi na Otọ́ do. Mẹdepope he ma na yẹyi Ovi, é ma na yẹyi Oto mẹhe do e hlan.

OWALỌ APỌSTELI LẸ TỌN 2:46

Yé sọ yí ayiha dopo do nọte gbepogbe to templi me, podọ to kinkan akla mẹ sọn owhe de gbè jẹ owhe de gbè, yé sọ to homehùnhùn po ayiha dopo po yí do to núdùdù yetọn dù,

OWALỌ APỌSTELI LẸ TỌN 4:32

Agùn mehe yise lẹ tọn sọ tin to ayiha dopo mẹ podọ to gbigbọ dopo mẹ: omẹ depope to yé mẹ ma dọ do onú he é tindo yín etọn titi; ṣigba yé tindo onu lẹpo do zẹnzẹn.

LOMUNU LẸ 12:5

mọwẹ mìwlẹ, he sù, yín agbasa dopo to Klisti mẹ, omẹ dopodopo sọ yín awutugonu dopo awetọ etọn tọn.

1 KỌLINTINU LẸ 1:10

Yen vè mì, mẹmẹsunnu emi, gbọn oyín Jesu Klisti Oklunọ mítọn tọn mẹ, dọ mì omẹ póni nọ dọ onú dopolọ, podọ kinklan de tin to mì ṣẹnṣẹn blo; ṣigba dọ yè ni yí gbèsisọ do kòn mì dopọ to ayiha dopolọ mẹ podọ to linlen dopolọ me.

1 KỌLINTINU LẸ 12:12

Na le agbasa yín dopo bo sọ tindo awutugonu susu, bọ awutugonu agbasa dopo lọ tọn lẹpo, he sù, yín agbasa dopo: mọ wẹ Klisti te ga.

1 KỌLINTINU LẸ 6:17

Ṣigba ewọ he yè kòndopọ hlan Oklunọ yin gbigbọ dopo.

GALATIANU LẸ 3:28

Mẹde ma tin bo yín Ju kavi Gleki, mẹde ma tin bo yín mẹmẹglọ kavi mẹmẹdekannu, mẹde ma tin bo yín sunnu, kavi yọnnu, na omẹ dopo we mì mẹpo to Klisti Jesu mẹ.

FILIPPINU LẸ 1:27

Kiki mì gbọ owalọ mìtọn ni nọ le e jẹ na wẹndagbe Klisti tọn do: dọ, eyín yẹn wá pọn mi, kavi eyín yẹn ma tin to mì de, na yẹn ni nọ sè le mi to onú wà do, dọ mì nọte gligli to gbigbọ dopo mẹ, bo sọ nopọ do to awhànfùn na yise wẹndagbe tọn wutu;

1 JOHANU 1:3

Ene he mìwlẹ ko mọ bọ sọ sè, wẹ mí to lila hlan mi, na mìwlẹ ga nido tindo kọndopọ po mí po: nugbo, kọndopọ mítọn tin po Otọ́ po, po Jesu Klisti Ovi etọn po.

1 JOHANU 5:7

Na omẹ atọn wẹ to kunnude to olọn mẹ, Otọ́, Ohó, po Gbigbọ Wiwe po: omẹ atọ̀n helẹ sọ basi dopo.