JOHANU 14:16 - BIBLU WIWE LỌ 1923

¹⁶ Yẹn nasọ hodè hlan Otọ́, ewọ nasọ na Homẹjladoto devo mì, na dọ ewọ nido tin to mì de kaka doi;

JOHANU 14:16 Iomraidhean Croise

MATIU 28:20

Na mì sọ nọ plón ye na do nọ doayi onu lẹpo go, nudepopẹ he ẹn degbena mi; bọ pọn yẹn to mi to whẹpoponu, kaka jẹ opodo aihọn tọn. Niṣẹ.

JOHANU 14:14

Eyín mì kàn nudepope biọ to oyín ṣie mẹ, yẹn na basi i.

JOHANU 14:18

Yẹn ma na jo mì do mẹdesọnajinọkòn gba: yẹn sọ ja mì de.

JOHANU 14:26

Ṣigba Whẹ̀yídotọ lọ, he yín Gbigbọ Wiwe, mẹhe Otọ́ na dohlan to oyín ṣie mẹ, ewọ na plon onu lepo mì, bo nasọ hen onú he yen dọ hlan mi lepo wá oflin mìton me.

JOHANU 15:26

Ṣigba whenuena Whèyídọtọ lọ wá mẹhe yẹn na dohlan mì sọn Otọ de, yèdọ Gbigbọ nugbo tọn, mehe tón sọn Otọ de, ewọ na dekunnuna mi:

JOHANU 16:22

Enẹwutu mìwlẹ tindo awubla to dinvie; ṣigba yẹn nasọ vò mì mọ, ayiha mìtọn naso jaya, mede ma naso de ayaje mìtọn son mì de.

JOHANU 17:15

Yẹn ma basi okanbiọ dọ, hiẹ nido fò yé sọn aihọn mẹ gba, ṣigba dọ hiẹ ni whlá yé sọn oylan mẹ.

JOHANU 17:20

Yẹn ma sọ hodè na ehelẹ kẹdẹ gba, ṣigba na yé ga he na yí mi se gbọn ohó yetọn mẹ lẹ;

JOHANU 4:14

Ṣigba mẹdepope he nù osìn he yẹn na na ẹn ové ma na hú i gbède; ṣigba osìn he yẹn na na ẹn, na lẹzùn odotò osìn tọn de to ohò etọn mẹ, he na to sisa hlan jẹ ogbè madopodo.

JOHANU 7:39

(Ṣigba é dọ ehe na Gbigbọ tọn, ehe mehe yí i se lẹ na mọyí: na yè ma ko na Gbigbọ Wiwe omẹ gba; na yè ma ko pagigona Jesu wutu.)

OWALỌ APỌSTELI LẸ TỌN 1:4

whenuena e to núdù po yé po, é dosénna ye dọ yé yì son Jelusalẹm blo, ṣigba yé ni nọtepọ́n opagbe Otọ́ tọn, ehe, é dọ, mì ko sè sọn onù ṣie mẹ.

OWALỌ APỌSTELI LẸ TỌN 13:52

Nuplọntọ lẹ sọ gó na ayajẹ po Gbigbọ Wiwe po.

OWALỌ APỌSTELI LẸ TỌN 9:31

Mowẹ agùn lẹ tindo jijọho lédo Judé, to Galili podọ to Samalia, bo yín lili: yé sọ to zọnlinzin to osi Okluno tọn mẹ, podọ to homẹmimiọn Gbigbọ Wiwe tọn mẹ, bo sọ to susu do e ji.

LOMUNU LẸ 14:17

na ahọludu Jiwheyẹwhe ton ma yín nudùdù po nunùnù po gba; adavo dódó, jijọho, po ayaje po to Gbigbọ Wiwe mẹ

LOMUNU LẸ 15:13

Jiwheyẹwhe otódo tọn ni yí ayajẹ po jijọho lẹpo po do gó mì to yiyise mẹ, na mì nido sù to otódo mẹ, gbọn huhlọn Gbigbọ Wiwe tọn dali.

LOMUNU LẸ 5:5

tódido ma nọ dowinyanmẹ: na yè ko kòn owanyi Jiwheyẹwhe tọn pó ayiha mìton mẹ gbọn Gbigbọ Wiwe he yè yí hlan mí dali.

LOMUNU LẸ 8:34

Mẹnu wẹ ewọ he to whẹgbledomẹ? Klisti wẹ omẹ he kú, nugbo, yè ni kukú dọ, he yè sọ zetite, mẹhe tin yèdọ to adusilọ Jiwheyẹwhe tọn mẹ, mẹhe to vẹ̀vẹ̀ na mí ga.

GALATIANU LẸ 5:22

Ṣigba sinsén Gbigbọ tọn wẹ, owanyi, ayajẹ, jijọho, linsinven, homedagbe, dagbewà, nugbowà,

FILIPPINU LẸ 2:1

ENEWUTU eyín homehùnhùnhó de tin to Klisti me, eyín homẹmimiọn owanyi tọn, eyín kondopọ Gbigbọ tọn, eyín leblanu bibò lẹ po awuvẹmẹ lẹ po,

2 TẸSALONIKANU LẸ 2:16

Dinvie na Jesu Klisti Oklunọ mítọn lọsu, po: Jiwheyẹwhe po, yèdọ Otọ mítọn lọ, mẹhe yiwanna mí, bo sọ yí homẹmimiọn madopodo po tódido dagbedagbe po na mí gbọn ojọmiọn mẹ,

HEBLU LẸ 7:25

Enẹwutu é sọgan whlẹn yé gán ga kaka jẹ opòdo, yé he wá Jiwheyẹwhe de gbọn afọ etọn ji lẹ, na é tin to ogbè tẹgbẹ̃ nado nọ vẹvẹ na yé.

1 JOHANU 2:1

MI yọ̀pọ ṣie lẹ emi, owé onú helẹ tọn wẹ yẹn wlan hlan mì, na mì ma na do wàylan. Eyín mẹdepope wàylan, mí tindo whẹyidọtọ de to, Otọ́ de, Jesu Klisti dódónọ lọ:

1 JOHANU 2:27

Ṣigba amisisa he mì ko yi to e de nọte to mì mẹ, mì ma sọ din dọ mẹde ni plọ́n mì gba; ṣigba le amisisa lọ to mì plọ́n gbọn onú lẹpo tọn dali, bọ é sọ yín nugbo do, bo ma yín lalo, kẹdẹdile é plọ́n mì do, mìwlẹ ni sọ nọte to e mẹ.

2 JOHANU 1:2

na nugbo lọ tọn wutu, he to ninò mí mẹ, bo nasọ nọ nọhẹ mí kakadoi.