JOHANU 14:6 - BIBLU WIWE LỌ 1923

⁶ Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali

JOHANU 14:6 Iomraidhean Croise

MATIU 11:27

Onú lepo wẹ yè yí na mi sọn Otọ́ ṣie de: mẹde ma sọ tunwun Ovi, adavo Oto mọ mẹde ma sọ tunwun Otọ́, adavo Ovi, podọ medepope he Ovi jlo nado so e hia na.

JOHANU 1:14

Yè sọ lẹ Ohó lọ zùn agbasalan, é sọ nò mí ṣẹnṣẹn, mí pọ́n gigo etọn gigo he di Ovi dèton dopo akàn sọn Otọ́ de, mẹhe go na ojọmiọn po nugbo po.

JOHANU 1:17

Na gbọn Moṣe me wẹ yè na osén omẹ, ṣigba Jesu Klisti mẹ wẹ ojọmiọn po nugbo po gbon wá

JOHANU 1:4

Ewọ mẹ wẹ ogbè te; ogbè lọ sọ wẹ kinhon gbẹtọ lẹ tọn.

JOHANU 10:28

yẹn sọ na ogbè madopodo hlan ye, yé ma na dòn gbede, mede ma so to na dọn ye sún son alọ ṣie mẹ.

JOHANU 10:7

Enẹwutu Jesu vọ dọ hlan yé, dọ, Nugbo, nugbo, wẹ yẹn dọ hlan mì, Yẹn wẹ ohon lengbọ ton.

JOHANU 10:9

Yen we ohòn lọ: eyín mẹde biọ họmẹ gbọn dẽ, ewọ lọ wẹ yè na whlẹngan, ewọ nasọ biọ họmẹ bo nasọ tọ́njegbonu, bo nasọ mọ kanlindugbo.

JOHANU 14:19

To whenu vude, aihọn ma na mọ mi ba; ṣigba mìwlẹ mọ mi: na yẹn tin to ogbè wutu, mì na tin to ogbè.

JOHANU 15:1

YẸN we ovẹntin nugbo lọ, Otọ́ ṣie wẹ oglesi.

JOHANU 18:37

Enewutu wẹ Pilati sọ dọ hlan en, dọ, Be ahọlu de wẹ hiẹ? Jesu so gblọn dọmọ, Hiẹ dọ dọ ahọlu de wé yẹn. Hlan opodo he wẹ yè ko do ji mi, podo hlan opodo he wẹ yẹn do wá aihọn mẹ, na yẹn nido dekunnu hlan nugbo lọ. Mẹdepope Le yín nugbo tọn sè ogbè ṣie

JOHANU 5:21

Na dile Otọ́ to osio fọ́n, bo sọ to yé hẹn do ogbé; mọkẹdẹ wẹ Ovi sọ nọ hẹn mẹhe é jlo le do ogbè ga.

JOHANU 6:33

Na akla Jiwheyẹwhe tọn wẹ enẹ he jete sọn olọn, bo sọ yí ogbe na aihon.

JOHANU 6:51

Yẹn wẹ akla ogbènọ lọ, ehe jẹte sọn olọn wa; eyín mẹdepope dù to akla he mẹ, e na tin to ogbẹ̀ kaka doi: mowẹ akla he yẹn na na lọ wẹ olan ṣie, ehe yẹn na na na ogbẹ̀ aihọn tọn.

JOHANU 6:57

Kẹdẹdile Otọ́ ogbèhọ, ko do mì hlan, bọ yen sọ tin to ogbè gbọn Otọ́ dali; mọkedẹ wẹ mẹhe dù mi, yèdọ ewo na tin to ogbè gbọn yẹn dali ga.

JOHANU 6:68

Simoni Pita gblọn nẹ̃, dọ, Oklunọ, mẹnu de mìwlẹ na yì? hiẹ wẹ tindo ohó ogbè madopodo tọn.

JOHANU 8:32

mìwlẹ nasọ yón nugbo, nugbo lọ nasọ hẹn mì jẹ mẹdekannu.

