JOHANU 15:8 - BIBLU WIWE LỌ 1923

⁸ To ehe mẹ wẹ yè pagigona Otọ́ ṣie te dọ, mì ni hen sinsẹn susu; mowe miwlẹ nasọ yín nuplontọ ṣie.

JOHANU 15:8 Iomraidhean Croise

ISAIA 60:21

Omẹ towe lẹpo na yín dódónọ: yé na dugú aigba lọ tọn kakadoi, alà núdido ṣie tọn, azọ́n alọ ṣie tọn, na yè nido pàgigona mi.

ISAIA 61:3

Nado dè na yé he to awubla to Ziọni lẹ, nado na aṣọdonu yé do afín tẹnmẹ, amì ayajijẹ tọn do awubla tẹnmẹ, avọ̀ pipa tọn do gbigbọ nukunbibia tọn tẹnmẹ; na yè nido ylọ yé dọ, atin dódó tọn, núdido OKLUNỌ tọn, dọ yè nido pàgigo nẹ̀.

HAGAI 1:8

Mì hẹji yì jẹ otò okọta mẹ, bo hẹn atin wá, bọ dó ohọ̀ lọ; yẹn bo na sọ yí homẹhùn to e mẹ, yè bo na sọ pagigona mi, wẹ OKLUNỌ dọ.

MATIU 5:16

Mọkẹdẹ wẹ mì ni gbọ hinhọ́n mìtọn ni họ́nwun to gbẹtọ lẹ nukọn do, na ye nido mọ azọ́n dagbe mìtọn lẹ bo pagigona Otọ́ mìtọn he tin to olọn mẹ.

MATIU 5:44

Ṣigba yẹn dọ hlan mì, Mì yíwánna kẹ̀ntọ mìton lẹ, bo sọ hodè na mẹhe to vivlẹ mì kò, bo sọ to homẹkẹn do mí lẹ

MATIU 9:8

Ṣigba whenuena agùndaho lẹ mọ ẹn, obú di yé, yé sọ pagigona Jiwheyẹwhe, he na aṣẹ he hunkọ hlan gbẹtọ lẹ.

LUKU 6:35

Ṣigba mì ni yiwanna kẹ̀ntọ mìtọn lẹ, bo nọ wà dagbe na yé, bo nọ yànnamẹ madosisi mede tọn; ale mìtọn na sọ yín daho, podọ mì na sọ yín visunnu Gigogan tọn lẹ: na ewọ yín dagbenọ hlan mayọndagbenọ po mẹylankan po.

JOHANU 13:35

Gbọn ehe dali wẹ gbẹtọ lẹpo na yọnen dọ nuplọntọ ṣie wẹ mì, eyín mìwlẹ tindo owanyi hlan minọzo.

JOHANU 15:5

Yẹn wẹ ovẹntin lọ, mìwlẹ wẹ alà lẹ: ewọ he nọnọ̀ yẹn me, podọ yẹn to ewo me, dopolọ wẹ hẹn sinsẹ́n susu: na jijẹla sọn dè mìwlẹ ma sọgan wà núde

JOHANU 8:31

Enẹwutu wẹ Jesu dọ hlan Ju he yise nẹlẹ, dọ, Eyín mìwlẹ nọte to ohó ṣie me, whenẹnu mìwlẹ yin nuplọntọ ṣie nugbo;

1 KỌLINTINU LẸ 10:31

Enẹwutu eyín mì to dùdù, kavi eyín mì to nùnù, kavi nudepope mì to wiwà, mì nọ wà popo hlan gigo Jiwheyẹwhe tọn.

1 KỌLINTINU LẸ 6:20

Na yè ko yí akuẹ sọha de do hò mì: enẹwutu mì nọ pagigona Jiwheyẹwhe to agbasa mìtọn mẹ, podọ to gbigbọ mìtọn mẹ, ehe yín Jiwheyẹwhe tọn lẹ.

FILIPPINU LẸ 1:11

na le mì gó na sinsẹ́n dódo tọn, he gbọn Jesu Klisti mẹ, hlán gigo po pipa Jiwheyẹwhe tọn po.

TITU 2:10

he ma nọ do dódó dagbe lẹpo hia; na yé nido doasọna oplón Jiwheyẹwhe Whlẹngantọ mítọn tọn to onú popo mẹ.

TITU 2:5

nado yín nuyọnentọ, wéwénọ, nado yín owhẹ́ gbè nọtọ, mẹdagbe, he litaina asú yetọn titi lẹ, na ohó Jiwheyẹwhe tọn ma na do yín nùzandogona.

1 PITA 2:12

na owalọ mìtọn ni yín dagbe to Kosi lẹ ṣẹnṣẹn; dọ, le yé tọ hódọ do mì go di ylanwàtọ, gbọn azọ́n dagbe mìtọn dali he yé na to pinpọ́n, na yé nido pagigona Jiwheyẹwhe to azán odlapọ́n tọn gbè.

1 PITA 4:11

Eyín mẹde to hódọ, ni nọ dọ di ohó Jiwheyẹwhe tọn; eyín mẹde sọ to devizónwà, ni basi i di huhlọn he Jiwheyẹwhe na ẹn: na yè nido pagigona Jiwheyẹwhe to onú popo mẹ gbọn Jesu Klisti mẹ, mẹhe pipa po huhlọn po tin na kakadoi. Niṣẹ.