JOHANU 16:5 - BIBLU WIWE LỌ 1923

⁵ Ṣigba dinvie yẹn jei ewọ he do mi hlan de; medepope ma sọ kanbio mi to mì me dọ, Fie we hie jei?

JOHANU 16:5 Iomraidhean Croise

JOHANU 13:3

le Jesu yọnẹn dọ Otọ́ ko yí onú popo do alọ etọn mẹ, podọ Jiwheyẹwhe de wẹ é jẹgbonu sọn wá, bo sọ jei Jiwheyẹwhe de;

JOHANU 13:36

Simọni Pita dọ hlan ẹn, dọ, Fie wẹ hiẹ jei, Oklunọ? Jesu sọ gblọn dọmọ, Fie yẹn jei, hie ma sọgan hodo mi to dinvie gba; ṣigba hiẹ na hodo to godo.

JOHANU 14:28

Mì sè le yẹn dọ hlan mì, dọ, Yẹn jei, bo sọ vó gọja mì de. Eyín mì yiwanna mi, mì do ko jaya, na yẹn jei Oto de wutu: na Oto yín kiklo hú mi.

JOHANU 16:10

dodó tọn, na yẹn jei Otò ṣie de, bọ mì ma na mọ mi ba wutu;

JOHANU 16:16

Whenu vude, mìwlẹ ma na mọ mi ba: podo whenu vude, mi naso mọ mi, na yẹn jei Otò de wutu.

JOHANU 16:17

Enẹwutu omẹ delẹ to nuplọntọ etọn lẹ mẹ dọ to yéde ṣẹnṣẹn, dọ, Etẹwẹ ehe é dọ hlan mí he, Whenu vude, mì ma na mọ mi ba; podọ, whenu vude, mì naso mọ mi: podọ, Yẹn jei Otò de wutu?

JOHANU 16:28

Yen tọ́njegbonu sọn Oto de wá, bo wá aihọn mẹ: yẹn sọ jo aihọn do, bo sọ jei Otò de.

JOHANU 17:13

Dinvie yẹn ja de we; onú hele wẹ yẹn dọ to aihọn mẹ, na yé nido tindo ayajijẹ ṣie to gigọ́ mẹ to yéde mẹ.

JOHANU 17:4

Yẹn ko pagigona we to aihọn mẹ; yẹn ko dotana azọn he hiẹ na mi nado wà lọ.

JOHANU 6:62

Be etẹwẹ eyín mì mọ bọ Ovi gbẹtọ tọn hẹji jei ofì he é sọn wá?

JOHANU 7:33

Enẹwutu wẹ Jesu dọ hlan yé, dọmọ, Whenu vude dogó wẹ yẹn tin to mì de, yẹn bo na yì mẹhe do mi hlan de.

HEBLU LẸ 1:3

mẹhe yín hinhọ́n gigo etọn tọn, podọ ojlẹmọ dodo odohia etọn tọn, bọ é sọ yí ohó huhlọn etọn tọn do hẹn onú lẹpo go, whenuena ewlọsu ko lẹ́ ylando mítọn lẹ sè, bo sọ sinai to adusilọ yẹyi Ganhunupo tọn ji to aga;

HEBLU LẸ 12:2

bo nọ pọ́n hlan Jesu he yín dòdó po opòdo yise mìton tọn po, mehe na ayajẹ he ye zé do nukọn eton wutu é doakọ́nna satin lọ, ma hò winyan lọ pòn, bo sọ sinai to adusilọ ofìn Jiwheyẹwhe tọn ji.