JOHANU 8:51

Nugbo, nugbo, wẹ yẹn dọ hlan mì, Eyín mẹde yí ohó ṣie hẹn, é ma na mọ okú gbède.

OWALỌ APỌSTELI LẸ TỌN 3:15

bo hù Ahọvi ogbè ton, he Jiwheyẹwhe zé tile son osiọ lẹ me; kunnudetọ ehe ton mìwlẹ yín,

OWALỌ APỌSTELI LẸ TỌN 4:12

Mọ whlẹngan ma sọ tin to mẹdevo de; na oyín de ma tin to olọn glọ he yè namẹ to gbẹtọ mẹ he yè nado whlẹn mí gán.

OWALỌ APỌSTELI LẸ TỌN 9:2

bo biọ owé to e de yì Damasku jẹ sinagọgu lẹ me dọ, eyín é mọ omẹ aliho he ji tọn de, eyín yé yín sunnu kavi yọnnu, na é ni hẹn yé bibla wá Jelúsalẹm.

LOMUNU LẸ 15:16

Do yen nido yín dẹvizónwàtọ Jesu Klisti tọn hlan Kosi lẹ, bo to devizón wẹndagbe Jiwheyẹwhe tọn wà, dọ yíyí mede do sánvọ́ Kosi lẹ tọn nido yín alọkẹyi, na le yè klán ẹn do wiwe gbọn Gbigbọ Wiwe dali do.

LOMUNU LẸ 5:2

gbọn mẹhe dali ga mí mọ vivo yí gbọn yise dali hlan ojọmiọn he mẹ, ehe mẹ mì nọte te, bo to ayajẹ to tódido gigo Jiwheyẹwhe tọn tọn mẹ.

LOMUNU LẸ 5:21

na le ylando duahọlu to okú mẹ, yèdọ mọ ojọmiọn nido duahọlu ga gbọn dódó mẹ hlan ogbẹ̀ madopodo gbọn Jesu Klisti Oklunọ mítọn mẹ.

1 KỌLINTINU LẸ 15:45

Mọwẹ yè wlan ẹn dọ, Yè yí Adam sunnu tintan do basi gbigbọ gbète; 3 yè sọ yí Adam godo tọn do basi gbigbọ megọdogbẹ tọn.

EFESUNU LẸ 2:18

Na gbọn ewọ mẹ wẹ mí omẹ awe le ko mọ ali gbọn Gbigbọ dopo de jẹ Otọ de.

KỌLỌSINU 2:17

ehe yín oyè onú be ja lẹ tọn de; ṣigba Klisti tọn wẹ agbasa.

KỌLỌSINU 2:9

Na ewọ mẹ we gigọ́ ozọnji Jiwheyẹwhe tọn lẹpo nọnọ̀ to agbasa mẹ.

KỌLỌSINU 3:4

Whenuena Klisti, mẹhe yín ogbè mítọn, na yí ede hia, whenẹnu wẹ mìwlẹ ga na yí mìde hia gọ́ nẹ̃ to gigo mẹ.

HEBLU LẸ 7:25

Enẹwutu é sọgan whlẹn yé gán ga kaka jẹ opòdo, yé he wá Jiwheyẹwhe de gbọn afọ etọn ji lẹ, na é tin to ogbè tẹgbẹ̃ nado nọ vẹvẹ na yé.

HEBLU LẸ 9:8

Gbigbọ Wiwe sọ yí ehe do dohia dọ, ali biọ ofi wiwe he hú popo lẹpo mẹ ma ko sọawúhia gba, whenuena gohò tintan tin to ote:

1 PITA 1:21

mẹhe gbọn ewọ mẹ yin yisẹnọ to jiwheyẹwhe mẹ, he fọn ẹn tite sọn oṣiọ lẹ mẹ, bo sọ na gigo e; na yise po tódido mìtọn po nido tin to Jiwheyẹwhe mẹ.

