JOHANU 14:30 - BIBLU WIWE LỌ 1923

³⁰ Yẹn ma na dọhó susu hẹ mì ba gba: na ahọvi aihọn tọn lọ wá, ewọ ma sọ tindo núde to yen mẹ.

JOHANU 14:30 Iomraidhean Croise

LUKU 1:35

Angeli lọ sọ gblọn bo dọ hlan ẹn, dọ, Gbigbọ Wiwe na wá oji we, huhlọn Gigogan tọn nasọ ṣinyọn oyé oji we: enẹwutu ga onú wiwe he tin nado yín didètọ́n sọn hiẹ mẹ, Ovi Jiwheyẹwhe tọn yè na nọ ylọ ẹ.

LUKU 22:53

Whenuena yẹn tin egbésọ po mì po to tẹmpli mẹ, mìwlẹ ma dlẹn alọ nado wlé mi gba: ṣigba ojlẹ mìtọn wẹ ehe, podọ huhlọn zinvlu tọn.

JOHANU 12:31

Dinvie wẹ whẹ̀dida aihọn he tọn de wá: dinvie we yè na yàn ahọvi aihon he tọn jẹgbonu.

OWALỌ APỌSTELI LẸ TỌN 1:3

mẹhe e do ede hia hlan ga to ogbè to oyaji etọn godo gbọn ohia nugbo susu dali, bo to awusohia hlan yé kaka azán kande, bo sọ tọ ohó onú he gbọn ahọludu Jiwheyẹwhe tọn dali lẹ tọn dọ:

2 KỌLINTINU LẸ 4:4

mẹhe mẹ yẹwhe owhenu he tọn ko tọnnukunna nuyọnẹn omẹ he ma yise lẹ tọn, na hinhọ́n wẹndagbe gigonọ Klisti tọn tọn, mẹhe yín apajlẹ Jiwheyẹwhe tọn, ma na do hónun hlan yé.

2 KỌLINTINU LẸ 5:21

Na e ko basi ewọ he ma yon ylando depope nado yín ylando na mí, na yè nido yí mí do basi dódó Jiwheyẹwhe tọn to ewọ mẹ.

EFESUNU LẸ 2:2

to ehe mẹ mìwlẹ ko to zọnlinzin te to hóhó whenu kẹdẹdi owalọ aihọn he tọn, kedẹdi ahọvi huhlon agàhomẹ tọn ton, gbigbọ he to azọ́nwà to dinvie to ovi tólivive tọn lẹ mẹ:

EFESUNU LẸ 6:12

Na é ma yín agbasalan po ohùn po wẹ mìwlẹ to ahidi hẹ gba, ṣigba hẹ ogan lẹ, hẹ huhlọn lẹ, hẹ nukontọ zinvlu aihọn he tọn lẹ, hẹ nútegbè gbigbọnọ lẹ to otẹn he tin to olọn lẹ mẹ.

KỌLỌSINU 1:13

mẹhe sọ whlẹn mi sọn huhlọn zinvíu tọn mẹ, bo sọ diọ mí do ahọludu Ovi vivẹ etọn tọn mẹ;

HEBLU LẸ 4:15

Na mìwlẹ ma tindo yẹwhenọ daho he ma yón vivẹ madogán mìton lẹ tọn; ṣigba to onú lẹpo mẹ he yè whlepón kẹdedi mìwlẹ, ṣigba to matin ylando mẹ.

HEBLU LẸ 7:26

Na yẹwhenọ daho mọtọn hunkọ wẹ jẹ mí, mẹwiwe, madoblu, magble, mẹhe jela na ylandonọ lẹ, he yè zé daga hú olọn lẹ.

1 PITA 1:19

adavo ohùn Klisti tọn akuẹgegenu, di lẹngbọvu he matin apa go tọn, podọ matin diho.

1 PITA 2:22

mẹhe ma waylando depope, bọ yè ma sọ mọ oklọ de to onù etọn mẹ:

1 JOHANU 4:4

Jiwheyẹwhe de mì jọ̀ sọn, yọ̀pọ emi, mì ko gbawhàn yétọn: na klohú wẹ ewọ he tin to mì mẹ, hú ewọ he tin to aihọn mẹ.

1 JOHANU 5:18

Mìwlẹ yọnẹn dọ mẹdepope he yè dètón sọn Jiwheyẹwhe de ma nọ wàylan; ṣigba ewọ he yè dètón sọn Jiwheyẹwhe mẹ nọ yí ede whlá, mẹylankan lọ ma sọ gàn do e go.

1 JOHANU 5:19

Mìwlẹ sọ yọnẹn dọ Jiwheyẹwhe de mí jò sọn, aihọn, lepo sọ mlọnai to omẹ ylankan lọ mẹ.

OSỌHIA 12:9

Yé sọ yàn dlagọni daho lọ jẹgbonu, odàn hóhó lọ, he yè nọ ylọ Lẹgba, podọ Satani, he nọ to aihọn lẹpo klọ: yè yàn ẹn dlẹn aigba ji, bo sọ yàn angẹli etọn lẹ jẹgbonu po e po