JOHANU 15:4 - BIBLU WIWE LỌ 1923

⁴ Mì nọnọ̀ yẹn mẹ, podọ yẹn to mìwlẹ mẹ. Dile alà ma sọgan hẹn sinsẹ́n ededenu, adavó é nọnọ̀ ovẹntin mẹ; mokẹdẹ wẹ mìwlẹ ma sọgan, adavo mì nọnọ̀ yẹn mẹ.

JOHANU 15:4 Iomraidhean Croise

OHÀN SỌLỌMỌNI TỌN 8:5

Mẹnu wẹ ehe hẹji sọn zùngbomẹ ja he, He zènmẹ mẹyiwanna etọn? Yẹn fọ́n we dote to atin sinsẹ́nnọ glọ: Finẹ wẹ onọ towe ji we do, Finẹ wẹ ewọ he ji we ji we do.

HOSEA 14:8

Eflaimi È, etẹ́ yẹn tindo nado wà po vodun lẹ po gbède ba? Yẹn ko gblọn, bo na sọ hò e pọ́n: Yẹn tin taidi atin fili omu de; yẹn mẹ wẹ yè mọ sinsẹ́n towe sọn.

MATIU 12:33

Kavi hẹn atin yín dagbe, sinsén etọn yín dagbe; kavi hẹn átm yín yinyọn, sinsẹ́n etọn yín ylanylan: na sinsẹ́n atin tọn wẹ yè do nọ yón atin.

LUKU 8:15

Ṣigba ehe to aigba dagbe ji lẹ wẹ yé, he yí ayiha nugbo po dagbe po do sè ohó lọ, bo yí i hẹn, bo sọ yí homẹmimiọn do hẹn sinsẹ́n jegbonu wá.

JOHANU 14:20

To azán lọ gbè mì na yọnẹn dọ yẹn tin to Otọ́ ṣie mẹ, podọ mìwlẹ to yẹn mẹ, podọ yẹn to mì mẹ.

JOHANU 17:23

Yen to yé mẹ, podọ hie to yen mẹ; na yè nido hẹn ye yín pipe to dopo mẹ; na aihọn nido yọnen dọ hie we do mi hlan, bo sọ yìwanna yé, yedo dile hiẹ yiwanna mi do.

JOHANU 6:56

Mehe dù olan ṣie, bo sọ nù ohùn ṣie, ewọ to nìnò yen me, yen sọ to ninọ ewọ mẹ.

JOHANU 8:31

Enẹwutu wẹ Jesu dọ hlan Ju he yise nẹlẹ, dọ, Eyín mìwlẹ nọte to ohó ṣie me, whenẹnu mìwlẹ yin nuplọntọ ṣie nugbo;

OWALỌ APỌSTELI LẸ TỌN 11:23

Mẹhe, whenuena e jẹ finẹ, bo mọ ojọmiọn Jiwheyẹwhe ton, homẹ etọn hùn, é sọ yí ohó do jlahomedona yé omẹ pó, dọ, po awuwiwle to ayiha mẹ po wẹ yé ni yí dó sèbọ Oklunọ dogo.

OWALỌ APỌSTELI LẸ TỌN 14:22

yé to tudohomẹna nuplọntọ lẹ, bo sọ yí ohó do jlahomẹdona yé nado nọte to yise lọ mẹ, podọ mi ma sọgan nọ ma gbọn nukunbia susu mẹ biọ ahọludu Jiwheyẹwhe tọn mẹ gba.

2 KỌLINTINU LẸ 13:5

Mì dindòna mìde, eyín mì tin to yise mẹ; mì mọdòna mìde dagbedagbe. Be mì mẹ yén mìde wẹ, dọ Jesu Klisti tin to mì me, eyín é ma yín mọ be mẹgbigbé wẹ mì yin?

GALATIANU LẸ 2:20

Yè ko whè mi do satin go hẹ Klisti, ṣigba yẹn sọ tin to ogbẹ̀, mọwẹ é ma yín yẹn wẹ gba, Klisti he tin to ogbè to yẹn mẹ wẹ: ogbè he yẹn sọ tin te to dinvie to agbasalan mẹ, yẹn tin to ogbè to yise he tin to Ovi Jiwheyẹwhe tọn tọn mẹ, mẹhe yiwanna mi, bo sọ yí ede na mi.

EFESUNU LẸ 3:17

na Klisti nido nò ayiha mìtọn mẹ gbọn yise dali; dọ le yè ko yí afọ mìtọn hẹnai, bo sọ yí dòdó mìtọn hẹnai to owanyi mẹ do,

FILIPPINU LẸ 1:11

na le mì gó na sinsẹ́n dódo tọn, he gbọn Jesu Klisti mẹ, hlán gigo po pipa Jiwheyẹwhe tọn po.

KỌLỌSINU 1:23

eyín mì nọte to yise mẹ, bo hẹnadoai bo nọtegli, bọ yè ma sọ hẹn mì seafọ sọn tódido wẹndagbe tọn mẹ gba, ehe mì ko sè, ehe yè dọ yẹwheho etọn hlan omẹ he tin to olọn glọ lẹpo; ehe tọn yè yí yẹn Paulu do basi devizònwàtọ de na.

KỌLỌSINU 1:27

mẹhe Jiwheyẹwhe jlo nado yí adọkun gigo nudabla he tọn hia to Kosi lẹ ṣẹnṣẹn, ehe yín Klisti to mì ṣẹnṣẹn, tódido gigo tọn:

KỌLỌSINU 2:6

Enẹwutu le mì yí Klisti Jesu Oklunọ do, mọwẹ mì ni nọ to zọnlinzin to ewọ mẹ do:

1 TẸSALONIKANU LE 3:5

Na ehe tọn wutu, whenuena yẹn ma sọgan sinyẹnlin dẹn ba, yẹn dowẹn hlan nado yón yise mìtọn, vlavo whlepóntọ nẹ ko whle mì pọ́n, bọ magbọjẹ mítọn nasọ yín tata

HEBLU LẸ 10:39

Ṣigba mìwlẹ ma tin to yé he to agòjo yì godo hlan dindọn mẹ lẹ gba; adavo yé he yise hlan whlẹngan ayiha tọn.

1 JOHANU 2:6

Mẹhe dọmọ ewọ tin to e mẹ, é jẹ ewọ ga ni nọ zìnzọnlin do mọkẹdẹ dile ewọ to zọnlinzin do.

2 JOHANU 1:9

Mẹdepope he jẹ osẹ́n mẹ, bo, ma sọ nọte to oplọ́n Klisti tọn mẹ, ma tindo Jiwheyẹwhe gba. Éwọ he ka note to oplọ́n Klisti ton mẹ, wẹ mẹhe tindo Otọ́ po Ovi pọ.