1 PITA 2:4

Mẹhe mì ja e de di zannu ogbènọ de, he yè gbọn alọ gbẹtọ lẹ tọn mẹ gbẹdai nugbo, ṣigba yè ko dè e to Jiwheyẹwhe de, akuẹgegentu,

1 PITA 3:18

Na Klisti lọsu ga jiya whladopo na ylando wutu, dodonọ na mawàdódónọ, na é nido hẹn mi wá Jiwheyẹwhe de, mẹhe yè hù to agbasalan mẹ, ṣigba bọ yè hẹn wá ogbè to gbigbọ mẹ:

1 JOHANU 1:8

Eyín míwlẹ dọ dọ mí ma tindo ylando, mi klọ mìde, nugbo de ma sọ tin to mí mẹ gba.

1 JOHANU 2:23

Mẹdepope he mọ́n Ovi, ewọ lọ wẹ ma tindo Otọ́: ṣigba, ewọ he yígbe Ovi tọn, é tindo Otọ́ ga.

1 JOHANU 5:20

Mí sọ yọnẹn dọ Ovi Jiwheyẹwhe tọn wá, bo sọ na wuntùntùn mí, na mí nido yón ewọ he yín nugbo, mìwlẹ sọ tin to ewọ he yin nugbo mẹ, yèdọ to Jesu Klisti Ovi etọn mẹ. Ehe wẹ Jiwheyẹwhe nugbo lọ po ogbè madopodo po.

1 JOHANU 5:6

Ehe we ewọ he wá gbọn osìn po ohùn po dali, yèdọ Jesu Klisti; é ma yín gbọn osìn kẹdẹ dali gba, ṣigba gbọn osìn po ohùn po dali. Gbigbọ wẹ sọ to kunnude, na nugbo wẹ Gbigbọ lọ wutu.

2 JOHANU 1:9

Mẹdepope he jẹ osẹ́n mẹ, bo, ma sọ nọte to oplọ́n Klisti tọn mẹ, ma tindo Jiwheyẹwhe gba. Éwọ he ka note to oplọ́n Klisti ton mẹ, wẹ mẹhe tindo Otọ́ po Ovi pọ.

OSỌHIA 1:5

sọn Jesu Klisti de, mẹhe yín kunnudetọ nugbonọ lọ, omẹ plọnji sọn osiọ lẹ mẹ, ahọvi ahọlu aigba tọn lẹ ton. Hlan ewọ he yiwanna mí, bo so yí ohùn etọn do klọ mí sọn ylando mítọn le me,

OSỌHIA 19:11

Yẹn sọ mọ olọn hùn do nùvò, pọ́n osọ́ wéwe de: mẹhe hé e ji wẹ yè nọ ylọ Nugbonọ, Dódónọ, dódó mẹ wẹ é sọ to whẹ̀da te, bo sọ to awhànfùn te.

OSỌHIA 20:15

Mẹdepope he yè ma mọ yín winwlan do owé ogbẹ́ tọn mẹ, yè dòn ẹn yì dlẹn miyọn hihla mẹ.

OSỌHIA 22:1

E sọ do otò osìn ogbẹ́ tọn de hia mi, ehe we sesẹ́ di klistali, he to tinton sọn fie ofìn Jiwheyẹwhe tọn, po Lẹngbovu lọ tọn po te.

OSỌHIA 22:17

Gbigbọ po asiyọyọ po dọmọ, Wá. Ewọ he to sisè ni dọmọ, Wá. Podọ mẹhe nugblahu gbọ é ni wa. Ewọ he jlo, gbọ é ni yí osìn ogbẹ̀ tọn lọ vọnu.

OSỌHIA 3:14

Podọ hlan angẹli he tin to Laodikea tọn kanwe; Onú helẹ wẹ Niṣẹ dọ, kunnudetọ: dódónọ, nugbonọ, omẹ tintan to nudida Jiwheyẹwhe tọn lẹ mẹ;

OSỌHIA 3:7

Hlan angẹli agùn he tin to Filadẹlfia tọn kanwe; Onú helẹ wẹ ewọ he yín wiwe dọ, ewọ he yín nugbonọ, ewọ he tindo họ̀nhùngàn Davidi tọn, ewọ he hùn, bọ mẹdepope ma sú; podọ he sú bọ mẹdepope ma hùn.