JOHANU 14:21 - BIBLU WIWE LỌ 1923

²¹ Ewọ he tindo ósén ṣie lẹ, bo sọ yìn yé, ewọ lọ wẹ mẹhe yiwanna mi: mẹhe sọ yiwanna mì, yè na yiwan nẹ sọn Otọ́ ṣie de, yẹn nasọ yiwan nẹ bo nasọ do dè hia hlan ẹn.

JOHANU 14:21 Iomraidhean Croise

2 AHỌLU LẸ 18:6

Na e sẹ́bòdo OKLUNỌ de, é ma fọnyì sọn hihodo e mẹ gba, ṣigba bo to gbèdide etọn lẹ yìn, he OKLUNỌ degbèna Moṣe.

PSALM 35:27

Gbọ yé ni yí ayajijẹ do jihàn, na homẹ yetọn ni sọ vivi, yé he do homẹhùn to dódó ṣie mẹ lẹ; Nugbo, gbọ yé ni to didọ kaka, dọmọ, OKLUNỌ wẹ yè ni nọ zedaga, He do homẹhùnhùn to jijọho devi etọn tọn mẹ

Eksọdusi 33:18

Ewọ sọ dọmọ, Do gigo towe hia mi, yẹn vẹ̃ we.

HÓWHÍNWHÉN LẸ 8:17

Yẹn yiwanna yé he yiwanna mi le; Mẹhe sọ din mi mẹwhenu na mọ mi.

JẸLEMIA 31:31

Dayi e go, azán le wá, wẹ OKLUNỌ dọ, bọ yẹn na basi alẹnù yọ́yọ́ de hẹ owhé Islaeli tọn, podọ hẹ owhé Juda tọn:

ZẸFANIA 3:17

OKLUNỌ Jiwheyẹwhe towe tin to gblagbla hiẹ tọn mẹ, hlọnhlọnnọ dopo de mẹhe na whlẹnmẹ: ewọ na yí ayajẹ do jaya to oji we, ewọ na yín abọẹnọ to owanyi etọn mẹ; ewọ na yí hànjiji do jaya to oji we.

LUKU 11:28

Ṣigba é dọmọ, Nugbo yè ni kúkú dọmọ, donanọ wẹ yé he sè ohó Jiwheyẹwhe tọn, bo sọ yí i whlá.

JOHANU 14:15

Eyín mì yiwanna mi, mì bo yìn osẹn ṣie lẹ.

JOHANU 14:18

Yẹn ma na jo mì do mẹdesọnajinọkòn gba: yẹn sọ ja mì de.

JOHANU 15:14

Hónton ṣie wẹ mìwlẹ, eyín mì wa onú he yẹn degbèna mì lẹ.

JOHANU 16:14

Ewọ na pagigona mi; na e na de son ṣie mẹ, bo na la ẹ hlan mì.

JOHANU 16:27

na Otò lọsu yiwanna mì, na mìwlẹ yiwanna mi wutu, bo ko sọ yise do Jiwheyẹwhe de we yẹn sọn wa.

JOHANU 17:23

Yen to yé mẹ, podọ hie to yen mẹ; na yè nido hẹn ye yín pipe to dopo mẹ; na aihọn nido yọnen dọ hie we do mi hlan, bo sọ yìwanna yé, yedo dile hiẹ yiwanna mi do.

OWALỌ APỌSTELI LẸ TỌN 22:18

bo sọ mọ ẹn to didọ hlan mi, dọ, Yawu, bo tọn sọn Jelusalẹm, na yé ma na yí okunnude towe gbọn dali ṣie gba.

2 KỌLINTINU LẸ 12:8

Yẹn sọ vé Oklunọ whlatòn na onú he, na é ni dè e sọn dẽ.

2 KỌLINTINU LẸ 3:18

Ṣigba mí omẹ popo, matin nukunmẹṣinyọnnu he to gigo Oklunọ tọn pòn taidi to mẹpónnu de mẹ, we yè diọ do apajlẹ dopolọ mẹ sọn gigo mẹ jẹ gigo mẹ, Yèdọ taidi sọn Gbigbọ Oklunọ tọn mẹ.

