JOHANU 16:32 - BIBLU WIWE LỌ 1923

³² Do ayi e go, ojlẹ lọ ja, mọwẹ é wá to dinvie, dọ yè na vúnvún mì pé, dopodopo mìtọn do onú ede tọn kòn, bo nasọ jo yen dopo dai: gãnṣo é ma yín yen dopo gba, na Otò tin to dẽ wutu.

JOHANU 16:32 Iomraidhean Croise

ZEKALIA 13:7

Ohi È, fọ́n, do lẹngbọhótọ ṣie ji, podọ do omẹ he yín ohatọ ṣie lọ ji, wẹ OKLUNỌ awhànpa lẹ tọn dọ: ho lẹngbọhótọ lo, lẹngbọ lẹ bo na sọ yín vúnvunvúnvún; yẹn bo na sọ diọ alọ ṣie do omẹ finfin lẹ ji.

MATIU 26:31

Whenẹnu wẹ Jesu dọ hlan ye, dọmọ, Mì omẹ pó wẹ Yè na hẹn dahli to yẹn mẹ to ozán he mẹ: na yè wlanwe dọ, 1 Yen na linu lẹngbọhọtọ, lẹngbọ lẹngbọpa tọn lẹ nasọ gbapé

MATIU 26:56

Ṣigba onú helẹ pó jọ, na yè nido hẹn Owé wiwe yewhegán lẹ tọn di. Whenẹnu wẹ nuplọntọ lẹpo jo e dai, bo hòn yì.

MALKU 14:27

Jesu sọ do hlan yé, dọmọ, Mì omẹ pó wẹ yè na hẹn dahli to ogo e to ozán he mẹ: na yè kanwe dọ, Yẹn na linu lẹngbọhọtọ, yè nasọ gbà lẹngbọ lẹ kija

MALKU 14:50

Yé omẹ pó sọ jo e dai, bo hòn yì.

JOHANU 12:23

Jesu sọ gblọnna yé dọ, Ojle lọ wá, na yè nido pagigona Ovi Gbètọ tọn.

JOHANU 16:2

Ye na dè mì sọn sinagogu lẹ me: mọwẹ ojlẹ lọ ja, whenuena mẹdepope he hù mì, na lẹn dọ é to sinsẹ̀n basi hlan Jiwheyẹwhe

JOHANU 16:25

Onú helẹ we yen ko nọ dọ hlan mì to oló le mẹ: ṣigba ojlẹ lọ wá, whenuena yen ma na dohó to oló mẹ hlan mì ba, ṣigba yen na dọ Otọ́ tọn na mì gbangba

JOHANU 16:31

Jesu sọ gblọnna yé, dọ, Be mìwlẹ yise to dinvie?

JOHANU 19:27

Whenẹnu wẹ é sọ dọ hlan nuplọntọ lọ, dọ, Pọ́n onọ towe. Sọn ojlẹ nẹ mẹ wẹ nuplọntọ lọ ko plan ẹn yì owhé ede tọn gbè.

JOHANU 20:10

Mowẹ nuplọntọ lẹ lọ yì owhé yetọn titi gbè.

JOHANU 4:21

Jesu sọ dọ hlan ẹn, dọ, Nawe, yí mi sè, ojlẹ lọ ja, whenuena é ma na yín osé he ji, kavi Jelusalẹm mẹ wẹ mi nasọ nọ sèn Otọ́ gba.

JOHANU 4:23

Ṣigba ojlẹ lo ja, dinvie sọ we, whenuena sinsèntọ nugbonọ lẹ na sèn Otọ́ to Gbigbọ po nugbo po mẹ: na nugbo memọnkọ wẹ Otọ́ to dindin nado yín sinsèntọ etọn lẹ.

JOHANU 5:25

Nugbo, nugbo, wẹ yẹn dọ hlan mì, Ojlẹ lọ ja, dinvie sọ wẹ, whenuena osiọ lẹ na sè ogbè Ovi Jiwheyẹwhe tọn tọn: mẹhe sọ sè lẹ na tin to ogbẹ,

JOHANU 5:28

Avò vò mì na ehe wutu blo: na ojlẹ lọ ja, to ehe mẹ omẹ he tin to yòdo mẹ lẹpo na sè ogbè etọn,

JOHANU 8:16

Mọwẹ eyín yẹn dawhé, nugbo wẹ whẹ̀dida ṣie: na yẹn ma tin to dopo, ṣigba yẹn po Otọ́ he do mi hlan po.

JOHANU 8:29

Ewọ mẹhe do mi hlan tin to dẽ: Otọ́ lọ ma jo yẹn dopo do gba; na yẹn to onú he yín homẹhun hlan ẹn lẹ wà to whepoponu.

OWALỌ APỌSTELI LẸ TỌN 21:6

Whenuena mí dọ é zùngbede na minọzo, mí biọ vàtlẹ lọ mẹ; yewlẹ sọ lé gò yì owhé.

OWALỌ APỌSTELI LẸ TỌN 8:1

Saulu sọ doalọ to oku eton me Whenẹnu wẹ homẹkẹn daho de tin do agùn he tin to Jelusalẹm ji; yè sọ vúnvún yé omẹ pó pé Jude po Samalia po dali, adavo apọsteli lẹ kẹdẹ.