JOHANU 15:18 - BIBLU WIWE LỌ 1923

¹⁸ Eyín aihọn gbẹwanna mì, mì yọnẹn dọ, é ko gbẹwanna mi, whẹpo é do gbẹwanna mì.

JOHANU 15:18 Iomraidhean Croise

1 AHỌLU LẸ 22:8

Ahọlu Islaeli tọn sọ dọ hlan Jehọṣafati dọmọ, Omẹ dopo de gbẹ́ sọ tin gbọn mẹhe dali míwlẹ sọgan kanbiọ sọn OKLUNỌ de, Mikaia visunnu Imla tọn: ṣigba yẹn gbẹwanna ẹn; na ewọ ma nọ dọdai dagbe gbọn dali ṣie gba, adavo oylan. Jehọṣafati sọ dọmọ, A dike ahọlu dọ mọ blo.

HÓWHÍNWHÉN LẸ 29:27

Gbẹtọ mawànugbonọ osùnú de wẹ na dódónọ lẹ: Podọ ewọ he sọ yín nugbonọ to aliho, osunú de we na mẹylankan lẹ.

ISAIA 49:7

Le wẹ OKLUNỌ Omẹflitọ Islaeli tọn, podọ Omẹ Wiwe etọn dọ, na mẹhe gbẹtọ to vivlẹ, na mẹhe akọta gbẹwanna, na devi ogán lẹ tọn, ahọlu lẹ na mọ bo sọ fọ́n, ahọvi lẹ ga na litaina OKLUNỌ he yín nugbonọ, Omẹ Wiwe Islaeli tọn, mẹhe ko dè we.

ISAIA 53:3

Yè vlẹ ẹ, yè sọ gbẹ́ ẹ to gbẹtọ lẹ de, gbẹtọ awublanọ, he yọ́n awubla: é sọ taidi mí hẹn nukun mítọn whla sọn e go; yè vlẹ ẹ, mí ma sọ ho e pọ́n.

ISAIA 66:5

Mi sè ohó OKLUNỌ tọn, mi he to sisọsisọ na ohó etọn; mẹmẹsunnu mitọn he gbẹwanna mi lọ, he tùn mi hlan na oyín ṣie wutu lọ, ko dọmọ, Mì gbọ yè ni pagigona OKLUNỌ: ṣigba ewọ na sọ awuhia na ayajijẹ mitọn, winyan na sọ hù yéwlẹ.

ZEKALIA 11:8

Yẹn sọ sán lẹngbọhótọ atọ̀n lẹ sẹ́ to osùn dopo mẹ; na alindọn ṣie yín gbẹ́donọ na yé, podọ alindọn yetọn ga sọ gbẹ́na mi.

MATIU 10:22

Yè na gbẹwánna mi gbọn gbẹtọ lẹpo de na oyín ṣie tọn wutu: ṣigba mehe sinyẹnlin kaka jẹ pòdo wẹ yè na whlẹngán.

MATIU 24:9

Whenẹnu wẹ yé na jo mì hlan nukunbibia, yé nasọ hù mì: yè nasọ gbẹwanna mì to akọta lẹpo mẹ na oyín ṣie tọn wutu.

MATIU 5:11

Donanọ wẹ mìwlẹ, whenuena gbẹtọ lẹ na to vivlẹ mì kò, bo to homekẹndo mì, bo sọ to oylan hunkọhunkọ dọ do mì go to lalo mẹ, na ṣie wutu.

MALKU 13:13

Yè na gbẹwanna mì sọn gbẹtọ lẹpo de na oyín ṣie tọn wutu; ṣigba mẹhe sinyẹnlin kaka jẹ opòdo wẹ yè na whlẹngan.

LUKU 6:22

Donanọ wẹ mì, whenuena gbẹto lẹ na to wangbẹna mì, whenuena ye na to mì klan sọn ogbé yetọn mẹ, bo nasọ to mì vlẹko, bo to oyín mìtọn dè yìngbe di oylan, na Ovi gbẹtọ tọn wutu.

JOHANU 16:1

ONU helẹ we yen ko dọ hlan mì, na yè ma na do hen mi dahli.

JOHANU 16:33

Onú helẹ wẹ yẹn ko nọ dọ hlan mì, na mì nido tindo jijọho to yẹn mẹ. To aihọn mẹ mì na tindo tukla: ṣigba mì dèji; yẹn ko gbawhàn aihọn tọn.

JOHANU 3:20

Na medepope he wẹ danu wa nọ gbẹwanna hinhọ́n, é ma sọ nọ wá hinhọ́n nu, yè nikã wọhe azón eton le.

JOHANU 7:7

Aihọn ma sọgan gbẹwanna mì gba; ṣigba yẹn wẹ é gbẹwanna, na yẹn dekunnu do e go, dọ oylan wẹ azọ́n etọn wutu.

OWALỌ APỌSTELI LẸ TỌN 14:22

yé to tudohomẹna nuplọntọ lẹ, bo sọ yí ohó do jlahomẹdona yé nado nọte to yise lọ mẹ, podọ mi ma sọgan nọ ma gbọn nukunbia susu mẹ biọ ahọludu Jiwheyẹwhe tọn mẹ gba.

HEBLU LẸ 12:2

bo nọ pọ́n hlan Jesu he yín dòdó po opòdo yise mìton tọn po, mehe na ayajẹ he ye zé do nukọn eton wutu é doakọ́nna satin lọ, ma hò winyan lọ pòn, bo sọ sinai to adusilọ ofìn Jiwheyẹwhe tọn ji.

JAKOBU 4:4

Mì yọnnu ayòdetọ lẹ, be mìwlẹ má yọnẹn dọ họ́ntọnji hẹ aihọn, okẹ̀n wẹ é yín to Jiwheyẹwhe dẽ? na mẹdepope he na yín họ́ntọn aihọn tọn, kẹ̀ntọ Jiwheyẹwhe tọn wẹ.

1 JOHANU 3:1

DO ayi e go, owanyi he hunkọ Otọ́ kòn do mí ji, dọ yè nido ylọ mí ovi Jiwheyẹwhe tọn lẹ: enẹwutu aihọn ma yọn mí, na é ma yọ́n ewọ wutu.

1 JOHANU 3:13

Awuji mì blo, mẹmẹsunnu ṣie emi, eyín aihọn gbẹwanna mì.

1 JOHANU 3:3

Mẹdepope he tindo tódido he to e ji, é klọ́ ede wé dile ewọ wé do.