2 KỌLINTINU LẸ 4:6

Na Jiwheyẹwhe, he degbèna hinhọ́n nado hónun sọn zinvlu me, ko hónun to ayiha mítọn lẹ me, nado na hinhọ́n oyọnẹn gigo Jiwheyẹwhe tọn tọn omẹ to nukun Jesu Klisti tọn mẹ.

Deutelonomi 11:13

E nasọ wá jọ, eyín mì na yí sọwhiwhe do tùntóai hlan gbèdide ṣie Íẹ he yẹn degbèna mì to egbé he, nado yí ayiha mìtọn lẹpo podọ po alindọn mìtọn lẹpo po do yiwanna OKLUNỌ lọ Jiwheyẹwhe mìtọn bo sọ nọ sẹ̀n ẹn,

Deutelonomi 7:13

ewọ na yiwanna we, bo nọ dona we, bo hẹn we sùdeji: ewọ nasọ dona sinsẹ́n agbasa towe tọn ga po sinsẹ̀n aigba towe tọn po, gbadó towe po ovẹ̃n towe po po amì towe po, jideji oyin towe lẹ tọn po lẹngbọvi lẹngbọpa towe lẹ tọn po, to aigba lọ ji he ewọ whle hlan otọ towe lẹ nado na yé.

2 TẸSALONIKANU LẸ 2:16

Dinvie na Jesu Klisti Oklunọ mítọn lọsu, po: Jiwheyẹwhe po, yèdọ Otọ mítọn lọ, mẹhe yiwanna mí, bo sọ yí homẹmimiọn madopodo po tódido dagbedagbe po na mí gbọn ojọmiọn mẹ,

2 TIMOTI 4:22

Oklunọ ni tin po gbigbọ towe po Ojomiọn mi tin pọ mì po. Niṣẹ.

1 JOHANU 2:5

Ṣigba mẹdepope he yìn ohó etọn, e go we owanyi Jiwheyẹwhe tọn sọgbè te nugbonugbo: ehe mẹ wẹ mìwlẹ yọnẹn te dọ mí tin to ewọ mẹ.

1 JOHANU 3:1

DO ayi e go, owanyi he hunkọ Otọ́ kòn do mí ji, dọ yè nido ylọ mí ovi Jiwheyẹwhe tọn lẹ: enẹwutu aihọn ma yọn mí, na é ma yọ́n ewọ wutu.

1 JOHANU 5:3

Na ehe wẹ owanyi Jiwheyẹwhe tọn, dọ mi ni yìn osẹ́n etọn: osẹ́n etọn ma sọ yín nupẹ̀nagbanmẹ gba.

2 JOHANU 1:6

Ehe sọ wẹ owanyi, dọ mí ni to zọnlinzin kẹdẹdi osẹ́n etọn lẹ. Ehe wẹ osẹ́n lọ, na, le mì ko sè sọn whẹ́whẹ́whenu, dọ mì ni to zọnlinzin tò e mẹ.

OSỌHIA 2:17

Ewọ he tindo otó, gbọ e ni sè onú he Gbigbọ to didọ hlan agùn lẹ lọ; Ewọ he gbawhàn wẹ yẹn na na nado dù sọn mana whiwhlá lọ mẹ, bo nasọ na ozannu wéwé de e, podọ to zannu lọ me oyín yọ́yọ́ he yè wlan de, he mẹde mẹ yọnẹn, adavo ewọ he yí i.

OSỌHIA 22:14

Donanọ wẹ yé he yan awugbo yetọn lẹ, na yé nido tindo ojlọjẹ nado wá atin ogbẹ̀ tọn lọ kòn, bo do sọgan gbọn hòngbo lẹ ji biọ otodaho lọ mẹ.

OSỌHIA 3:20

Do ayi e go, yẹn site tọ ohòn go, bo to hònhúliú: eyín mẹdepope sè ogbè ṣie bò hùnhòn, yẹn na biọ whegbò wá e; de, yẹn nasọ nọ dùjlonú hẹ ewọ, podọ ewọ hẹ yẹn.